InfoHub Logo

"مەنىڭ قازاقستانىم" ۇلى دالا ەلىندە دۇنيەگە كەلىپ، تۋىپ وسكەنىمە العىسىم شەكسىز.كەڭ بايتاق، تاۋەلسىز ەلىمدە، ەمىن ەركىن قازاقشا سويلەپ، اۋاسىن جۇتىپ جۇرگەنىم ۇلكەن باقىتپەن پارا-پار.تاۋەلسىزدىككە جەتۋ ماقساتىندا اتا-بابالارىمىز قانشاما اۋىر وقيعالاردى باسىنان وتكەردى.ءقازىر تاۋەلسىز ەلدىڭ قاتارىندامىز. بارلىعى وڭايلىقپەن كەلە قويماعانىن ءبىز بەن ءسىز جاقسى بىلەمىز. كەڭ بايتاق ەلىمىزدىڭ بولاشاعى جارقىن بولۋىنا،مەن ۇلكەن سەنىم بىلدىرەمىن.ەلتاڭبا، تۋ، ءانۇران بارلىعىدا قازاقستاننىڭ ابىرويىن، نامىسىن بەينەلەيتىن بەلگىلەرىمىزدىڭ ءبىر بولىگى.ەلوردامىز، ءتىلىمىز، تاريحىمىز، مادەنيەتىمىز، ادەبيەتىمىز بارلىعىدا قازاق ەلىمىزدىڭ ۇلىلىعى مەن تەكتىلىگىنىڭ ءبىر كورىنىسى. قازاق حالقىمىزدىڭ پاتريوت ەل ەكەنى دە ونىڭ كوپتەگەن ماقالدارىنان، ناقىل سوزدەرىنەن بايقالادى."تۋعان ەلدەي-ەل بولماس، تۋعان جەردەي-جەر بولماس"، وتانعا قاتىستى"بۇتاعى كوپ اعاشقا قۇس قونار "، ءا. سارسەنبايەۆتىڭ: سەنەن ارتىق قاسيەت جوق، جەرى، تەگى، سەن ۇرپاقتىڭ كۇلىپ اتار ەرتەڭى، تاعدىرىڭدى تاپسىر ماعان، تۋعان جەر، كوركەيتۋگە مىندەتتىمىن مەن سەنى،-تۋعان جەرگە دەگەن ماحابباتى وسىنداي ولەڭ جولدارىنان بايقالادى. قازاقستاندا تۇرىپ جاتقان باسقا ۇلت وكىلدەرى دە قازاق ءتىلدى مەڭگەرىپ، تاعامدارىنان ءدام تاتىپ، ءوز ەلدەرىندەي سەزىنىپ،ەلىمىزگە قىزمەت اتقارىپ ءجۇر.كەڭ بايتاق اتامەكەنىم ءارقاشان باسقا ۇلت وكىلدەرىنە قوناقجايلىلىق كورسەتىپ، سىيلاستىق تانىتادى.قازاقستان جەرى ماقتانارلىقتاي تابيعي اۋماقتارىمەن جانە ەسكەرتكىش، مينەرالدى شيكىزات كوزدەرىمەن ەرەكشەلەنەدى. كەن بايلىقتارىمىزعا ارينە مۇناي-گاز، قورعاسىن، 70-تەن استام ءار ءتۇرلى مينەرالدار مەن شيكىزات كوزدەرىنە وتە باي. مادەنيەت پەن قوعام جايلى ايتاتىن بولسام: ۇلى دالا كوشپەلىلەرىنىڭ مۇراگەرىمىز، سوندىقتان ۇلتتىق مادەنيەتىمىز ەرەكشە. جىلقىعا ەرەكشە ءمان بەرىپ، قوزعالىس كولىگى رەتىندە ادامزات ءۇشىن وتە ماڭىزدى ءرول اتقارعان . اتقا مىنگەن ءاربىر قازاق ءوزىڭ ەمىن ەركىن ۇستاپ، اسپاندا سامعاپ ۇشىپ جۇرگەندەي ەركىن قالىقتاعان. حالقىمىزدىڭ داستۇرىندە دە ءتاي-تاي قادام باسقان نارەستەنىڭ تۇساۋىن كەسەدى. ەر جەتىپ، بوي جەتكەن دە جىلقىنىڭ قۇلاعىندا ويناپ، ءار قادامىن نىق سەنىممەن باسۋ ءۇشىن بوبەك كەزىنەن تۇساۋىن كەسكەن. قازاق حالقى جان- جانۋارلارعا دا ەرەكشە كوزقاراسپەن قاراعان. سونىڭ ءبىرى جەت قازىنانىڭ ءبىرى يت، قوي جانە سيىردى باعىپ، ونىمدەرىن قاجەتتىلىككە جاراتقان. شەكسىز دالانى يگەرۋدە دە ۇلكەن مادەنيەت جاتىر. قازاق حالقى وتە ەرتەدەن ونەرپاز بولعان. جارتاسقا، تاياققا، بيلەپ جۇرگەن ادامداردى وتە ەرتە كەزدەن باستاپ قاشاپ بەينەلەگەن. كەيىننەن سىبىزعى، دومبىرا، قوبىز، داڭعىرا سەكىلدى اسپاپتار جاساي بىلگەن جانە مۋزىكالىق ءۇن شىعارعان. قازاقستان ەركىن ەل جانە الەۋمەتتىك مەملەكەت. ەلىمىز ەڭ اۋەلى بوستاندىققا ۇمتىلعان. ءاربىر ادام ءۇشىن ەڭ قىمباتى ونىڭ ءومىرى جانە قۇقىقتارى. قازاقستان تاۋەلسىز ەل رەتىندە 1991 جىلى 16 جەلتوقساندا العانىڭ بۇكىل ءدۇيىم جۇرت بىلەدى. مەملەكەتتىك ءتىلىمىز قازاق ءتىلى. قازىرگى تاڭدا قازاق حالقى 18 ميليوننان اسادى. قازاقستاندا ەڭ ءىرى تەڭىزدەرىمىز ارال تەڭىزى، بالقاش، زايسان جانە الاكول تەڭىزدەرى بارشىلىق. قازاقستان ماقاتانارلىققا تۇرارلىقتاي مەملەكەت. ال ونىڭ بۇگىن، ەرتەڭى ءبىز ەكەنىمىزدى ۇمىتپاۋىمىز قاجەت. زامانعا لايىقتى بولۋ ءۇشىن ەڭ اۋەلى تاربيە مەن ءبىلىم بەرۋ جۇيەسىن تۇزەۋىمىز كەرەك. جاس ۇرپاققا ءبىلىم بەرۋ ءۇشىن قازىرگى تاڭدا بار جاعداي جاسالعان.بالاباقشادان باستاپ ەسەيگەن شاعىنا دەيىن ەركىن ءوسىپ، ءبىلىم الۋىنا قازىرگى تاڭدا مۇمكىندىك كوپ. وقىتۋ مەن تاربيە بەرۋ جاۋاپتى تۇلعالاردىڭ قولىندا دەپ ويلايمىن. جاس جەتكىنشەكتەردى قازىردەن باۋلىپ، تاربيە بەرەتىن بولساق، وتانعا دەگەن ماحاببات سەزىمى ولە ولگەنشە ساقتارلار دەگەن ويدامىن. دانا حالقىمىزدىڭ «وتانسىز ادام، ارمانسىز بۇلبۇل» دەگەن ەكەن. ادامزات بالاسى ءۇشىن تۋىپ وسكەن جەرى، كىندىك قانى تامعان جەرى ءاردايىم ىستىق. ادام بالاسى ءۇشىن وتان وشاق باسىنان باستالاتىنىن ۇمىتپاعانىمىز ءجون. قازاقستاننان ءبىلىم الىپ، تاربيەسىن كورگەن جاس تۇلەكپىن. انە مىنە دەگەنشە 11 سىنىپتى اياقتاپ، قازاقستاننىڭ تۇكپىر-تۇپىرىنەن كەلگەن جاس تۇلەكتەرمەن جوعارعى وقۋ ورنىنا تۇسپەكپىن. جوعارعى وقۋ ورنىنا تۇسەتىن سىنىپتاستارىم قازاقستاننىڭ الىس شالعاي جەرلەرىنە ءبىلىم ىزدەپ كەتپەكشى. بالالىق شاقپەن دە قوشتاسۋدى ءبىر ءسات ويلاسام، جۇرەگىم الابىرسىپ، تولعانىس سەزىمى اتشا تۋلاپ قوبالجىپ كەتەتىنىم بار. مەن جاس تۇلەكپىن جانە قازاق ەلىنىڭ بولاشاق ءجۋرناليستىمىن العا ۇمتىلعان. سۇرلەۋ-سوقپاعى كوپ ءومىردىڭ بەلەسىنە قادام باسامىن. اللا قالاسا قازاقستان ءۇشىن تەر توگىپ، قالامىن مىقتاپ ۇستاعان قازاقستاننىڭ ەڭبەك سىڭىرگەن جۋرناليست قىزى بولماقشىمىن. جاس تۇلەك دەگەن بولاشاق مامان يەسى، ءومىردىڭ ءبىر بەلەسىنە اتتانىپ بارا جاتقان جولاۋشى. ءقازىر قازاقستاندى بۇكىل الەمگە مويىنداعان اعا-بۋىن وكىلدەرى دە كەزىندە مەن وتەيىن دەپ جاتقان سىناقتاردان وتكەن بولار. مەن دە سول كىسىلەر سەكىلدى كوك تۋىمدى جەلبىرەتىپ، قازاقستاننىڭ بەتكە ۇستار ازاماتشاسى بولۋدى ءناسىپ ەتسىن. قازاقستان تۋرالى، تۋعان جەرىم تۋرالى جان تولعانىسىن ايتىپ تاۋىسا الماسپىن، ءسىرا! قازاق حالقىنىڭ بىرلىگى، تاتۋلىعى اجىراماي ءاردايىم وتاننىڭ باستى ورىنعا قويا بىلەتىن ازاماتتارمەن ازاماتشالاردى تاربيەلەۋىنە تىلەكتەسپىن. قازاقستانعا دەگەن شەكسىز ماحاببات جانە الدا كەلە جاتقان ۇلكەن سىناقتاردان وتكەلى تۇرعان قازاقستاندىقتارعا ايتارىم: سىنداردان سۇرىنبەي ءوتىپ،ءوز سۇيگەن ماماندىقتارىنىڭ يەسى بولىپ، قازاقستانعا ەڭبەگى سىڭگەن تۇلعالار بولۋىنا تىلەكتەسپىن.«ءبىز ءبارىمىز ءبىر اتانىڭ-قازاق حالقىنىڭ ۇل-قىزدارىمىز. ءبارىمىزدىڭ دە تۋعان جەرىمىز بىرەۋ: ول قاسيەتتى قازاق دالاسى. بۇل دۇنيەدە ءبىزدىڭ ءبىر عانا وتانىمىز بار: ول تاۋەلسىز قازاقستان». نۇرسۇلتان نازاربايەۆ. قازاق حالقىنىڭ عاسىرلار بويى اڭساعان ارمان «قازاقستان رەسپۋبليكاسىنىڭ مەملەكەتتىك تاۋەلسىز دىگى». تاۋەلسىزدىككە جەتىپ، مىنە تاۋەلسىز، ەگەمەن ەركىن ەلىمىزگە 30 جىل تولىپ وتىر. تاۋەلسىزدىك ءۇشىن اق بىلەكتىڭ كۇشىمەن، اق نايزانىڭ ۇشىمەن ەلىن قورعاعان بابالار سەنىمىن ابىرويمەن اقتاپ، قازاق حالقىن بۇكىل الەمگە تانىتىپ،ەلىمىزدىڭ ەرتەڭگى جاستارىنا ۇلگىلى بولايىق.

اقبوپە جايلاۋ

---