InfoHub Logo

قازاقستاندا مۇعالىمدەردىڭ كۇشىمەن مەكتەپكە دەيىنگى جاسقا كەلگەن بالالاردى تىركەۋ ماقساتىندا جۇرگىزىلەتىن «ساناق» جۇمىستارى توقتاتىلادى. بۇل تۋرالى بۇگىن ۇكىمەت وتىرىسىندا ق ر ءبىلىم جانە عىلىم ءمينيسترى ەرلان ساعادييەۆ ءمالىم ەتتى.

«باقىتجان ءابىر ۇلى، ەگەر ءسىز ادىلەت، ىشكى ىستەر دانە دەنساۋلىق ساقتاۋ مينيسترلىكتەرىنىڭ مالىمەتتەر بازاسىن ورتاق جۇيەگە جۇكتەۋگە تاپسىرما بەرسەڭىز، وقىتۋشىلاردىڭ ءۇي-ۇيدى ارالاۋىن بۇگىن توقتاتۋعا دايىنبىز. بىزدە 100 مىڭنان استام وقىتۋشى جىلىنا ەكى مارتە بارلىق اۋلالاردى ارالايدى. مەكتەپكە بارعالى جاتقان بالالاردى جازىپ الادى. بۇل اقپاراتتاردىڭ بارلىعى بازادا بولعاندىقتان، بۇل جۇمىستى جاساماۋعا دا بولار ەدى»، - دەدى ول ۇكىمەت باسشىسىنا قاراتىپ ايتقان سوزىندە.

ءوز كەزەگىندە، ساعىنتايەۆ اتالمىش ماسەلەنى بارلىق مينيسترلىكتەر بىرگە تالقىلاي وتىرىپ شەشۋدى تاپسىردى.

«بىزدە كسرو كەزەڭىنەن بەرى قالعان ءبىر ءداستۇر بار، جىل سايىن مۇعالىمدەر كوشەلەردى ارالاپ، اۋدان-اۋداندى جاعالايتىن، ءاربىر پاتەرگە، ءاربىر ۇيگە سوعاتىن، ساناق جۇرگىزەتىن. ەندى ونى جاساپ كەرەك ەمەس»، - دەدى ۇكىمەت وتىرىسىنان كەيىن تىلشىلەر سۇراعىنا جاۋاپ بەرگەن ە. ساعادييەۆ.

بعم باسشىسىنىڭ ايتۋىنشا، اتالمىش جۇمىسقا مۇعالىمدەر ءبىر اي ۋاقىتتارىن سارپ ەتەتىن. 

«جىلىنا ەكى رەت ءۇي-ۇيدى ارالاۋ ءۇشىن ءبىر اي ۋاقىتتارىن جۇمسايدى. ولاردى يتتەر دە قابادى، ءتۇرلى قاۋىپتەر ورىن الاتىن. ءبىز بۇل اۋىرتپالىقتان مۇعالىمدەردى بوساتۋدى جوسپارلاپ وتىرمىز»، - دەدى مينيستر. 

---