InfoHub Logo

ساباقتىڭ تاقىرىبى: «مىڭ ءبىر ماقال، ءجۇز ءبىر جۇمباق»
ساباقتىڭ ماقساتى: شاپشاڭدىققا ۇيرەتۋ، شىعارماشىلىق قابىلەتتەرىن دامىتۋ. ويلارىن جۇيەلى جەتكىزە بىلۋگە داعدىلاندىرۋ.
ساباقتىڭ بارىسى: I كەزەڭ. «مەن باستايمىن، سەن قوستا»؛ II كەزەڭ. «جاسىرامىن جۇمباق»؛ III كەزەڭ «ءسوز تىركەسى»؛ IV كەزەڭ. «جاڭىلتپاشتى جاڭىلما»

جۇرگىزۋشى: قۇرمەتتى ۇستازدار! 2 سىنىپارالىق وقۋشىلارىنىڭ قاتىسۋىمەن وتەتىن «مىڭ ءبىر ماقال، ءجۇز ءبىر جۇمباق» سايىسىنا قوش كەلدىڭىزدەر. بۇگىنگى ساباق كۇندەلىكتى ساباقتاردان ەرەكشەلەۋ بولىپ وتەدى. ويتكەنى سايىس ساباق بولعاننان كەيىن جەڭىس تە، جەڭىلۋ دە بار. قاتىساتىن سايىسكەرلەر وزدەرىڭنىڭ بىلىمدىلىكتەرىن، تاپقىرلىقتارىن، شاپشاڭدىلىقتارىن دا كورسەتۋلەرى كەرەك. ەندى سايىسقا قاتىساتىن توپتارمەن تانىستىرۋعا رۇقسات ەتىڭىزدەر.

ءى توپ «العىرلار»
ءىى توپ «ۇشقىرلار»
ءىىى توپ «تاپقىرلار»
ءىV توپ «ويشىلدار»
V توپ «بىلگىرلەر»

وسى بەس توپتى باعالايتىن. ءادىل قازىلارمەن تانىستىرايىن.
تاربيە ءىسىنىنىڭ ورىنباسارى ل. وتەۋوۆا
باستاۋىش بىرلەستىك جەتەكشىسى......................
جۇرگىزۋشى: ماقال – ماتەلدەر تالاي زامانداردان قالىپتاسقان ۇرپاقتان - ۇرپاققا اۋىسىپ كەلگەن حالىقتىق مۇرا. وسى التىن مۇرالارىمىزدى جوعالتىپ المايىق. ماقال - ماتەلدەردىڭ كوپ تۇرلەرى بار. اتاپ ايتساق ەرلىك، باتىرلىق تۋرالى، دوستىق، ونەر - ءبىلىم، وتان، ىنتىماق بىرلىك، ءتىل، ەل، حالىق، ادەپتىلىك، ەڭبەك تۋرالى ت. ب. بۇگىنگى «مىڭ ءبىر ماقال، ءجۇز ءبىر جۇمباق» سايىسى وسى جايلاردىڭ ءبارىن قامتيدى. ەندەشە سايىستى باستايىق

I كەزەڭ. «مەن باستايمىن، سەن قوستا».
جۇرگىزۋشى:
- ۇلگى - ونەگە رەتىندە ايتىلاتىن قىسقا، ءارى نۇسقا ناقىل ءسوزدى نە دەيمىز؟
- ماقال

ا) وقۋ، بىلىمگە بايلانىستى
1. ءبىلىم تاپپاي ماقتانبا،
(ونەر تاپپاي باپتانبا)
2. كۇش - بىلىمدە،(ءبىلىم - كىتاپتا)
3. ءبىلىم( ورتاق)
4. ءبىلىم اۋىسادى،(ىرىس جۇعىسادى)
5. وقۋ – ينەمەن( قۇدىق قازعانداي)

ب) تۋعان جەر، وتان، ەل
1. ەل - ەلدىڭ ءبارى جاقسى،(ءوز ەلىڭ بارىنەن جاقسى)،
2. تۋعان جەردىڭ جەرى دە كورىكتى،(ەلى دە سۇيىكتى)
3. تۋعان جەردىڭ ءقادىرىن شەتتە جۇرسەڭ،(بىلەسىڭ)
4. وتان - اتتان دا( ىستىق )
5. وتانسىز ادام (، ورمانسىز بۇلبۇل)

ۆ) ەڭبەك:
1. ەڭبەك ەتپەگەن( ءىشىپ جەمەيدى)
2. ەڭبەكتىڭ كوزىن تاپقان( بايلىقتىڭ ءوزىن تابادى).
3. ەڭبەك ءبارىن (جەڭبەك)
4. ەڭبەگى ازدىڭ (ونبەگى از)
5. ەردىڭ اتىن( ەڭبەك شىعارادى)

گ) ادەپتىلىك، ادەمىلىك:
1 ۇلكەنگە - قۇرمەت،(كىشىگە – ىزەت)
2 ادەپتىلىك بەلگىسى( ءيىلىپ سالەم بەرگەنى)
3. ادەپتى بالا اتا - اناسىن ماقتاتار،
(ادەپسىز بالا اتا - اناسىن قاقساتار)
4. ادەپتى بالا ارلى بالا، ادەپسىز بالا سورلى بالا»
5. ادەپتىنىڭ (ابىرويى بيىك)

د) تازالىق، دەنساۋلىق تۋرالى
1. دەنساۋلىق (زور بايلىق)
2. تازالىق - (ساۋلىق نەگىزى)
3. كوزىڭ اۋىرسا، قولىڭدى تىي،
ءىشىڭ اۋىرسا(تاماعىڭدى تىي)
4. ءتانى ساۋدىڭ(جانى ساۋ)
5. اۋرۋدىڭ (الدىن ال)
6. اس - ادامنىڭ(ارقاۋى)

(ءاربىر ماقالعا 10 ۇپاي قوسىلىپ تۇرادى. جاۋاپ بەرە الماعان توپتىڭ ۇپايى كەمىپ وتىرادى.)

Iءى كەزەڭ. «جاسىرامىن جۇمباق»
جۇرگىزۋشى:
- ءبىر زاتتى، جايدى ويلاپ تابۋ ءۇشىن استارلاپ ايتىلاتىن قىسقاشا ولەڭدى نە دەيمىز؟
- جۇمباق
جۇرگىزۋشى جۇمباق جاسىرادى، ويىنشىلار شەشىمىن تابادى.

1. قينالماي تاۋلاردى، ورماندى،
تەڭىزدى، داريا، جونداردى.
اۋىلدى، قالانى، حالىقتى
ويلان تاپ، كوتەرگەن الىپتى.
(جەر)
2. جىپ - جىلتىر، جالپاق ءبىر
جاتىر كوك اينا.
جۇگىرىپ، جىعىلىپ،
جۇلىنىپ، سوندا ويناپ،
تەك تايما
(مۇزايدىن)
3. جايسا - كولدەي،
جيسا - جەڭدەي
(كيىز)
4. ءۇنسىز تىلدەسەسىڭ،
وزىمەن كۇندە وسەسىڭ
(كىتاپ)
5. قىستا كيىمىن تاستايدى،
كوكتەمدە كيىنە باستايدى
(اعاش)
6. قينالماي كوتەرىپ،
وزىنەن اۋىردى.
جورعالاپ كەتەدى
جۇكشىدەي كادىمگى
(قۇمىرسقا)
7. بىلىمنەن مول سىي - اسى،
بالعىنداردىڭ ۇياسى
(مەكتەپ)
8. شاكىرتكە جاناشىر،
مەيىرمان كىم، جانى اسىل
(ۇستاز)
9. ات تا ەمەس، يت تە ەمەس،
تىستەيتىنىن قايتەرسىڭ
(اياز)
10. تاڭمەن كوزىن اشادى،
الەمگە نۇرىن شاشادى
(كۇن)
(ءاربىر جۇمباققا 10 ۇپايدان قوسىلىپ وتىرادى.)

ءىىى كەزەڭ. «ءسوز تىركەسى».
جۇرگىزۋشى: كەلەسى كەزەكتىڭ شارتى – تۇراقتى تىركەسىن تاپ. ءاربىر دۇرىس جاۋاپقى 10 ۇپاي
ا) توبە شاشى تىك تۇرۋ (قورقۋ)
ءا) ەكى ەزۋى ەكى قۇلاعىندا (قۋانۋ)
ب) يت ولگەن جەر (الىس)
ۆ) قولدى بولدى (ءىز - ءتۇسسىز جوعالدى، ۇرلاندى)
گ) ماڭدايىنان شەرتىپ ءجۇرىپ (تاڭداپ ءجۇرىپ)

ءىV كەزەڭ «جاڭىلتپاشتى جاڭىلما»
جۇرگىزۋشى.
- بالالاردىڭ ءتىلىن جاتتىقتىرۋ ءۇشىن شاپشاڭ ايتىلاتىن ءبىر شۋماق ولەڭدى نە دەيمىز؟
- جاڭىلتپاش
ءقازىر مەن جاڭىلتپاشتا وقيمىن بالالار جاڭىلماي، قاتەسىز وقۋ كەرەك

1. العىس العىش - ءتىل العىش،
ءتىل العىشقا مىڭ العىس

2. قاماشتان كورىپ قالاشتى،
قالاشقا جاراس تالاستى.
ءبولىنسىن دەسەڭ قالاش تەڭ،
تالاسپا جاراس قاماشپەن

3. بالالار كوپ تەنتەك،
كۇشىمىز تەپ - تەڭ دەپ،
كۇرەسپە تەكتەن - تەك.
قۇلايسىڭ كوپتەن - كوپ،
اياعىڭ كوكتەن كەپ

4. ءىشتى،
ءتىستى
اۋىرتقان كوك ورىككە
رەنجۋلى بەرىك تە،
رەنجۋلى سەرىك تە

5. اپپاق بالا اپپاق پا؟
ساتپاق بالا اپپاق پا؟
اپپاق بالا اپپاق تا!
ساتپاق بالا ساتپاق تا!

قورىتىندى:
جۇرگىزۋشى:
كوگەرە بەر، كوركەيە بەر، وسە بەر.
ءومىر جولى ەڭبەكپەنەن شەشىلەر.
شىڭعا شىعار شىنار بولىپ شىنايى،
كەزدەسپەسىن ەشقاشاندا كەسىرلەر دەپ.
بۇگىنگى جارىسقا قاتىسۋشىلاردىڭ بارلىعىنا ساتتىلىك تىلەي وتىرىپ، ءسوز ءادىل قازىلار القاسىنا بەرىلەدى.

ماراپاتتاۋ. ءادىل قازىلار القاسى.
ءى ورىن.......
ءىى ورىن.......
ءىىى ورىن.....

وسى سايىستى مىنا ولەڭ شۋماعىمەن اياقتايىن.
تۋعان ءتىلىم – تىرلىگىمنىڭ ايعاعى،
ءتىلىم باردا ايتىلار سىر ويداعى.
وسسە ءتىلىم، مەن دە بىرگە وسەمىن،
وشسە ءتىلىم، مەن دە بىرگە وشەمىن.
ءتىلسىز حايۋان – بەيشارا.
بەيشاراعا نە شارا؟