مۇعالىمدەردى دايارلايتىن جوو سانىن 85-تەن 20-25-كە قىسقارتۋ جوسپارلانىپ وتىر — ا.ايماعامبەتوۆ
ءبىلىم جانە عىلىم مينيسترلىگى باعالاۋ جۇيەسىنىڭ تىزبەسىنە ەنگەن 13 ۋنيۆەرسيتەتتى تەكسەردى. بۇعان دەيىنگى جاسالعان ەسكەرتۋلەر جويىلماعاندىقتان، 5 ۋنيۆەرسيتەتتىڭ ليسەنزياسى ءبىر ايعا توقتاتىلدى.
بۇل تۋرالى ءبىلىم جانە عىلىم ءمينيسترى اسحات ايماعامبەتوۆ Facebook-تەگى پاراقشاسىندا جازدى.
«سونداي-اق 12 جوعارى وقۋ ورنىنا ايىپپۇل سالىنىپ، 1 ۋنيۆەرسيتەت بويىنشا ءىس سوتقا جىبەرىلدى. جىل سوڭىنا دەيىن تاعى 12 جوو بويىنشا بۇرىن بەرىلگەن نۇسقامالاردىڭ ورىندالۋىن تەكسەرۋدى جوسپارلاپ وتىرمىز. بۇزۋشىلىقتار قايتا انىقتالعان جاعدايدا، ليسەنزيادان ايىرۋ جانە جوو جابۋ ءۇشىن قۇجاتتار سوتقا جىبەرىلەدى»، - دەدى اسحات ايماعامبەتوۆ.
ايتۋىنشا، قازىرگى ۋاقىتتا مينيسترلىككە ليسەنزيا بەرەتىن ورگان رەتىندە، مىندەتتەرىنە جاۋاپسىز قارايتىن جوعارى وقۋ ورىندارىنىڭ ليسەنزيالارىن ءوز تاراپىنان كەرى قايتارىپ الۋعا قۇقىق بەرەتىن زاڭ نورمالارىن ەنگىزۋ جوسپارلانۋدا.
«بۇل باستاما مەملەكەت باسشىسى تاراپىنان قولداۋعا يە بولدى. قازىرگى ۋاقىتتا ليسەنزيانى قايتارىپ الۋ ءۇشىن سوتقا جۇگىنۋ نەمەسە قاجەت بولعان جاعدايدا بارلىق شاعىمدانۋ پروسەدۋراسىنان ءوتۋ كەرەكتىگىن ەستەرىڭىزگە سالامىن. وعان قوسا، پرەمەر-مينيستردىڭ وكىمىنە سايكەس ۇكىمەت جانىنان جوعارى وقۋ ورىندارىن وڭتايلاندىرۋ كوميسسياسى قۇرىلدى»، - دەپ اتاپ ءوتتى.
ءوز سوزىندە جوعارى وقۋ ورىندارىنا قويىلاتىن بىلىكتىلىك تالاپتارىنىڭ دا كۇشەيتىلىپ جاتقانىنا توقتالدى.
«اسىرەسە ليسەنزيالارىندا پەداگوگتەردى دايارلاۋعا ارنالعان قوسىمشالارى بار جوعارى وقۋ ورىندارىنا قوسىمشا تالاپتار دايىنداۋدا. ولاردىڭ سانى – 85». الايدا ولاردىڭ ساپاسى سىن كوتەرمەيتىندىكتەن، قويىلاتىن تالاپتاردى كۇشەيتۋ ارقىلى مۇعالىمدەردى دايارلايتىن جوو سانىن 85-تەن 20-25-كە دەيىن قىسقارتۋ جوسپارلانىپ وتىر. ولار باسقا باعىتتار بويىنشا ماماندار دايارلاي بەرەدى، ال پەداگوگيكا بويىنشا ليسەنزيالارى قايتارىلىپ الىنۋى مۇمكىن. شامامەن العاندا، ءار ايماقتا مۇعالىمدەردى دايارلايتىن 1 مىقتى جوو جانە الماتىدا بىرنەشە وقۋ ورنى بولماق»، - دەپ جازدى مينيستر.
ناشار ساباق ۇلگەرىمى ءۇشىن وقۋدان شىعارىلعانداردىڭ ءبارىن وقۋعا قابىلداي بەرۋ ەسەبىنەن كەيبىر جوعارى وقۋ ورنىنا 100 ادام ءتۇسىپ، 800-گە جۋىق تۇلەك بىتىرەتىنىن اتاپ ءوتتى.
«تاعى ءبىر جايت، بيىل 37 مىڭ ستۋدەنت تاياۋ شەتەلدىڭ جوو-دا ءبىر سەمەستر نەمەسە ءبىر جىل وقىعان سوڭ قازاقستاندىق شاعىن جوو-نا اۋىسىپ كەلدى. اقپارتاقا سۇيەنسەك، ۇبت سەرتيفيكاتىنىڭ تالاپ ەتىلۋىن اينالىپ ءوتۋ ءۇشىن تالاپكەرلەر قۇجاتتارىن شەتەلدىك جوو جىبەرىپ، ءبىر سەمەستر نەمەسە ءبىر جىلدان كەيىن ۆيرتۋالدى تۇردە قازاقستاندىق ۋنيۆەرسيتەتتكە اۋىسىپ الاتىن تەندەنسيا دا بار»، - دەدى مينيستر.
ايتۋىنشا، 20-23 مىڭعا دەيىن ستۋدەنت وقيتىن جانە ولاردىڭ كوپشىلىگى ادەتتە ساباققا دا بارمايتىن كەيبىر وڭىرلىك جەكە مەنشىك جوعارى وقۋ ورىندارى دا بار.
«سوندىقتان دا مينيسترلىك وسىنداي جاعدايلار مەن جاۋاپكەرشىلىگى تومەن جوو قاتىستى قاتاڭ ساياسات جۇرگىزۋدە. البەتتە، بۇل شارالار بارلىعىنا بىردەي ۇناماي بەرمەيتىنى انىق. دەگەنمەن، ەلباسى مەن مەملەكەت باسشىسىنىڭ تاپسىرمالارىنا سايكەس، مينيسترلىك جوعارى ءبىلىم بەرۋ سالاسىندا ساپانى قامتاماسىز ەتۋ ساياساتىن ودان ءارى جالعاستىرادى»، - دەدى ءبىلىم جانە عىلىم ءمينيسترى.
You Might Also Like
-
باياعىدا ماحمۇد دەگەن ەلدەن اسقان ادىلەتتى پاتشا بولىپتى. ونىڭ اسان، ۇسەن، حاسان دەگەن ءۇش ۇلى بار ەكەن. كۇندەردىڭ كۇنىندە ماحمۇد ءتۇس كورەدى، تۇسىندە عاجايىپ قۇس كورەدى. الگى قۇس جەر مەن كوكتىڭ ورتاس...
-
جالعىز بوز اتىنان باسقا ەشبىر كولىگى جوق ءبىر كەدەي بولىپتى. ونىڭ جايشىلىقتا بۇتا ارتار، كوشكەندە جۇك ارتار كولىگى دە وسى اتى ەكەن.
