InfoHub Logo

«سوۆەت وداعىنىڭ باتىر ءمادي بەگەنوۆ اتىنداعى
جالپى ءبىلىم بەرەتىن ورتا مەكتەپ مم»- ءنىڭ
پەداگوگ - پسيحولوگى
يسايەۆا زاۋرە مۋفتىيەۆنا

باستاۋىش سىنىپ اتا – انالارى مەن مۇعالىمدەرىنە پسيحولوگيالىق ترەنينگ

تاقىرىبى: «مەنىڭ وتباسىم - سىيلاستىق، جاراستىق ورناعان ورتام»
ماقساتى: اتا - انانىڭ بالا تاربيەسىندەگى قارىم - قاتىناسى تۋرالى تۇسىنىكتەر بەرۋ ارقىلى اتا - انالاردىڭ بىلىمدەرىن كوتەرۋگە كومەكتەسۋ.

ساباق بارىسى:
پسيحولوگ: قوش كەلدىڭىزدەر، قۇرمەتتى اتا - انالار، وقۋشىلار جانە ارىپتەستەر. بۇگىنگى ءبىزدىڭ وتىرىسىمىز ەرەكشە بولادى دەگەن ۇمىتپەن ترەنينگتى باستايمىز. ترەنينگىمىزدىڭ ەرەكشەلىگى سول، تاربيە پروسەسىندەگى قيىندىقتاردى ءبىز بوپ، ءسىز بوپ پىكىرلەسە وتىرىپ، ويىمىزدى تۇيىندەپ، ءومىر جولىندا پايدالانۋ. ولاي بولسا، بۇگىنگى ترەنينگىمىزدى باستاماستان بۇرىن وزدەرىمىزدى تانىستىرىپ وتەيىك.
وتباسى - ادام بالاسىنىڭ التىن دىڭگەگى. ويتكەنى ادام ەڭ العاش شىر ەتىپ دۇنيەگە كەلگەن ساتىنەن باستاپ، وسىندا ەر جەتىپ، وتباسىنىڭ تاربيەسىن الادى. سوندىقتان دا وتباسى - ادامزاتتىڭ اسا قاجەتتى، ءارى قاسيەتتى التىن بەسىگى.

جاتتىعۋ. ەسىمدەر الليتەراسياسى
ماقساتى: ترەنينگكە قاتىسىپ وتىرعان اتا - انالار مەن وقۋشىلاردى تانىستىرۋ.
اتا - انالارعا قويىلاتىن سۇراقتار:
- ەسىمىڭىز كىم؟
- قانداي ماعىنا بەرەدى؟
وقۋشىلارعا قويىلاتىن سۇراقتار:
- ەسىمىڭ كىم؟
- ءوز اتىڭىزدىڭ العاشقى ارىپىنەن باستالاتىن بويىڭىزداعى جاقسى قاسيەتتى اتاپ ءوتۋ.
پسيحولوگ اتا - انالارعا ارناپ سۇراق قويادى.
سۇراق: - ءسىز قانشالىقتى ءوز بالاڭىزدى تولىق قاندى، جاقسى بىلەسىز؟
اتا - انالاردىڭ جاۋاپتارى تىڭدالادى.
پسيحولوگ: ولاي بولسا، ءبىز بالالارىمىزدى قانشالىقتى جاقسى بىلەتىنىمىزدى ءىس جۇزىندە تەكسەرىپ كورەيىك.

ءىى. جاتتىعۋ. «ءوز بالاڭىزدى جاقسى بىلەسىز بە؟»
ماقساتى: اتا - انامەن بالانىڭ ورتاسىنداعى قارىم - قاتىناستى انىقتاۋ.
1. بالاڭىزدىڭ جاقسى كورەتىن ءتۇسى قانداي؟
2. قانداي تاعامدى ءسۇيسىنىپ جەيدى؟
3. بالاڭىزدىڭ اتىن ەركەلەتكەندە قالاي اتايسىز؟
4. بالاڭىزدىڭ ەڭ جاقىن دوسىنىڭ ەسىمى كىم؟
5. ءسۇيىپ وقيتىن ءپانى؟
6. بالاڭىز مەكتەپتە نەشىنشى كابينەتتە وقيدى؟
نۇسقاۋ: بەرىلگەن سۇراقتارعا اتا - انا دا، بالا دا بىردەي جاۋاپ جازىپ وتىرادى. سوڭىندا جازىلعان جاۋاپتاردى ءوزارا سايكەستەندىرۋ. دۇرىس سايكەس كەلگەن جاۋاپقا ءبىر ۇپايدان بەرىلىپ وتىرادى.
قورىتىندى: كوپ ۇپاي جيناپ العا شىققان اتا - انالاردى ماداقتاۋ. ال، از ۇپاي جيناعان اتا - انالارعا بولاشاقتا بالالارىمەن تىعىز بايلانىستا بولۋ كەرەك ەكەنىنە ۇسىنىس بەرۋ.

ءىىى. جاتتىعۋ. شىعارماشىلىق جۇمىس «وتباسىلىق قۇندىلىق اعاشى»
نۇسقاۋ: ۇلكەن اعاشتىڭ سۋرەتىن سالۋ كەرەك. بۇل ءسىزدىڭ وتباسىلىق قۇندىلىق اعاشىڭىز. بىرنەشە بەرىلگەن وتباسىلىق قۇندىلىقتاردى اعاشتىڭ تامىرىنا، دىڭىنە، بۇتاقتارىنا ورنالاستىرۋ. تامىرى ءسىزدىڭ ەڭ نەگىزگى وتباسىلىق قۇندىلىق بولىپ ەسەپتەلەدى، اعاشتىڭ دىڭىنە ورتاشا قۇندىلىقتاردى، ال، بۇتاقتارىنا وتباسىڭىزعا ماڭىزدى ءبىراق، قاتتى قولدانبايتىن، كوپ كوڭىل اۋدارمايتىن قۇندىلىقتاردى ورنالاستىرۋ كەرەك. بەرىلگەن ۋاقىت 7 - 10 مينۋت.
1. مىقتى دەنساۋلىق
2. اعايىندارىڭا، دوستارىڭا اشىق ەسىك
3. اۋىزبىرشىلىك
4. ورتاق قىزىعۋشىلىق
5. ءبىر - ءبىرىڭىزدىڭ جۇمىسىنا ارالاسپاۋ
6. قامقورلىق
7. ءتارتىپ
8. بوس ۋاقىتىڭىزدى بىرگە وتكىزۋ
9. سەنىمدىلىك
10. اتا - انانىڭ ءسوزى زاڭ
11. اتا - انا وتباسىنىڭ ۇلگىسى
12. الەۋمەتتىك جاعداي
13. وتباسىلىق قارىم - قاتىناس
14. ماحاببات
15. مەيىرىمدىلىك
16. شىنايىلىق
17. سىرت كوزگە ۇلگى بولۋ
18. بەرەكە
19. ۇلكەنگە - ىزەت، كىشىگە - قۇرمەت
20. كوپ بالا
سوڭىندا ۇلكەن بايتەرەك اعاشى شىعۋ كەرەك. شىققان سۋرەتتى قورعاپ شىعامىز.
جاتتىعۋ. مەديتاسيا. «ءوز جۇلدىزىڭىزدى تابىڭىز». ادەمى اۋەن ويناپ تۇرادى.
نۇسقاۋ: جۇلدىزدى ءتۇندى ەلەستەتىڭىز. جۇلدىزدار ۇلكەن جانە كىشى، جارىق جانە كۇڭگىرت. بىرەۋ ءۇشىن بۇل بىرەۋ نەمەسە بىرنەشە جۇلدىزدار، ال بىرەۋلەر ءۇشىن سانسىز كوپ، جارىق شاشىپ بىردە الىستاپ، بىردە قول سوزىم جەردە جاقىن ورنالاسقان. جۇلدىزدارعا مۇقيات قاراپ، ەڭ كەرەمەت جۇلدىزدى تاڭداڭىز. مۇمكىن، بۇل بالالىق كەزدەگى ءسىزدىڭ ارمانىڭىزعا ۇقساس شىعار، مۇمكىن، ول ءسىزدىڭ باقىتتى ءسابي كەزدەرىڭىزدى ەسكە تۇسىرگەن شىعار. تاعى دا ول جۇلدىزىڭىزعا ءسۇيسىنىپ، سوعان جەتۋگە تىرىسىڭىز. بار كۇشىڭىزدى سالىڭىز. ءسىز مىندەتتى تۇردە سول جۇلدىزعا جەتەسىز. اسپاننان الىپ ونى الدىڭىزعا قويىڭىز.
ا) اتا - انا الدارىندا جاتقان جۇلدىزداردان وزىنە بىرەۋىن تاڭداپ الادى
ءا) جۇلدىزدارعا بولاشاقتا بالاڭىزدى قانداي ادام رەتىندە ەلەستەتەتىنىن جازادى.
ب) تاقتاعا ىلەدى.
پسيحولوگ: وسى ساباقتىڭ الدىندا ءبىز بالالارمەن بىرگە «وتباسىنداعى قارىم - قاتىناس» تاقىرىبىندا ترەنينگ ساباق وتكىزگەن ەدىك. سول ساباقتا «بالا سىزدەردەن نە كۇتەدى جانە سىزگە دەگەن كوزقاراسى قانداي؟» سۇراقتارىنا جاۋاپ العان ەدىك. ءوز بالالارىڭىزدىڭ جۇرەگىن الىپ، وقىسىڭىز بولادى.

قورىتىندىلاۋ. «تىلەك شامى»
ماقساتى: ترەنينگ تۋرالى پىكىرلەرىن ورتاعا سالۋ.
- مىنە، قوشتاساتىن دا ءسات جەتتى، اتا - انالار، وقۋشىلار. ءبىز سىزدەرمەن جانۇياداعى اتا - انا مەن بالالار اراسىنداعى قارىم - قاتىناستىڭ ءتۇرلى جاقتارىن تانۋعا، جان - جاقتى تالقىلاۋعا تىرىستىق. وتباسى، ۇشقان ۇيا - جىلىلىقتىڭ، جىلۋلىقتىڭ مەكەنى. «وتباسى» اتاۋىنىڭ مانىنە تەرەڭ ۇڭىلەر بولساق، وتتىڭ دا ۇلكەن ماڭىزى بار ەكەنىن سەزەمىز. سوندىقتان وتتىڭ باسى، وشاعىمىزدىڭ ءتۇتىنى ءتۇزۋ بولۋ ءۇشىن «تىلەك شامى» جاتتىعۋىن ءبىر - بىرىمىزگە تىلەك ايتا وتىرىپ جۇرگىزەيىك. ءبىر - بىرىمىزگە مىنا شامدى بەرە وتىرىپ بۇگىنگى كەزدەسۋدەن العان اسەرلەرىڭىزبەن ءبولىسىپ، ترەنينگ بارىسىندا ايتا الماي قالعان ويلارىڭىز بولسا وسى جەردە ايتىپ كەتۋلەرىڭىزگە بولادى.

پسيحولوگتىڭ قورىتىندى ءسوزى
ۇلاعاتتى ۇستازدار، ارداقتى اتا - انالار جانە وقۋشىلار! جەل بەسىكتەن، جەر بەسىككە دەيىنگى ادام ومىرىندەگى تاربيەنىڭ ۇيىتقىسى اتا - انا مەن مەكتەپ. بولاشاق دەسەك تە، كەلەشەك دەسە دە بالا - ۇرپاق دەگەن ماعىنانى بىلدىرەدى.
ادامنىڭ وزگە تىرشىلىك يەسىنەن ايىرماشىلىعى – دۇنيەگە پەرزەنت اكەلگەن سوڭ، ونىڭ بولاشاعىن ويلاۋ، ادام ەتىپ تاربيەلەۋ.