InfoHub Logo

«ءبىزدىڭ ماقساتىمىز» اتتى ءمىرجاقىپ دۋلات ۇلىنىڭ ماقالاسىن تالداپ وتكىم كەلىپ وتىر. ەڭ ءبىرىنشى ماقالا، قازاق حالقىنىڭ رەسەيگە تاۋەلدى ەكەنىن جانە سول سەبەپتەن ولاردىڭ ەشقانداي قۇقىقتارىنىڭ جوقتىعىن   ماسەلە ەتىپ ايتىپ وتەدى. ءمىرجاقىپ دۋلات ۇلى سول كەزدەگى قازاق حالقىنىڭ  باسىنداعى بارلىق پروبلەمالاردى جەكە-جەكە قاراستىرىپ، ءبىر – بىردەن اتاپ كەتەدى.

ولار:

1) حالىقتان جينالاتىن سالىقتىڭ حالىققا ەمەس، وزگە نارسەلەرگە جۇمسالۋى؛

2) ءبىزدىڭ ءدىنىمىز، دىلىمىزگە جانە تىلىمىزگە كەرى اسەر ەتۋ  مەن جويۋ ماقساتىندا، مولدالاردىڭ ىسىنە ارالاسىپ، ادەت-عۇرىپتارىمىزعا نارازىلىق ءبىلدىرىپ، ءدىني كىتاپتارى بار ادامداردى تۇتقىنعا الۋى؛

3) قازاق جەرىنە رەسەيدىڭ مۇجىقتارىن جەر اۋدارۋى. وزدەرىنىڭ جەرى جەتىپ جاتسا دا، بايقۇس قازاقتاردىڭ جەرىنە قول سۇعىپ، باسا كوكتەپ كىرۋى؛

4) حالقىنا جانى اشىعان، حالقىم دەپ جۇرەگى سوققان قازاق ۇلدارىن پاتشاعا قارسى شىقتى دەپ كىنا تاعىپ، «ۇلتشىل» دەگەن ايىپتاۋمەن سىبىرگە جەر اۋدارۋى. 

 بۇل دەرەككە « ءقازىردىڭ وزىندە مىڭداعان ەرلەرىمىز شالعاي جەرلەردە ءجۇر، نەمەسە تۇرمەلەردە  وتىر…»  وسى 

ماقالانىڭ ءبىر بولىگى  دالەل بولا الادى.  وسى سەكىلدى ماسەلەلەرگە باسا نازار اۋدارىپ، قوزعاپ وتەدى. ماقالا سوڭى وسىلاي اياقتالادى. مۇنداي ەرلىك ەكىنىڭ ءبىرىنىڭ قولىنان كەلە بەرمەيدى. ءمىرجاقىپ دۋلات ۇلى ەلدىڭ باسىنا كۇن تۋعاندا قاسىنان تابىلىپ، قاراقان باسىنىڭ قامىن ەمەس، حالقىنىڭ جاعدايىن ويلاپ باتىل ارەكەتكە باردى. سوزدەرى سۇيەكتەن وتەتىندەي جازىلعان بۇل ماقالا شىندىقتى، حالىقتىڭ سول كەزدەگى جاي-كۇيىن انىق جەتكىزدى.

قورىتا ايتقاندا، مەنىڭ ويىمشا، كەزىندە اتا-بابالارىمىز وسى سەكىلدى تالاي قيىندىقتان وتكەن بولاتىن. بۇل نەنىڭ ارقاسىندا دەپ ويلايسىزدار؟ بۇل ارينە، ادال نيەتى، شىنايىلىعى مەن مەيىرباندىعىنىڭ ارقاسىندا. حالقىمىز قاشاندا ادال بولدى. اق پەن قارانى ايىرا ءبىلدى جانە  ءاردايىم اققا جاق بولدى. قانداي قيىندىق تۋسا دا، وسى ءبىر قاسيەتىمىزدەن ايىرىلماي، بارلىعىن جەڭىپ شىعىپ، ماڭگىلىك ەل بولامىز دەپ سەنەمىن.

ايتمولدانوۆا ارۋجان

---