InfoHub Logo

Business Insider باسىلىمى Hyperloop One كومپانياسى ۇسىنعان العاشقى Hyperloop كاپسۋلالى تاسىمالداۋ جۇيەسىنىڭ ۆيدەوكونسەپتىسىنە كوپشىلىكتىڭ نازارىن اۋداردى. كومپانيا اتالعان تاسىمالداۋ جۇيەسىنىڭ قۇرىلىسىن دۋبايدا ىسكە اسىرماق.

2016 جىلدىڭ قاراشا ايىندا Hyperloop One كومپانياسى دۋباي بيلىگىمەن سەرىكتەستىك كەلىسىم شارتقا وتىرعاندىعىن مالىمدەدى. باسشىلىق Hyperloop تاسىمالداۋ جۇيەسى ارقىلى دۋباي مەن ءابۋ-دابي قالالارىن قوسپاق. تانىستىرىلىم اياسىندا كومپانيا Hyperloop جولىنىڭ كونسەپتىسىن دە تانىستىرىپ ءوتتى. ونداعى كاپسۋلالار ساعاتىنا شامامەن 1125 كيلومەتر جىلدامدىقپەن قوزعالا الادى. ال جول ۋاقىتى 12 مينۋتتى قۇرايدى.

بىرىككەن اراب امىرلىكتەرىندەگى جولاۋشىلارعا ارنايى باعدارلاما ۇسىنىلادى. ول ارقىلى جولاۋشىلار مەجەلى جەرگە قالاي جەتۋگە بولاتىنى جونىندە بىلە الادى.  

بۇل قوسىمشاعا Hyperloop تاسىمالداۋ جۇيەسىندەگى ساپار كەستەسى دە ەنگىزىلەدى.

ەگەر قولدانۋشى Hyperloop وپسياسىن تاڭداسا، قوسىمشا مەجەلى ورىنعا جەتۋ جولدارىن كورسەتىپ، الداعى ساپارداعى قادامداردىڭ بارلىعىن انىقتاپ بەرەدى:

قولدانۋشى قالاارالىق قاتىناسقا ارنالعان كاپسۋلا ءتۇرىن تاڭداۋى ءتيىس. بولجام بويىنشا، جولاۋشىلارعا كاپسۋلالاردىڭ بىرنەشە ءتۇرى ۇسىنىلادى. مىسالى، جالعىز نەمەسە بىرنەشە ادامعا ارنالعان، ىسكەرلىك كەزدەسۋلەر، ءدارىس وتكىزۋگە نەمەسە دەمالۋعا ارنالعان كاپسۋلالار.

كاپسۋلا جولاۋشىنى وزدىگىنەن Hyperloop جۇيەسىنە جەتكىزەدى. قۇراستىرۋشىلاردىڭ جوسپارى بويىنشا، دۋباي – ءابۋ-دابي باعىتىندا 120 كاپسۋلا جۇمىس ىستەيدى. ولار ساعاتىنا 8 500 جولاۋشىنى تاسىمالداۋ مۇمكىندىگىنە يە.

جولاۋشىلارعا ارنالعان كاپسۋلالار ۇلكەنىرەك كاپسۋلالارعا ورنالاستىرىلادى. ولاردىڭ ءارقايسىسىنا 4 كاپسۋلادان سىيادى.

مۇنداي كاپسۋلالاردىڭ ۇشەۋى جولاۋشىلار، بىرەۋى جۇك تاسىمالىنا ارنالعان.

Hyperloop One كومپانياسى ينجەنەرلىك سالاسىنىڭ باسشىسى دجوش گيگەلدىڭ پىكىرىنشە، بولاشاقتا Hyperloop ءتارىزدى قاتىناس كولىگىنىڭ كەڭ سۇرانىسقا يە بولاتىندىعى سونشا، جولاۋشىلار مەترومەن ءبىر دەڭگەيدە قولداناتىن بولادى.

جولاۋشىلار جايعاسقان كاپسۋلا Hyperloop قۇبىرىنان قوزعالعاننان كەيىن، كادىمگى جولدارمەن جولاۋشىلار تاڭداعان جەرگە باعىت الادى.

دۋبايدىڭ «بۋرج-حاليفا» عيماراتىنداعى Hyperloop One ايالداماسى وسىنداي سيپاتتا بولادى:

دۋبايداعى Hyperloop One تاسىمالداۋ جۇيەسىنىڭ تۇجىرىمداماسى:

Hyperloop قۇبىرلارى كوگىلدىر سىزىقتارمەن، ال ستانسياعا جەتكەن كاپسۋلالار وتەتىن جولدار القىزىل تۇسپەن بەلگىلەنگەن.

كاپسۋلالاردىڭ قوزعالىسىن باسقارۋ ورتالىعىنداعى ماماندار قاداعالايدى.

Business Insider اتاپ وتكەندەي، باستاپقىدا Hyperloop One كومپانياسى تاسىمالداۋ جۇيەسىن جۇك تاسىمالى ءۇشىن قولدانباق بولعان. ءبىراق 2017 جىلدىڭ اقپان ايىندا جولاۋشىلاردى دا تاسىمالدايتىنىن مالىمدەدى.

---