InfoHub Logo

تۇركىستان وبلىسى ادامي الەۋەتتى دامىتۋ باسقارماسى
ع. مۇراتبايەۆ اتىنداعى جەتىساي گۋمانيتارلىق-تەحنيكالىق كوللەدجىنىڭ
مۋزىكا ءپانىنىڭ وقىتۋشىسى ءابساماتوۆ نۇرلىبەك ءابىلدا ۇلى

ۇلى ابايدىڭ «ءاننىڭ دە ەستىسى بار ەسەرى بار» دەيتىن دانا ءسوزى بار. اۋەننىڭ يىرىمىنە تۇسكەن تولقىن قۇلاقتان كىرىپ بويىڭىزعا تاراعان كەزدە ءتۇرلى اسەردە بولاسىز. دەگەنمەن ءار مۋزىكانىڭ ادامعا ءارتۇرلى اسەر ەتەتىنىن ەسكەرۋ كەرەك. سەبەبى مۋزىكانىڭ ءبارى ءبىر جانرعا نەگىزدەلمەيدى. ولاردىڭ: حيپ-حوپ، دجاز، ليريكالىق، روك، روك-ن-رولل سىندى كوپتەگەن جانرى بار. ءار جانردىڭ تولقىنى ءتۇرلى بولادى. 

ادام قانداي جانردا مۋزىكا تىڭداسا دا ەڭ باستىسى اۋەنگە دەگەن ماحابباتى ماگنيتشە ۇستاپ تۇرادى. بۇل – بارلىق ادام بالاسىنا ءتان قاسيەت. ال بۇل قاسيەتتىڭ ادام بالاسىنا اسەر ەتۋ كۇشى قانداي، نەگە وزىمىزگە ۇنايتىن مۋزىكانى تىڭداي بەرگىمىز كەلەدى، جاۋاپ ىزدەپ كورسەك. 

مۋزىكا – ادام جانىنىڭ كىلتى

ادام مۋزىكا تىڭداۋ ارقىلى ىشكى جان دۇنيەسىن سىرتقا شىعارادى. مۇڭايعان ساتتە قۋانۋ ءۇشىن ەڭ جاقسى كورەتىن مۋزىكاڭىزدى تىڭداۋ جەتكىلىكتى بولۋى دا مۇمكىن. ءتىپتى سوزبەن جەتكىزە الماي تۇرعان سەزىمىڭىزدى ءسىز تىڭداپ وتىرعان اۋەن جەتكىزە الادى. جان دۇنيەنىڭ نازىك قىلدارى اۋەنمەن بىرگە تولقيدى. بۇل – جاننىڭ تىنىشتىعى. ىشكى الەمنىڭ سىرىن اقتارۋعا اسىرەسە ليريكالىق جانرداعى سازدى اۋەندەر اسەر ەتەدى.

مۋزىكا – دارىگەر

مۋزىكا جانىڭىزدىڭ تىنىشتىعىن ساقتاپ قانا قويمايدى. ءسىزدىڭ ىشكى ەموسياڭىزبەن كۇرەسۋگە كومەكتەسەدى. جەلپىنىپ تۇرعان، سابىرسىز مىنەزىڭىزگە اۋەن اسەر ەتكەن بولسا، ءسىز سابىرلىققا ۇيرەنەسىز. ال ول ءۇشىن ارنايى كەستە جاساۋدىڭ قاجەتى جوق. سىزگە اسەر ەتكەن اۋەندى تىڭداڭىز. مۋزىكا – دارىگەر. بۇل تىركەس كەيىنگى كەزدە پايدا بولعان تىركەس ەمەس. سەبەبى ەجەلدەن بەرى ادامدار مۋزىكانى ەمگە پايدالانعان. سەنبەۋىڭىز دە مۇمكىن، ءبىراق مۋزىكا دەگەننىڭ ءبارى بارابان مەن گيتارا نەمەسە ارنايى ءبىر قۇرىلعى ەمەس. تابيعاتتىڭ دا ءوز اۋەنى بارىن ۇمىتپاڭىز. ءاربىر قۇستىڭ سايراۋى، سۋدىڭ سىلدىرى – ءبارى ادام ميىنا اسەر ەتۋ كۇشى بار تابيعي ەمدەر.

مۋزىكا – قارۋ

مۋزىكا ادام جانىنىڭ كىلتى عانا ەمەس، ول – قارۋ. قوعامدا ءتۇرلى الەۋمەتتىك جاعداي ءورىس الىپ جاتقاننان كەيىن، مۋزىكانى قارۋ رەتىندە پايدالانۋعا بولادى. ماسەلەن قىلمىسكەرلەردىڭ شىندىعىن مويىنداتۋ ءۇشىن كەي تۇرمەلەردە، جىندىحانالاردا ءبىر دىبىستى اۋەندەر قوسىلادى. ول اۋەن ادام ميىنىڭ بەلسەندى جۇمىس ىستەۋىن توقتاتادى. نە ايتىپ نە قويعانىن بىلمەيتىن دارەجەگە جەتەدى. بۇل عانا ەمەس تۇنگى كلۋبتاردا قويىلاتىن مۋزىكالاردىڭ تولقىنىنا ەرىپ كەتسەڭىز ءوزىڭىزدى تاپپاي قالاتىن دەڭگەيگە جەتەسىز. كەيبىر اندەردىڭ اۋەندەرى عانا ەمەس سوزدەرى دە ادامعا اسەر ەتەدى. ونىڭ اسەرىنەن ادام ماڭگىلىك «تۇنەككە» ەنۋى مۇمكىن، وزىنە قول جۇمساۋى دا عاجاپ ەمەس.

ءار ريتمگە، ءار اۋەنگە سەلقوس قاراماڭىز. سەبەبى ادام ميى مەن جۇرەگى سەزىمتال جانە سىرتتان كەلەتىن كەز كەلگەن دۇنيەنى قابىلداۋدا بەلسەندى. ءبارىن وزىڭىزگە جاقىن تارتا بەرسەڭىز اۋرىپ قالۋىڭىز دا مۇمكىن. مۋزىكانى دا تالعاممەن تىڭداي ءبىلىڭىز. 

---