InfoHub Logo

مىسىق تۇقىمداس جىرتقىشتاردىڭ تىرشىلىك قۇرۋىندا، تەگى رەڭدەرىندە دە ۇقساستىق بار. جولبارىس، ارىستان جانە مىسىق ءارۋاقىت جەمىن اۋلاعاندا دىبىسىن شىعارماي، جاسىرىنىپ كەلەدى.

مىسىق ەگيپەتتە بۇدان 6 000 جىل بۇرىن قولعا ۇيرەتىلىپتى. سول جەردەگى قازبادان مىسىقتىڭ بۇزىلماعان ولىگى تابىلعان. مىسىقتاردى ءبىر عانا ماقسات ءۇشىن تىشقانداردى كۇرتۋ ءۇشىن عانا وسىرگەن، سوندىقتان ولاردىڭ تۇقىمدارىنىڭ ءتۇرى كوپ ەمەس.

مىسىقتىڭ كورگىشتىگى ادامنان التى ەسە ارتىپ تۇسەدى. ول تانىس ادامىن 100 مەتردەن ارتىق قاشىقتىقتان-اق تانيدى. ءبىز كۇنگە تىكە قاراي المايمىز، ال مىسىق بولسا وعان ەركىن قارايدى. يت ادامنان، ال مىسىق يتتەن دە جاقسى ەستيدى ەكەن. تىنىشتىقتا مىسىق 20 مەتر قاشىقتىقتان شىققان تىشقان قيمىلىن سەزە بىلەدى.

كاراڭعىلىقتاعى زاتتاردى مىسىق ۇزىن مۇرتتارى مەن جانە قاسىمەن دە بايقاي الادى. تاجىريبەلەردە مۇرتتى مىسىق تۇندە قيىن-قىستاۋ جولدارداعى زاتتارعا سوقتىعىسپاي وتە العان، ال مۇرتىن الىپ تاستاعاندا، وعان كەرىسىنشە، زاتتارعا سوقتىعىسا بەرگەن. زەرتتەۋشىلەردىڭ بايقاۋىنشا مىسىق مۇرتىمەن جەمنىڭ كولەمىن، ونىڭ قوزعالىسىن دا بايقاي الادى ەكەن.

مىسىقتاردى جوعارى كوتەرىپ، شالقالاتىپ جەرگە تاستاساڭ، ولار ءارۋاقىت ءتورت اياقتاپ جەرگە تۇسەتىنى بەلگىلى. مۇنىڭدا دا وزىندىك زاندىلىعى بار. مىسىق جەرگە قۇلاپ كەلە جاتىپ قۇيرىعىن اينالدىرا قوزعالتىپ، ءتورت اياقتاپ تۇسۋىنە جاعداي جاسايدى ەكەن. ال، ادامداردا مۇنداي قۇيرىق جوق. ەگەر ونىڭ ورنىنا ادام ءبىر اياعىن مىسىقتىڭ قۇيرىعىنشا بۇراپ قوزعالتسا، كوسموس كەڭىستىگىندە ونىڭ دا ءوزىن-وزى يگەرە الاتىندىعى بايقالعان.

---