شۇبار كۇزەن
شۇبار كۇزەن — سۋسارلار تۇقىمداسىنىڭ ورتاشا ءپىشىندى جىرتقىشى (دەنەسىنىڭ ۇزىندىعى 35-38 سم، سالماعى 650-680 گ). سىرت ءپىشىنى كۇزەنگە ۇقساس، ءبىراق ارقاسى الاباجاق؛ قۇرساعى قارا ءتۇستى، باسىنىڭ ورتاسىنان كولدەنەڭ ۇلكەن اق جولاق وتەدى. كۇزەنگە تاعى ءبىر ۇقساستىعى — ارقاسىن دوعا ءتارىزدى ءيىپ، سەكىرىپ قوزعالۋى. قورىققاندا نەمەسە ىزالانعاندا وزىنە ءتان قيمىلىمەن شاشاقتالعان قۇيرىعىن ارقاسىنا تاستاپ، باسىن كوتەرىپ، ءتىسىن سىرەستىرىپ، يت سياقتى ىرىلداعان دىبىس شىعارادى. كاسپييدەن ەرتىسكە دەيىن ءشولدى جەرلەردى مەكەندەيدى، ءبىراق بارلىق جەردە سيرەك، سول ءۇشىن قازاقستاننىڭ قىزىل كىتابىنا ەنگىزىلگەن. بۇل سارىشۇناقتار، قۇمتىشقاندار، جەردە ۇيالايتىن قۇستارمەن قورەكتەنەدى. 15 جىل ءومىر سۇرەدى. ىندە ۇيالايدى. ماۋسىم-شىلدەدە كۇيلەيدى، 5 ايدان كەيىن ىنىندە 3-8 ۇرپاق پايدا بولادى. سانىنىڭ ازايۋىنىڭ نەگىزگى سەبەپتەرى — تىڭ جەرلەردى جىرتۋ جانە كەمىرگىشتەرمەن كۇرەسۋ ءۇشىن ۋلى حيميكاتتاردى كەڭ قولدانۋ.
You Might Also Like
-
مەن بايتەن اينۇر داۋلەت قىزى 1994 جىلدىڭ 28ء-ىنشى جۇلدىزى كۇنى وقو تۇركىستان قالاسىندا قاراپايىم وتباسىندا دۇنيەگە كەلدىم.اكەم مەن انام قاراپايىم جۇمىسشىلار. ءومىردىڭ قيىنشىلىعىن از كورمەدىك. اللاعا ش...
-
شاكەن كەنجەتاي ۇلى ايمانوۆ (1914-1970) — قازاقتىڭ ايگىلى ءارتىسى، رەجيسسەر. قازاقستاننىڭ حالىق ءارتىسى، قازاقستان رەسپۋبليكاسى مەملەكەتتىك سىيلىعىنىڭ لاۋرەاتى. كسرو حالىق ءارتىسى، كسرو مەملەكەتتى...
