مەنىڭ ومىرىمدەگى ۇشتىلدىلىك
مەن قازىرگى تاڭدا مەكتەپ قابىرعاسىندا، ياعني 11 سىنىپتا وقىپ ءجۇرمىن. 7 سىنىپتان باستاپ، اعىلشىن تىلىنە دەگەن قىزىعۋشىلىعىم ارتا باستادى. قازاق ءتىلى - مەملەكەتتىك ءتىل، ورىس ءتىلى - قارىم-قاتىناس ءتىلى بولسا، اعىلشىن ءتىلى –حالىقارالىق ءتىل ەكەندىگى بارشا ايان.
قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان ءابىش ۇلى نازاربايەۆ ۇشتىلدىلىك تۋرالى ەڭ العاش رەت 2006 –جىلى قازاقستان حالقى اسسامبلەياسىنىڭ ءحىى سەسسياسىندا ايتقان ەدى. ول كەزدە مەملەكەت باسشىسى كەم دەگەندە ءۇش ءتىلدى ءبىلۋ ءبىزدىڭ بالالارىمىزدىڭ بولاشاعى ءۇشىن وتە ماڭىزدى دەگەن بولاتىن. ودان كەيىن، 2007-جىلعى «جاڭا الەمدەگى جاڭا قازاقستان» اتتى جولداۋىندا مەملەكەت باسشىسى «ۇشتىلدىلىك» جوباسىن كەزەڭ-كەزەڭىمەن جۇزەگە اسىرا باستاۋ كەرەكتىگىن ۇسىنعان بولاتىن. «الەمدە قازاقستان حالقى ءۇش ءتىلدى بىلەتىن، جوعارى ءبىلىمدى ەل رەتىندە تانىلۋى كەرەك. بۇل: قازاق تىلى-مەملەكەتتىك ءتىل، ورىس ءتىلى- ۇلارالىق قاتىناس ءتىلى جانە اعىلشىن ءتىلى- جاھاندىق ەكونوميكا مەن ءساتتى ىقپالداسۋدىڭ ءتىلى» دەگەن ەدى ەلباسى.
قازىرگى تاڭدا ەلباسىنىڭ باسىندا ايتىپ وتكەن ۇشتىلدىلىكتى دامىتۋ بارىسىندا كوپتەگەن جۇمىستار اتقارىلۋدا.
ال مەنىڭ ومىرىمدەگى ۇشتىلدىلىككە توقتالار بولسام، ءۇش تىلدە دە ەركىن سويلەي الامىن. سونىمەن قاتار اعىلشىن تىلىندە وتەتىن ءتۇرلى سايىستارعا قاتىسىپ جۇلدەلى ورىندارعا يە بولىپ ءجۇرمىن. وسىنداي ناتيجەگە قول جەتكىزۋىمە اعىلشىن تىلىنەن ساباق بەرەتىن ۇستازىم- نۋرماگامبەتوۆا ايگۋل بايجان قىزىنىڭ ەڭبەگى دە وراسان زور. جالپى ون ءبىرىنشى سىنىپتى اياقتاعان سوڭ تاڭداپ وتىرعان ماماندىعىم- اعىلشىن ءتىلىنىڭ اۋدارماشى ماماندىعى بولىپ تابىلادى. جانە دە اتالعان ماماندىققا ءتۇسۋ ءۇشىن كوپ ىزدەنۋدەمىن، سونداي-اق قوسىمشا دايىندىق ۇستىندەمىن. شابىتىم كەلگەن كەزدە ولەڭ شىعاراتىنىم تاعى بار. كەي كەزدە كەيبىر ولەڭدەردى نەمەسە، شىعارمالاردى اعىلشىن تىلىنە اۋدارۋ سۇيىكتى ىستەرىمنىڭ ءبىرى. وعان دالەل: شەل سيلۆەرستايننىڭ «The Voice» دەپ اتالاتىن ولەڭىنىڭ اۋدارماسىن ۇسىنىپ وتىرمىن:
The Voice
There is a voice inside of you
The whispers all day long
“ I feel this is right for me،
I know that this right for me”
No teacher، preacher، parent، friend
Or wise man can decide
What’s right for you just listen to
The voice that speaks inside
مەكەندەيدى جان دۇنيەڭدە ىشكى ءۇنىڭ
سىبىرىمەن سول ءبىر ءۇننىڭ وتەر كۇنىڭ
قۇلاق سالساڭ، ايتار، باعىت باعدار بەرىپ،
مۇنىڭ قاتە، ال مىناۋىڭ ءجون ەكەنىن
اتا-اناڭ ، ادال دوسىڭ قاس جاۋىڭدا
سول داۋىستاي ءجون سىلتەمەس ۇستازىڭ دا
نازار سالىپ،قۇلاق ءتۇرشى وعان ءبىر ءسات،
قاتە بولماس باسقان قادام تاڭداۋىڭدا
قازىرگى تاڭدا اتالعان ولەڭدى ورىس تىلىنە اۋدارۋدامىن. مىنەكي، مەنىڭ ومىرىمدە ۇشتىلدىلىك وسىلاي جۇزەگە اسىرىلۋدا. قورىتا ايتا كەلگەندە، ەلباسى باستاعان ۇشتىلىك تۋرالى باستامانى جالعاستىرۋ، ونى جۇزەگە اسىرۋ - ءار قازاقستاندىق ۇرپاقتىڭ مىندەتى دەپ بىلەمىن.
You Might Also Like
