ۇيلەنۋ تويىنا تىلەك
قىمباتتى جاس جۇبايلار .... — .........! سىزدەردى بۇگىنگى نەكەگە وتىرۋ سالتاناتىمەن شىن جۇرەكتەن قۇتتىقتايمىن! حالقىمىزدا «وتان وتباسىنان باستالادى» دەگەن ءسوز بار. سىزدەر بۇگىن مەملەكەتتىڭ كىشى مودەلى — وتباسىن قۇرىپ، ءوز الدارىڭىزعا وتاۋ تىكتىڭىزدەر. ياعني، بۇتىندەي ءبىر مەملەكەتتىڭ تاۋەلسىزدىگىن جاريالادىڭىزدار. سىزدەر قۇرعان جاس مەملەكەتتىڭ وتانىمىز قازاقستان سەكىلدى باي-قۋاتتى، ءىشى تاتۋ، سىرتى ءقاۋىپسىز، ءومىرى بەيبىت، بار مۇشەسى باقىتتى بولۋىنا تىلەكتەسپىن. ۇيلەنۋ — تەك نەكە قيۋ ەمەس، ماڭىزدى الەۋمەتتىك وقيعا، ۇيلەنۋ — ەكى جاستىڭ بىر-بىرىنە تاعدىرلارىن سەنىپ تاپسىرۋى. جاس وتاۋ يەسى ......... وسى ساتتەن باستاپ، ءوزى ءسۇيىپ قوسىلعان .......... جۇبايىنىڭ بولاشاعىنا تىكەلەي جاۋاپ بەرەتىن بولادى. وتباسىن قۇرۋ — وتە ۇلكەن جاۋاپكەرشىلىكتى جۇكتەيتىن ءىس. جۇمىستا ءوزىن جاۋاپكەرشىلىگى مول قىزمەتكەر رەتىندە كورسەتكەن جارقىن، جانۇيادا دا وسىنداي قاسيەتىمەن دارالاناتىنىنا سەنىمىم كامىل. اللا سىزدەردىڭ سەزىمدەرىڭىزدى ماڭگىلىك جاس، جۇرەكتەرىڭىزدى ەگىز، تىلەكتەرىڭىزدى ءبىر ەتە كورسىن! جۇپتارىڭىز جازىلماسىن. اتا-انا، تۋىس-تۋعان، دوس-جاراندارعا سىيلى، ۇلگىلى جانۇيا اتانىڭدار. ماحاببات ايدىنىنداعى ساپارلارىڭ ءساتتى، باقىتتارىڭ باياندى بولسىن!
*** *** *** ***
تىلەكپەنەن باتالارىڭ اق بولسىن!
ەكى جۇرەك بىر-بىرىنە جاق بولسىن!
اعامىز ادال جار بولىپ،
جەڭگەمىز وسى ۇيگە كەلىپ قونعان ب ا ق بولسىن!
بىر-بىرىڭە سەنىمدەرىڭ اق بولسىن!
بىر-بىرىڭە سەزىمدەرىڭ پاك بولسىن
بۇگىنگى وسى تويدىڭ يەلەرى
جامان اتتان، جات قىلىقتان ساق بولسىن!
*** *** *** ***
قىمباتتى جاس جۇبايلار! سىزدەردى زاڭدى نەكەلەرىڭىزبەن قۇتتىقتايمىز!
شىن جۇرەكتەن ماحابباتتى ماڭگىگە ساقتاۋلارىڭىزدى تىلەيمىز!
بۇگىنگى كۇن – سىزدەردىڭ ومىرلەرىڭىزدەگى ەڭ باقىتتى كۇن. “ۇيلەنۋ وڭاي، ءۇي بولۋ قيىن”، - دەيدى حالقىمىز. مەن سىزدەرگە ءوزارا تۇسىنىستىك، ماحاببات پەن تاتۋلىق تىلەيمىن.
سىزدەرگە تىلەيتىنىمىز – بۇگىنگىدەي باقىتتى ءسات ءومىر بويى بىرگە بولسىن!
*** *** *** ***
تويلارىڭىز قۇتتى بولسىن! ماحابباتارىڭىزدىڭ باياندى بولۋىن تىلەيمىز! بار ارماندارىڭىز وراندالسىن! قول ۇستاسىپ ۇزاق ءومىر سۇرىڭىزدەر! باقىتتى، ۇزاق ءومىر تىلەيمىز! ومىردە دەنساۋلىق پەن بايلىق، تاتۋلىق پەن ىنتىماق تىلەيمىز! تويلارىڭىز تويعا ۇلاسسىن! بالالارىڭىز كوپ بولسىن، باقىتتى ۇزاق ءومىر سۇرىڭىزدەر! جولدارىڭ اشىق، وتباسىلارىڭ تاتۋ بولسىن!
*** *** *** ***
جاستارعا تىلەيتىنىم: زور دەنساۋلىق، اشىق اسپان، ءمولدىر ماحاببات!
كوڭىل بولسا – ءان دە بولادى.
كەلىسىم بولسا – نان دا تابىلادى.
ەكى باستارىڭ – ءۇش بولسىن. ءۇش باستارىڭ – تورتەۋ بولسىن. اتا-انالارىڭ سىيلاپ، ەكى جاققا بىردەي قاراڭدار. ال بارشالارىڭىزا تىلەيتىمىن: تىلەكتەرىمىز پەرىشتەنىڭ قۇلاعىنا شالىنىپ، قابىل بولسىن. ءار وتباسىنا، شىنايى كوڭىلمەن باقىت-بەرەكە تىلەيمىن. ەلىمىز امان، جۇرتىمىز تىنىش بولسىن!
*** *** *** ***
بۇگىنگى تويىڭىز ىرىستىڭ بۇلاعى بولسىن. وتباسىڭىز ءۇبىرلى، شارۋاڭىز ءدۇبىرلى بولسىن. الدىڭىزدا اق مول بولىپ، باسىڭىزعا ب ا ق كەلىپ قونسىن.
*** *** *** ***
قۇرمەتتى قوناقتار!
بۇگىن، مىنە، قوس جۇرەكتىڭ قالاۋى ءبىر ارنادان شىعىپ، قازاقتىڭ تاعى ءبىر شاڭىراعى بوي كوتەردى. تاعى ءبىر ەكى جاس جۇلدىزدارى جاراسىپ، ءومىر اتتى بۋىرقانعان دۇنيەگە قول ۇستاسىپ قادام باستى.
قۇرمەتتى .............-................!
بۇگىنگى نەكە قيۋ سالتاناتتارىڭ قۇتتى بولسىن!
بىر-بىرلەرىڭە باعىنىشتى، ساعىنىشتى سەزىمدەرىڭ ماڭگى سونبەسىن، سىيلاستىقتارىڭ، قيماستىقتارىڭ ەشقاشان تاۋسىلماسىن، ماحاببات الەمىنىڭ نۇرلى اسپانىندا جۇپتارىڭ جازىلماي، قاناتتارىڭ تالماي سامعاي بەرىڭدەر!
*** *** *** ***
اياق ەكەۋ، قول دا ەكەۋ،
كوز دەگەنىڭ – ول دا ەكەۋ.
ەكەۋ جانە قۇلاق تا،
جۇرەك جالعىز ءبىراق تا.
سوندىقتان دا سول جۇرەك
كۇيىپ، جانىپ، ورتەنىپ
ەستىسىن دەپ لەبىزىن
ىزدەيدى ەكەن سەرىگىن
- دەگەندەي قوس جۇرەك ومىرلىك سەرىكتەرىن تاپقان ەكەن. قۇرعان شاڭىراقتارىڭ بيىك، بوساعالارىڭ بەرىك، كەرەگەلەرىڭ كەڭ بولسىن!
*** *** *** ***
دوسىمىز ...................... كەلىن ءتۇسىرۋ تويىمەن قۇتتىقتايمىز! جاس جۇبايلارعا جاراسىمدى تۇرمىس، اق جول تىلەيمىز!
وسىلاي وركەن جايسىن گۇلدەرىمىز،
سەندەرمەن ەندى بىزدەر ىرگەلىمىز.
بەرىك بوپ جاس شاڭىراق نۇرعا تولىپ،
توي بولىپ ءوتسىن العى كۇندەرىمىز!
تاتۋ بولىپ ............ پەن ......... ىمىز،
جاڭعىرىپ ماحاباتتى جىلدارىمىز.
جالعاسىپ وسە بەرگەي ۇرپاعىمىز،
ب ا ق سىيلاپ قىزدارىمىز، ۇلدارىمىز.
*** *** *** ***
ماحابباتتىڭ كوگىنە سامعاعانداي،
ەكى جاستى اللا ءوزى قولداعانداي.
......... پەن ............ بۇگىن وتاۋ تىكتى،
ەكى اۋىلدىڭ اراسىن جالعاعانداي.
بولسىن دەپ ەكى جاستىڭ جولى ىزگى،
تارتايىق تارتۋ ەتىپ بارىمىزدى.
جاس كەلىن اۋلىمىزعا قۇت بوپ قونىپ،
شاتتىققا بولەي بەرسىن ءبارىمىزدى.
*** *** *** ***
«كەلىنى جاقسى ءۇيدىڭ كەرەگەسى — التىن» نەمەسە «كەلىن كەلدى دەگەنشە، كەرەگەنى التىن قىلىپ ۇستار ادام كەلدى» دەپ جاتادى، سول كەلىنىمىزدىڭ اق جۇزىنەن تەك كۇمىس كۇلكىنى كورۋگە جازسىن.
ىرىس-داۋلەت شاڭىراعىڭىزدان كەتپەسىن، نەسىبەلەرىڭىز ءاردايىم مول بولسىن.
*** *** *** ***
"ماحاببات" بايلىق پەن باقىتتىڭ قولداعانىن ۇناتادى دەيدى، ەندەشە باي بولىڭدار، باقىتتى بولىڭدار! اسپاندارىڭ اشىق بولسىن، داستارحاندارىڭنان قوناق ۇزىلمەسىن!
*** *** *** ***
ەكى جاستىڭ كوتەرگەن شاڭىراعى بيىك،بوساعالارى بەرىك بولسىن! ماحابباتتارى باياندى دا ءتاتتى بولسىن ! ومىرلەرى كۇندەي، كوڭىلدەرى گۇلدەي، ارماندارى اسقار تاۋداي بولسىن ! تاتۋ دا ءتاتتى ءومىر سۇرىڭدەر!
*** *** *** ***
جاڭا ومىرگە قوس اققۋداي قول ۇستاسىپ بىرگە اتتاعان قادامدارىڭ قۇتتى بولسىن!
سىزدەرگە وسى قۋانىشتى كۇنى بوساعالارىڭ بەرىك، كەرەگەلەرىڭ كەڭ بولسىن دەپ تىلەيمىن! جەزدەم اپايىما ادال جار بولسىن، اپايىم وسى شاڭىراققا قونعان ب ا ق بولسىن!
ءارقاشان الاقاندارىڭ اشىق، ومىرگە ماشىق، بىر-بىرىڭە عاشىق بولىپ، الداعى ۇزاق عۇمىردى سىيلاستىقتا وتكىزىڭدەر!
*** *** *** ***
جاستارعا ايتارىم، سۇرىنگەندە اسقار تاۋداي سۇيەنىش بولىپ، قۇلاعاندا قولداپ، دەمەپ جۇرەر اكە-شەشە ءاردايىم تىرەكتەرىڭ، پانالارىڭ بولاتىنىن ەستە ساقتاڭدار.
*** *** *** ***
جاقسى ءسوز ايت، جاقسىعا ويىڭ بۇرىلسىن،
جۇرەگىڭنەن كوپ ىزگىلىك ءتىرىلسىن.
جاقسى جەرگە جاتقان جاقسى ءتۇس كورەر،
جاقسىلاردان جەتكەن سەن دە جۇرىنسىڭ.
جاقسى ءسوز ايت، جاقسى تىلەك تىلەگىن،
جاقسى ءسوز دە – جارىم ىرىس، تىرەگىڭ.
جاس – وتاۋىڭ – باس – وتاۋعا اينالسىن،
وركەن جايعان جاپىراعىم، جۇرەگىم!
- دەپ، اينالايىن، جاقسىلاردىڭ جالعاس جۇرىنى قوس بالاپانىم، بۇگىنگى شاڭىراق كوتەرگەن تويلارىڭ قۇتتى بولسىن!
*** *** *** ***
ءبىر ۇلى دانا «ءبىز ومىرگە شىر ەتىپ كەلگەندە ەمەس، جۇرەگىمىزدەگى ماحاببات سەزىمى ويانعان ساتتە عانا ومىرگە كەلەدى ەكەنبىز. ويتكەنى ماحاببات ادامعا ۇشاتىن قانات بەرەدى جانە دە ونى مەيىرىمدى ەتەدى، سونىمەن قاتار ول بۇكىل الەمدى ءوزىنىڭ جىلۋىمەن قۇشاعىنا الا الادى» دەگەن ەكەن.
قىمباتتى جاس وتاۋدىڭ يەلەرى، مىنە، بۇگىن ەكەۋىڭنىڭ شاڭىراق كوتەرگەندەرىڭنىڭ كۋاسى بولىپ وتىرمىز. سەندەرگە تىلەرىمىز: ماحابباتتارىڭ قوزى مەن باياننىڭ، ءلايلى مەن ءماجنۇننىڭ ماحابباتىنان كەم بولماسىن! بىر-بىرىڭە دەگەن ىستىق سەزىمدەرىڭ سۋىماسىن، جۇپتارىڭ جازىلماسىن! باستارىڭا ب ا ق قۇسى قونسىن!
*** *** *** ***
زاماندارىڭىز تىنىش، بەيبىت بولسىن! ءوسىپ-ونىپ، ءبىرىڭىز اسقار تاۋ اكە، ەكىنشىڭىز اياۋلى انا بولىڭىزدار! تامىرلارىڭىز تەرەڭدەپ، بۇتاقتارىڭىز جايىلسىن، جەمىستەرىڭىز كوبەيسىن! ءاۋمين
*** *** *** ***
ءبىر فيلوسوف؛ «ۇيلەنۋ دەگەنىمىز – ەكى ادامنىڭ بىر-بىرىنە قاراپ وتىرۋى ەمەس، ەكەۋىنىڭ ءبىر باعىتقا قاراۋى» دەپتى. دەمەك، بۇل – ەكى ادامنىڭ ماقسات- مۇددەسى مەن ومىرلىك ۇستانىمدارىنىڭ، كوزقاراستارىنىڭ بىرىگۋى دەسەك جاڭىلىسپايتىن شىعارمىز. بولاشاققا بىرگە قانات قاعىپ، باقىتقا جەتۋ جولىندا ءبىر-بىرىن قولداۋدى ماقسات تۇتىپ، باس قوسقان بۇگىنگى جاس جۇبايلاردىڭ بىر-بىرىنە دەگەن سەنىمى مىقتى بولسىن!
*** *** *** ***
توي جاساپ جاتىر سىيلاس، دوس ادامىم،
جاقسى ءسوز، لەبىزدەردى قوش الامىن.
تىلەيمىز بيىكتىگىن شاڭىراقتىڭ،
تىلەيمىز بەرىكتىگىن بوساعانىڭ.
شىرقاسا شابىتتانىپ اقىن بۇگىن،
«تويباستار» دەپ ايتايىق اتىن مۇنىڭ.
ماڭگىلىك ەكى جاستىڭ باقىتى مەن،
تىلەيىك قۇدالاردىڭ تاتۋلىعىن.
*** *** *** ***
ەكى بۇلاق ءبىر ارناعا توعىستى،
ەكى جۇرەك ۇعىنىستى، تابىستى.
تىلەيىكشى اپپاق ارمان – اعىستى،
تۇلپارعا ءتان وزىپ شىعار شابىستى.
جاڭا وتاۋدىڭ شاڭىراعىن كوتەرىپ،
كەل، دوستارىم، جاقسى تىلەك ەتەلىك!
ۇيلەنگەندەر – التىن ساراي سالعاندار،
بالالىعى ەستەلىككە قالعاندار!
قالادى ەندى بالالىق شاق ەرتەك بوپ،
كەل، دوستارىم، شاتتىق تويعا ورتاق بوپ!
ەكى جۇباي – قاتار تۇرعان پەرىشتە،
بىرگە ۇشسىن ب ا ق – بولاشاق - ورىستە!
*** *** *** ***
.... — ..... تويلارىڭ قۇتتى بولسىن،
تىلەكتەس دوستارىڭمەن ورتا تولسىن.
شاڭىراعى بيىك بوپ اق وتاۋدىڭ،
بوساعاسى ماڭگىلىك بيىك بولسىن.
*** *** *** ***
شاڭىراق قۇرعان جاستاردىڭ،
قادامدارى اق بولسىن!
ماحابباتى پاك بولسىن!
ءتىل مەن كوزدەن ساق بولسىن!
جامانشىلىق جات بولسىن!
وسىرگەن ۇلىڭ، تۇسىرگەن كەلىن جەمىسىڭ
جايقالىپ وسكەن ب ا ق بولسىن!
كەلەر جىلدار قۇت سىيلاپ،
كەلىننىڭ مىنا اتىنا،
"انا" دەگەن ات قونسىن!
نەمەرە سۇيگەن اتا-اجەم،
قۋانىپ ءبىر شال بولسىن!
سول نەمەرەڭ ەسەيىپ،
پرەزيدەنت بولسىن دەسەيىك
بولماسا دا شاح بولسىن!
دۇشپاندارى مات بولسىن!
ءسوزدىڭ كەلسەم توقتاسىنا
توي يەسى وتباسىنا
اعىلا تاسىپ ب ا ق تولسىن!
*** *** *** ***
اركىم ىزدەر تىرشىلىكتەن ءوز باعىن،
قولعا قوندى
جۇلدىز دەپ قول سوزعانىڭ.
قوساعىڭمەن قوسا اعارعىن، باۋىرىم،
ماحابباتىڭ – ماڭدايىنا جازعانىڭ.
سۇيگەن جۇرەك
نەگە بولسىن شىدايدى،
جان سۇيىنتەر
جارىق قانداي شىرايلى!
شايقالماسىن جاس وتاۋدىڭ ىرگەسى،
ءومىر ءالى قيىندىقپەن سىنايدى.
تاعدىر قوسىپ،
تابىلىپتى قوساعىڭ،
ءالى-اق تولار جابدىعىڭ مەن جاساۋىڭ.
شاتتىق تولى شاڭىراققا اينالسىن،
كەرەگەسىن كەڭگە جايىپ وتاۋىڭ.
*** *** *** ***
جارقىراپ بوساعا اتتاپ تۇر اقماڭداي،
قالايشا شىداي الام سىر اقتارماي.
عۇمىرى، يگىلىگى ۇزاق بولسىن،
قوسىلىپ قاتار اققان بۇلاقتارداي.
ءومىردىڭ
ورلەپ شىقسىن بەلەسىنە،
مۇحيتقا جەتسىن ءجۇزىپ كەمەسى دە.
ءبىر ءۇيدىڭ الپەشتەگەن ەركەسى ەكەن،
اتا مەن سىيلى بولسىن ەنەسىنە.
ۇلكەندى قادىرلەۋدەن جالىقپاعىن،
جارقىلدا –
جارىڭنىڭ دا تاۋىپ بابىن.
قادىرلەپ،
اينالايىن – ءبىر-بىرىڭدى
قىرانداي قيا شىڭعا شارىقتاعىن!
*** *** *** ***
قوس اققۋ جۇزسە كولدە جاراسادى،
ەكى جاس تابىسسا باعى اشىلادى.
بۇگىنگى ۇيلەنۋ توي قۇتتى بولسىن،
تىلەيمىن، جاس جۇبايلار، بار اسىلدى.
*** *** *** ***
ءبىر ءپالساپا: «ىزدەۋشىلەر كوپ بولعانىمەن، تاپقاندار — تابىلمايدى»، — دەگەن ەكەن. بۇگىنگى توردە وتىرعان قوس عاشىق ءبىر-بىرىن تاپقان باقىتتى جاندار ەكەنىندە كۇمانىمىز جوق. ولاي بولسا، وتاۋلارىڭ ماڭگى نۇرعا بولەنىپ، سول نۇردىڭ جارىعى ومىرلەرىڭە جول كورسەتىپ ءجۇرسىن! شۋاق شاشقان شاڭىراقتارىڭ بيىكتەي بەرسىن، ءۇبىرلى-شۇبىرلى بولىڭدار!
*** *** *** ***
ۇلى سەزىم ەكى جاستى ەپتەدى، جالىنداعان ەكەۋىنە بەتتەدى! ىرىس-داۋلەت ۇيلەرىنەن كەتپەسىن، اشۋ-دۇشپان قانشا قۋسا جەتپەسىن! اتا-انا كوزدىڭ جاسىن سىقپاسىن، كەلىن شىراق تاپقان تيىنىن تىقپاسىن! ۇزىلمەسىن بۇل ۇيدەگى تويلارىڭ، ەگىز تاپسىن قوراداعى قويلارىڭ! بالا بەرسىن ەتەگىنە جاستاردىڭ، كوزى شىقسىن كورە الماعان قاستاردىڭ! تاستاي باتىپ، سۋداي ءسىڭسىن بۇل كەلىن، تاپقىن بەس قىز، التى-جەتى ۇل كەلىن!
*** *** *** ***
كەش جارىق، تويعا جينالعان قاۋىم! قۇرمەتتى قۇدا-قۇداعيلار، قۇدا بولىپ تورگە شىققاندارىڭىز قۇتتى بولسىن! قۇدالارىڭىز مىڭجىلدىق بولسىن! قۇدالىقتارىڭىز مىڭجىلدىق بولسىن.
ال، جاس جۇبايلار، قۇرعان شاڭىراقتارىڭنىڭ بوساعاسى بەرىك بولسىن!
قازاقتا جاقسى ءسوز بار: «تاتۋ ۇيگە تاقسىرەت جولاماس»، — دەگەن. ءتاتۋ-تاتتى، باقىتتى ءومىر سۇرىڭدەر! ابىرويدان اق وتاۋ تىگۋگە تالپىنىڭدار!
ءومىر ءسۇرۋدىڭ ەكى نەگىزى بار ەكەن:
ءبىرىنشىسى — ۇيرەتۋدەن ايانباۋ؛
ەكىنشىسى — ۇيرەنۋدەن جالىقپاۋ.
مىنە، وسى قاعيدانى باسشىلىققا الساڭدار، ينشاللا، باقىتتى بولاسىڭدار دەپ ويلايمىن.
توي ۇرپاقتان-ۇرپاققا جالعاسا بەرسىن! تويلارىڭ قۇتتى بولسىن!
*** *** *** ***
تاۋدان قۇلاعان ەگىز ارنا قوسىلدى — اياعى تەڭىز بولعاي! باۋدا ويناعان ەكى قۇلىنىمىز ءبىر نوقتاعا باس سۇقتى — اياعى سەگىز بولعاي!
ءبىزدىڭ ۇلىمىز — سىزدىكى، ءسىزدىڭ گۇلىڭىز — بىزدىكى!
بارشا گۇلدىڭ سىيلايتىن لياززاتى ءبىر — سۇلۋلىق. ۇل-قىز — پەرزەنت، ورتاق نەمەرە ءسۇيىپ قۋانىشىمىزدى ءبىر ەتەلىك!
كوزىمىزدىڭ اعى مەن قاراسى — قوس قوشاقانىمىزدىڭ باقىتى ءۇشىن كەلىڭىز: ءتۇيىسۋ بولسىن، سوڭىنان ءسۇيىسۋ بولسىن! قۇشاق جايىپ، ءتوس قاعىسايىق، قىمباتتى قۇدالار!
*** *** *** ***
قوس اققۋداي قوس عاشىققا توردەگى بار باقىتتى مەن تىلەيمىن جەردەگى! جالىن اتىپ جۇرەكتەرى سونبەسىن، ءىبىلىستىڭ ارباۋىنا كونبەسىن! بىر-بىرىنە سەرىك بولسىن جالعاندا، تاۋ شىڭىنداي بيىك بولسىن تالعام دا! ءسۇيىپ ءوتسىن ءبىرىن-بىرى ماڭگىلىك، عۇمىر كەشسىن ومىرلەرىن ءان قىلىپ!!!
التىننان ارداقتى، كۇمىستەن سالماقتى قۇدالار!
تورگە شىعىڭىز، سىرلاسىپ جانىمىز قوسىلسىن!
دوسىمىز قۋانىپ، دۇشپانىمىز توسىلسىن!
تورەلەنىپ تورگە شىققاندارىڭىز قۇتتى بولا بەرسىن!
ءاردايىم دەنساۋلىعىڭىز مىقتى بولسىن!
*** *** *** ***
ءبىر كۇنى ب ا ق كەلىپ جاڭا وتاۋدىڭ ەسىگىن قاعىپتى:
— كىم-ەي بۇل؟ —دەپتى جاڭادان تۇسكەن جاس كەلىن.
— مەن باقپىن عوي، ۇيىڭە كىرگىز، — دەپتى ب ا ق.
— جوق، ەسىكتى اشا المايمىن: تورگى ۇيدە اتام جاتىر، اۋىزعى ۇيدە ءوزىمىز جاتىرمىز، — دەيدى كەلىن.
ەكىنشى كۇنى ەسىك تاعى دا تىقىلداپتى.
— بۇل كىم؟
— مەن – داۋلەتپىن عوي، ۇيىڭە قونىپ كەتەيىن، — دەپتى ەسىك سىرتىنان داۋلەت.
— جوق ءۇي بوس ەمەس، — دەپ تاعى دا ەسىگىن اشپايدى.
ءۇشىنشى كۇنى ەسىك تاعى تىقىلدايدى.
— كىم ەكەن دەيدى؟ — دەيدى كەلىن.
— ىنتىماق ەدىم. كەلىن ەسىكتى اشىپ، ىنتىماقتى ۇيىنە كىرگىزىپتى. بارلىعىن ەستىپ جاتقان اتاسى سوندا:
— دۇرىس جاسادىڭ، شىراعىم، ىنتىماق ورىن العان جەرگە ب ا ق پەن داۋلەت ءوزى-اق كەلەدى، — دەگەن ەكەن.
ءبىز دە وتاۋلارىڭىزدان ومىرلىك ىنتىماق كەتپەسىن دەپ تىلەگىمىز كەلەدى.
*** *** *** ***
شارىقتاپ باقىتتىڭ ءجۇر ءومىر كوگىن،
قوسىلعان قوس بايتەرەكتەي، ارمىسىڭدار!
توي ۇستىندە گۇلدەسىن كوڭىلدەرىڭ
اق نيەتتى كوپشىلىك الڭىسىنان!
بۇل جۇرەك قۋانىشقا تويعان ەمەس،
سول العىستان گۇلدەسىن دالا مىناۋ.
مارات تا ساباۋ باستى بويداق ەمەس،
سەن ەندى كۇيەۋ بولدىڭ، قاراعىم-اۋ!
كۇتەدى سىباعاسىن الدان كوپ كۇن،
جانىڭنىڭ وتى ماڭگى جالىنداسىن.
كينوعا جەكە بارار حالدەن كەتتىڭ،
سەن ەندى كەلىن بولدىڭ، قارىنداسىم.
كەشەگى ۇياڭ ........ قىز دا بۇگىن كەلىن اتاندى،
ەندى ادال انا بولسىن، ادال ءسۇيسىن وتاندى.
ءمارات-ىنىم قوس جۇلدىزعا اكە بولسىن اق شاشتى،
سول بولاشاق ۇرپاق ءۇشىن بەرەيىن مەن باتامدى.
*** *** *** ***
توي باستاپ جاتىپ سىيلاس، دوس ادامىم،
جاقسى سوز-لەبىزدەردى قوش الامىن.
تىلەيمىز بيىكتىگىن شاڭىراقتىڭ،
تىلەيمىز بەرىكتىگىن بوساعانىڭ.
شىرقاسا شابىتتانىپ اقىن بۇگىن،
«تويباستار» دەپ ايتايىق اتىن مۇنىڭ.
ماڭگىلىك ەكى جاستىڭ باقىتى مەن
تىلەيىك قۇدالاردىڭ تاتۋلىعىن.
*** *** *** ***
ءومىر-تويى، كوڭىل-تويى – ۇيلەنۋ،
ۇيلەنۋ، بۇل – ماڭگى كوكتەم كۇيگە ەنۋ.
جاڭا وتاۋدىڭ قابىرعاسى قالانىپ،
دۇنيەگە تاعى دا ءبىر ءۇي كەلۋ.
*** *** *** ***
ءبىلىمىڭ قاتارىڭنان اسىپ ءوتسىن،
باقىتىڭ ابىرويمەن تاسىپ ءوتسىن!
ارتىڭنان ولمەيتۇعىن ات قالدىرىپ،
جالعاندا جالپاعىنان باسىپ ءوتسىن!
نۇرلانىپ جول اشىلسىن قادامىڭنان،
مەرەيىڭ ۇستەم بولسىن تالابىڭنان،
ۇل مەن قىز قۋانىشى قاباتتاسىپ،
كوركەيسىن كەلىنىمىز بالاعىنان!
*** *** *** ***
اعايىننىڭ اق نيەتى دەپ ۇعىن،
كەلىن-بالا، اجىراماس تەل ۇعىم.
ەلدەن بۇرىن توبەم كوككە جەتەدى،
دەسە بىرەۋ: «جاقسى ەكەن كەلىنىڭ!»
*** *** *** ***
كەل سۇيەيىن ماڭدايىڭنان، كەل، كۇنىم،
اق تىلەۋىم اق وتاۋعا ەن، گۇلىم.
شايقاپ ءىشىپ بال شارابىن باقىتتىڭ،
قۋانىشتان ماس بولايىن مەن بۇگىن.
*** *** *** ***
بىرگە تويلاپ جاستاردىڭ قۋانىشىن،
بايقاتايىن جۇرەكتىڭ جىر اعىسىن.
كوتەرەمىن، تۋعاندار، وسى توستى
ۇل-قىزى ورتاق قۇداعي-قۇدام ءۇشىن!
*** *** *** ***
ومىرلەرى باقىتتى، ءاندى بولسىن،
وڭىرلەرى وسىنداي ءساندى بولسىن!
دوستىق پەنەن جاستىق شاق جالىن اتىپ،
اق ماحاببات باياندى، ءماندى بولسىن!
*** *** *** ***
حالقىڭا قالاۋلى بول،
ەلىڭە ەلەۋلى بول.
ءبىر بالامىز ەكەۋ بولسىن،
جاس جۇبايلار وداعى بەكەم بولسىن!
*** *** *** ***
ەگىز اققۋ سياقتانعان دوستارىم،
باستاپسىزدار جۇبايلى ءومىر-داستانىن.
مىقتى بولسىن تىككەن ورداڭ-وتاۋىڭ،
قۇتتى بولسىن العاش تۇندىك اشقانىڭ!
*** *** *** ***
ءبىر ىسىڭنەن اسىپ ءتۇسىپ ءبىر ءىسىڭ،
شارىقتاسىن قۇت-بەرەكە – ىرىسىڭ.
وتاۋىڭ دا كىشىگىرىم – وتانىڭ،
ماڭگى بولسىن.
*** *** *** ***
شاڭىراق كوتەرىپ، قوس اققۋداي، جانۇيا قۇرعان
..................مەن ............... زاڭدى نەكەلەرىمەن قۇتتىقتاي وتىرىپ، جىردان شاشۋ شاشامىز.
ورىندالىپ ءتاتتى ارمان تىلەكتەرى،
بىرگە سوعىپ شىن عاشىق جۇرەكتەرى.
جاس شاڭىراق يەسى بولدى بۇگىن،
قاسيەتتى قازاقتىڭ تۇلەكتەرى.
ارتقا تاستاپ ءبۇلدىرشىن بالا شاعىن،
تۇتاندىرعان ءومىردىڭ جاڭا وشاعىن.
جاس جۇبايلار بابالار داستۇرىمەن،
جالعاستىرار حالقىمنىڭ بولاشاعىن.
ارماندارى سەزىممەن ساباقتاسىپ،
ماحاببات پەن باقىتى قاباتتاسىپ.
ۇلتىمنىڭ ۇلىلىعىن ۇلاستىرار
قوس اققۋداي جاراسا قاناتتاسىپ.
*** *** *** ***
قۇرمەتتى ....... مەن .......!
سىزدەردى بۇگىنگى سالتاناتتى زاڭدى نەكەلەرىڭىزبەن، وتاۋ قۇرىپ، شاڭىراق كوتەرۋلەرىڭىزبەن شىن جۇرەكتەن قۇتتىقتايمىن. سىزدەرگە تىلەرىم جاڭا ومىرگە قوس اققۋداي قول ۇستاسىپ بىرگە اتتانعان قادامدارىڭىز قۇتتى بولسىن! وتباسىنىڭ قۋانىشىن، الداعى بار ومىرلەرىڭىزدى سىيلاستىقپەن بىرگە وتكىزىپ، كەلەشەكتەرىڭ تەك ساتتىلىكپەن جالعاسا بەرسىن.
ءوز جارىڭدى جاتتاي كۇت، جات كورسىن دە ءتۇڭىلسىن، بىر-بىرىڭە ءقادىر تۇت، جۇرت ۇلگى السىن، ءۇڭىلسىن دەگەندەي ەكى جۇرەك سەنىمدەرىڭ اق، بىر-بىرىڭە دەگەن سەزىمدەرىڭ پاك بولسىن.
جاقسى ايەل – جىگىتكە بىتكەن ب ا ق، جاقسى جار، جايلى قونىس – التىن تاق دەيدى. شاڭىراقتارىڭىز بيىك بوساعالارىڭ بەرىك بولسىن
................. جاڭىلعا ادال جار بول، جاڭىل وسى شاڭىراققا قونعان ب ا ق قۇسى بول. اتا-انا، تۋعان-تۋىس پەن باۋىرلارىڭىزعا سىيلى جانە ۇلگىلى وتباسى بولىڭىزدار. ءاردايىم شاڭىراقتارىڭىز شاتتىققا، باقىتقا جانە ءسابيدىڭ ۇنىنە تولسىن.
*** *** *** ***
تىلەرىم وزدەرىڭە باقىتتى ءومىر،
قۋانىش كەلە بەرسىن اعىل-تەگىل.
شىنى-اياق سىلدىرلاماي تۇرماس، ءسىرا،
قيىن ساتتە ءبىر ءبىرىڭدى كەشىرە ءبىل.
جاڭا ومىرگە ەندى ەسىك اشقاسىن،
شاڭىراعىڭدى رەنىش مۇڭى شالماسىن.
ءومىر اتتى اشىق اسپان استىندا،
قالىقتاڭدار قاناتتارىڭ تالماسىن.
قايىرلى كەش وتىرعان قۇدالارىم
بولا بەرسىن وسىنداي قىزىقتارىڭ
سىزدەرمەنەن بىزدەردى تابىستىرعان
امان بولسىن ........ قاراقتارىم.
*** *** *** ***
قول ۇستاسىپ باستادىڭدار جول باسىن،
جۇرەكتەردە ءۇمىت-ارمان جانعاسىن.
عاشىقتىقتىڭ سوندىرمەڭدەر جالىنىن،
ماحابباتتىڭ ءتاڭىرى بار...
سول سەندەردى قولداسىن! – دەگەن
جۇرەكتەن شىققان تىلەگىمىزدى ارنادىق.
جاس وتاۋ يەلەرىنە مىقتى دەنساۋلىق، جاراستىقتى عۇمىر، باياندى ماحاببات تىلەي وتىرىپ، شاڭىراق شاتتىعىنا بولەنە بەرىڭىزدەر دەمەكپىز.
*** *** *** ***
ءقادىرلى قوناقتار! بۇگىنگى قۋانىشتىڭ قىمباتتى يەلەرى!
سىزدەرگە وسى قۋانىشتى كۇندە بوساعالارىڭنىڭ بەرىك، كەرەگەلەرىڭنىڭ كەڭ، ابىرويلى، كوڭىلدەرىڭنىڭ توق، ادال ەڭبەكتىڭ ارقاسىندا تابىستارىڭنىڭ مول، الاقاندارىڭنىڭ اشىق، ومىرگە ماشىق، جاڭالىققا عاشىق، ۇرپاقتارىڭنىڭ ەر بولۋىن تىلەي وتىرىپ، مىنا ولەڭ جولدارىن وزدەرىڭىزگە ارنايمىن؛
ءومىردىڭ تويى، كوڭىلدىڭ تويى – ۇيلەنۋ،
ۇيلەنۋ – ءبىر كوكتەم ماڭگى كۇيگە ەنۋ.
جاڭا وتاۋدىڭ قابىرعاسى قالانىپ،
دۇنيەگە تاعى دا ءبىر ءۇي كەلۋ.
تىلەيمىز بيىكتىگىن شاڭىراقتىڭ،
تىلەيمىز بوساعانىڭ بەرىكتىگىن.
ماڭگىلىك ەكى جاستىڭ باقىتى مەن،
تىلەيمىن قۇدالاردىڭ تاتۋلىعىن.
ومىرلەرىڭ باقىتتى ءاندى بولسىن،
وڭىرلەرىڭ وسىنداي ءساندى بولسىن.
دوستىق پەن جاستىق شاق جالىن اتىپ،
اق ماحاببات باياندى، ماڭگى بولسىن!
*** *** *** ***
قانشا عاشىق ارمانىنا ۇمتىلدى
قانشا جۇرەك قۇشتارلىقپەن بۇلقىندى.
عاشىقتاردى قۇرمەت تۇتىپ ادامزات
ەشقاشاندا ۇمىتپايدى بۇل كۇندى!
شۋاق شاشىپ قاپ-قاراڭعى تۇنەكتەن
عاشىقتاردى پاك سەزىمنەن نۇر سەپكەن
جارىق بولسىن ءارقاشاندا جۇلدىزىڭ!
*** *** *** ***
بالالىقتىڭ داۋرەنى ارتتا قالىپ، ءبىرىڭ بوي جەتكەن، ەكىنشىڭ بوزبالا اتانعان كۇندەردىڭ وتكەلىنەن دە اتتادىڭدار. جاس وتاۋدىڭ كەرەگەسىن كەڭەيتىپ، بوساعاسىن بەرىك، شاڭىراعىن بيىك ەتسەك، اتا-انالارىمىزدىڭ ارمانى مەن ماقساتىن ورىنداساق دەگەن ىزگى نيەتپەن تاعى ءبىر ءومىر بەلەسىنە اياق باسىپ وتىرسىزدار.
ەكەۋلەرىڭىز قول ۇستاسىپ، كوڭىل جاراستىرىپ وتباسىلىق تىرلىك قۇرۋعا بەل بايلاعاننان كەيىن ەكى جاققا دا مەيىرباندى، ءبىر بىرىڭە سىيلى بولعاندارىڭىزدى، وسكەن وركەندەگەن شاڭىراققا اينالۋلارىڭىزدى تىلەيمىز.
ەڭ الدىمەن قالىڭدىققا ءبىر-بىرىڭدى قادىرلەي، ازامات باسىن سىيلاي ءبىل دەسەك، كۇيەۋ جىگىتكە قۇلاققاعىس ەتەرىمىز، سىڭارىڭدى ماڭگىلىك كوكتەمنىڭ گۇلىندەي ايالا، ەرتەڭگى ومىرگە كەلەر ۇرپاعىمنىڭ اناسى دەپ الاقان جىلۋىن، جۇرەگىڭنىڭ نۇرىن توك، دەمەكپىز.
شىعىستىڭ دانالىعىندا؛ «بۇتاعى كوپ اعاشقا قۇس قونادى»، - دەيدى. دوس-جاراندارىڭنىڭ، اعايىن-تۋىستارىڭنىڭ الدىندا قادىرلەرىڭ تومەندەمەسىن. باق-داۋلەتتەرىڭ، قۇت-بەرەكەلەرىڭ باستارىڭنان جايىلعان داستارحاندارىڭنان، تىككەن وتاۋلارىڭنان قاشپاسىن!
*** *** *** ***
قازىرگى ءومىر بۇرىنعىدان ەستىرەك،
ايالاسىن، الديلەسىن دەپ بىلەد.
الدارىڭدا الدە قانداي ءومىر بار،
قىسىلعاندا بىرگە سوقسىن قوس جۇرەك.
ال، باۋىرىم، قۇتتى بولسىن قادامىڭ،
باستاعانىڭ ەسىك اشىپ جاڭا ءومىر.
ىستىعى دا، سۋىعى دا كەزىگەر،
قيىن ساتتە ءبىر-بىرىڭدى سىيلاي ءبىل.
ال، كەلىنىم، وزىڭە ايتار تىلەگىم -
جاڭا كوكتەپ كەلە جاتقان سەن ءبىر گۇل.
ماڭگى سولاي بۇرشىك جارىپ گۇلدەي بەر،
بىر-بىرىڭە ادال بولىپ جۇرەگىڭ.
ايتارىم ........ پەن .......... -
كوسىل دەگەن قاراپ ءوز زامانىڭا.
قيىن ساتتە ءبىر-بىرىڭدى كەشىرە ءبىل،
شىنى-اياق سىلدىرلاماي تۇرماس، ءسىرا.
اياۋلى الاقاننىڭ اياۋلىسى،
قادىرلەي ءبىل قوندىرعان ب ا ق قۇسىڭدى.
اقىلداسىپ شەشىمىن وزدەرىڭ شەش،
الدارىڭدا بولاتىن تالاي ءىستى.
وسى قىزىق كورەم دەگەن ارماندارى،
تاعدىر ءبىراق كورۋگە جازباعانى.
جىلى لەبىز، ىستىق قۇشاق ەستەن كەتپەس،
مارقۇمداردىڭ اقىل عىپ ايتقان ءسوزى.
اعايىن تاتۋ بولسا ات كوپ دەگەن،
ابىسىن تاتۋ بولسا اس كوپ دەگەن.
ارناعان سىيلىقتارىن بەرەم دەيدى،
قارىنداس، كەلىن، اپاي، جەڭگەلەرىڭ.
ال تىلەرىم بارىڭە: باقىتتى ءومىر،
قۋانىش كەلە بەرسىن اعىل-تەگىل.
بالا دەگەن باقىت بار بارلىعىڭدا
قىز ۇزاتىپ، بارلىعىڭ دا كەلىن ءتۇسىر.
You Might Also Like
-
يگىلىكتىڭ تويىنا بيلەت كەلدى قولىما، بيلەت ۇستاپ وتىرىپ نەلەر ءتۇستى ويىما.
-
ق ر وقۋ-اعارتۋ ءمينيسترىلىنىڭ اپپارات ماجىلىسىندە پەداگوگتىڭ جەكە ەلەكتورندىق پورتفوليوسىنىڭ ديزاينى تانىستىرىلدى.
