مۇڭلى قىز (ءىىى نۇسقا)
ءبىر بايدىڭ الپىس جاسقا كەلگەندە جاستاي وتاسقان بايبىشەسى دۇنيە سالىپ شالقىعان داۋلەتتى، جيھازى كەلىسكەن ءۇيى يەن قالادى. باي توسەك جاڭعىرتۋ ءۇشىن ءبىر كەدەيدىڭ بالام دەگەندە جالعىز قىزىنا قۇدالىق سويلەسەدى. «شال-ەكەڭ المايدى، مال-ەكەڭ الادى»، — دەگەندەي، بايدىڭ قالىڭ مالعا اتاعان اقتىلى قوي، الالى جىلقىسىن قيماعان قىز اكەسى جالعىز قىزىن بايعا توقالدىققا بەرەدى. اكەنىڭ قاتىگەزدىگىنە وزەگى ورتەنىپ، زامانىنىڭ ادىلەتسىزدىگىنە كۇيىنگەن قىز ۇزاتىلا جاتىپ: «قاراكەر اتتىڭ توقتىعى-اي، جالىنان ۇزىن شوقتىعى-اي. مەنى مالعا ساتقانى ادىلەتتىڭ جوقتىعى-اي»، — دەپ زارلاعان ەكەن. قىز ۇزاتۋعا جيىلىپ، قىز زارىن ەستىپ تۇرعان كوپشىلىك «و، مۇڭلى، سورلى-اي!» — دەپ وكىنىسەدى. و باستا قىز ۇزاتۋ سالتاناتىن كۇيگە قوسپاق بولعان كۇيشى ادامنىڭ ءىش-باۋىرىن ەلجىرەتكەن مىنا قايعىلى حالگە ىشتەي ەلجىرەپ، قىز زارىنا ارناپ، «مۇڭلى قىز» كۇيىن شەرتىپتى.
You Might Also Like
-
بۇرىن ءبىر جەتىم قىز بولىپتى. ءبىر كۇنى تاڭعى الاڭ-ەلەڭدە بىرەۋدىڭ تەپكىلەۋىمەن قىز شىرت ۇيقىدان شوشىپ ويانىپتى. ورنىنان ۇشىپ تۇرىپ قاراسا، وگەي شەشەسى ەكەن. قورقىپ، دىرىلدەپ تۇرعان بيشارا قىزعا وشىگە...
-
ءبىر اۋىلدا جاسى توقساننان اسقان ءبىر قاريا بولىپتى. اۋىل ادامدارى بۇل قاريانى ءقادىر تۇتىپ، ۇنەمى الدىنا بارىپ امان- سالەم جاساپ، اماندىق سۇراپ تۇرادى ەكەن.
