InfoHub Logo

ۇكىمەت وتىرىسىندا ق ر ءبىلىم جانە عىلىم مينيسترلىگى ەرلان ساعادييەۆ ءبىلىم سالاسىنداعى اقپاراتتىق جۇيەلەرگە جان-جاقتى توقتالدى.

«ءبىز ءوزىمىزدىڭ اقپاراتتىق جۇيەلەردى بىرىكتىرۋدەمىز. بىزدە 73 اقپاراتتىق جۇيە بار، ولاردىڭ بارلىعى دەرەكتەردى 4 نەگىزگى پلاتفورماعا تاراتاتىن بولادى. ءبىرىنشى پلاتفورما - ۇلتتىق ءبىلىم بەرۋ دەرەكتەر بازاسى، وندا بارلىق اكىمشىلىك اقپارات جيناقتالادى. ەكىنشى - ەلەكتروندى كۇندەلىك. وندا وقۋشىلاردىڭ ۇلگەرىمى، ساباق كەستەسى، جوسپارلار، مەكتەپتەر مەن تەxنيكالىق-كاسىپتىك ءبىلىم بەرۋ مەكەمەلەرىنىڭ اكادەميالىق اقپاراتتارى جيناقتالادى»، - دەدى مينيستر.

مينيسترلىكتىڭ ەنگىزىپ جاتقان ءۇشىنشى پلاتفورماسى - «بۇلتتى» بۋxگالتەريا. ونىڭ اياسىندا بارلىق ءبىلىم بەرۋ نىساندارىن ءبىر ورتالىقتاندىراتىن ءبىرىڭعاي بۋxگالتەريا جاسالماق. سوڭعىسى - جوعارى ءبىلىمدى باسقارۋدىڭ ءبىرىڭعاي جۇيەسى.

«وسى ءتورت پلاتفورما بىر-بىرىمەن جانە وزگە دە مەملەكەتتىك ورگاندارمەن اقپارات الماسىپ وتىرادى. بۇل سالانىڭ تولىقتاي اۆتوماتيزاسياسىنا قول جەتكىزۋگە مۇمكىندىك بەرەدى. ءبىز ءاربىر وقۋشىنىڭ ءار باعاسىن، ءۇي تاپسىرماسىن، وقىتۋشىنىڭ ءاربىر ساباققا قاتىستى جوسپارىن كورە الامىز. ونى بعم، اكىمدىك، وبلىستىق ءبىلىم ءبولىمى، اتا-انالار باقىلاپ وتىرادى. بۋxگالتەرياعا قاتىستى دا سولاي. ءاربىر مەكتەپتىڭ ءاربىر تيىنىن اكىمدىك، وبلىستىق ءبىلىم ءبولىمى، مەكتەپتىڭ قامقورشىلىق كەڭەسى كورىپ وتىرۋى ءتيىس. قوسىمشا بالالاردىڭ قۇرامىن، مەكتەپتەگى ورىنداردىڭ تاپشىلىعىن، مەكتەپ قۇرىلىسى كارتاسىن قاراپ، باقىلاۋعا جەڭىل بولادى. وسىنىڭ بارلىعى ءبىرىڭعاي جۇيەدە بولادى»، - دەپ اتاپ ءوتتى ساعادييەۆ.

مۇعالىمدەرگە بۇل جۇيە سىنىپتاردى ونلاين باسقارۋعا مۇمكىندىگى بەرەدى.

«قاعازباستىلىق، اقپاراتتى قوس-قوستان جازۋدىڭ قاجەتتىلىگى بولمايدى. ءمۇعالىمنىڭ بارلىق مانساپ جولىندا وتكەن اتتەستاسيالارى جانە وزگە دە كاسىبي مالىمەتتەرى وقىتۋشىلاردىڭ جەكە كابينەتىندە ساقتالادى. ۇستازدارعا سالىناتىن اۋىرتپالىق ەداۋىر تومەندەيدى. باقىتجان ءابىر ۇلى، ەگەر ءسىز ادىلەت، ىشكى ىستەر دانە دەنساۋلىق ساقتاۋ مينيسترلىكتەرىنىڭ مالىمەتتەر بازاسىن ورتاق جۇيەگە جۇكتەۋگە تاپسىرما بەرسەڭىز، وقىتۋشىلاردىڭ ءۇي-ۇيدى ارالاۋدى بۇگىن توقتاتۋعا دايىنبىز. بىزدە 100 مىڭنان استام وقىتۋشى جىلىنا ەكى مارتە بارلىق اۋلالاردى ارالايدى. مەكتەپكە بارعالى جاتقان بالالاردى جازىپ الادى. بۇل اقپاراتتاردىڭ بارلىعى بازادا بولعاندىقتان، بۇل جۇمىستى جاساماۋعا دا بولار ەدى»، - دەدى ول.

«اتا-انالارعا اقپاراتتىق جۇيە نە بەرەدى!؟ ولار ءوز بالالارىنىڭ ۇلگەرىمىن، ءاربىر باعاسىن، مەكتەپكە كەلۋىن، ءۇي تاپسىرماسىن، بالانىڭ ءبىلىم قارقىنىن ونلاين رەجيمدە باقىلاي الادى. بالانىڭ بالاباقشادان باستاپ، PhD-عا دەيىنگى بارلىق مالىمەتتەرى ونىڭ جەكە ID كابينەتىندە ساقتاۋلى بولادى»، - دەپ تولىقتىردى بعم باسشىسى.

ونىڭ سوزىنشە، بۇل باعىتتاعى جۇمىستار ءبىر جىلدا اياقتالۋى مۇمكىن.

«7 مىڭ مەكتەپتە ينتەرنەت بار، بۇل - شامامەن ەلدەگى بارلىق مەكتەپتەردىڭ 90%-ى. دەگەنمەن ونىڭ 2 مىڭىندا عانا جوعارى جىلدامدىقتى ينتەرنەت ورناتىلعان. دەمەك، بىزگە قالعان مەكتەپتەرگە دە جوعارى جىلدامدىقتى ينتەرنەتتى دامىتۋىمىز كەرەك»، - دەدى مينيستر.

ەرلان ساعادييەۆتىڭ مالىمەتى بويىنشا، ىلكى رەجيمدە ەنگىزىلىپ جاتقان «كۇندەلىك» جۇيەسىن پايدالاناتىن مۇعالىمدەر سانى 174 مىڭنان اسقان. ونى 1،4 ملن. وقۋشى، 854 مىڭنان استام اتا-انا قولدانىپ وتىر.

---