InfoHub Logo

مۋزىكا- جۇرەك ءتىلى مۋزىكا ادام جانىن تەبىرەنتەتىن، ەرەكشە كۇي كەشتىرەتىن، كوڭىل-كۇي سىيلايتىن وزگە الەم. ول تاپ ءبىر ءجاننات سەكىلدى. وتە ادەمى ءارى اۋەزدى. ول الەمگە بارعاندا سەن مول باقىتقا كەنەلەسىڭ، ءومىردى باسقالاي سەزىنەسىڭ، دۇنيەنى باسقا قىرىنان تانيسىڭ . بۇل وقيعادان سەن ەرەكشە اسەر الاسىڭ. ادەتتە مۋزىكانى كوڭىلدىڭ كىلتى دەپ اتايدى. سەبەبى، مۋزىكا تىڭداعان ادامنىڭ كوڭىلى لەزدە كوتەرىلىپ، ءوزىن سابىرعا شاقىرا باستايدى. مۋزىكانىڭ ەرەكشەلىگى سونداي، ول كەز-كەلگەن ادامنىڭ جان-دۇنيەسىن، ىشكى سۇلۋلىعىن، جۇرەگىن سەزىنۋگە كومەكتەسەدى. ول ارقىلى ءبىز ادامنىڭ جۇرەگىندەگى جىلۋلىقتى، مەيىرىمدىلىكتى سەزىنە الامىز. مۋزىكا- وسى الەمدەگى ەڭ قۇدىرەتتى، قاسيەتتى ۇعىم. ءبىز ونى قۇدىرەتتەۋ ارقىلى بويىمىزعا جاقسى قاسيەتتەردى سىڭىرە الامىز. ءبىز مۋزىكانى ورىنداۋشى ارقىلى سەزىنەمىز. ورىنداۋشىنىڭ شەبەرلىگى ونىڭ تابيعيلىعى ارقىلى مۋزىكا اۋەزدەلە بەرەدى. سولاي ول تىڭداۋشىلاردىڭ جۇرەگىنە جول تابادى. ال ءقازىر سول كورەرمەننىڭ ۇناتاتىن انشىلەرى مايرا ءىلياسوۆا، بيبىگۇل تولەگەنوۆا، ماقپال ءجۇنىسوۆا. ولار مۋزىكانىڭ قاسيەتتىلىگىن، كيەلىلىگىن بىلەتىن جاندار. ساحنانىڭ جايناعان گۇلدەرى دەسەك تە بولادى. مىنە، مۋزىكانى سولاي باعالاپ، قاستەرلەۋ قاجەت. وتكەن عاسىر انشىلەرى مۋزىكانىڭ قاسيەتتىلىگىن ءبىلدى. ال قازىرگى زامان شە؟ ءقازىر وتكەن عاسىرداعىداي ماعىنالى، كەربەز اندەر بار ما؟ ارينە جوق. سەبەبى، ءقازىر زامان وزگەردى. زامان وزگەرگەن سوڭ، مۋزىكا باعىتى دا وزگەردى. ءقازىر قازاقستاننىڭ وزىندە ەكى ادامنىڭ بىرەۋى ءانشى. ونىڭ داۋىسى بار ما، ءاندى ناقىشىنا كەلتىرىپ ورىنداي الا ما وعان ەشكىم ءمان بەرىپ جاتقان جوق. تەك ونىڭ اقشاسى بولۋى كەرەك، ءاننىڭ ماعىناسى بار م، جوق پا وعان نازار اۋدارىپ جاتقان ەشكىم جوق. بۇگىن ءانشى، ەرتەڭ پروديۋسەر، بۇرسىگۇنى اكتەر بولىپ كەتەتىنى دە بار. ال مەن وعان قارسىمىن. مۋزىكانىڭ اسەمدىگى، اۋەزدىلىگى جويىلىپ كەتىپ جاتىر. ماعىناسىز اندەردەن جاس ۇرپاقتىڭ، اسىرەسە ءبىز سياقتى بالالاردىڭ ويى تومەندەپ جاتىر. سولارعا ەلىكتەپ ءوسىپ كەلە جاتىرمىز. بۇل دەگەن مۇلدە دۇرىس ەمەس. مۋزىكا اتتى ەرەكشە الەمدى كىرلەتىپ جاتقان انشىلەردى شوۋ-بيزنەستەن قۋۋ كەرەك. ولاردىڭ ورنىنا ءداستۇرلى اندەر ورىندايتىن انشىلەردى قاستەرلەپ، مەملەكەتتەن اقشا ءبولىپ، سولاردىڭ دامۋىنا ۇلەس قوسۋىمىز كەرەك. سوندا عانا ەجەلگى مۋزىكا قالپىنا كەلىپ، ەلىمىزدىڭ دۇرىس قالىپتاسۋىنا اسەر ەتەدى. نەگىزىنەن، ءبىز بۇل جامان قىلىقتىڭ ءبارىن شەتەلدىكتەردەن ۇيرەنىپ كەلە جاتىرمىز. ولار نە ىستەسە ءبىز سونى ىستەيمىز. ولار شاشىن بوياسا، بىزدە بوياپ الامىز. سىرعا تاقسا، بىزدە تاعىپ الامىز. –ءبىز ەمەس شەتەل بىزگە ەلىكتەيتىندەي حالىق بولۋىمىز كەرەك. مۋزىكا قازاق حالقىنىڭ ەجەلدەن كەلە جاتقان سالت- ءداستۇرى، ادەت- عۇرپى. ەگەر ونى دارىپتەمەيتىن بولساق، ءبىز قازاق ەمەسپىز. قازاق حالقى مۋزىكاعا ، ونەرگە وتە جاقىن حالىق بولعان. سول سەبەپتى، ءبىز مۋزىكانى قۇرمەتتەپ، ونى كيەلى ساناۋىمىز كەرەك. ءبىراق، وكىنىشكە وراي، ءبىز ءبارىن كەرىسىنشە ىستەيمىز. مۋزىكا مەن ءۇشىن باعاسى زور نارسە. مەن وسكەندە وسى مۋزىكا الەمىنە ءوزىمنىڭ ەڭبەگىمدى سىڭىرگىم كەلەدى. ەگەر سول ارمانىم ەلىمە دە پايداسىن تيگىزسە، مەن وتە قاتتى قۋاناتىن ەدىم. بۇل مەن ءۇشىن ۇلكەن جەتىستىك بولاتىن ەدى. مۋزىكانى مەن ادامعا تەڭەيمىن. ونىڭ دا ىشكى جان-دۇنيەسى، ىشكى سۇلۋلىعى، جۇرەگى، سەزىمتالدىعى بار. ونىڭ مۇڭلى، قۋانىشتى قالىپتارى بار. كوزدەن جاس اعىزىپ، قۋانتاتىن دا ساتتەرى بار. ول مۋزىكانىڭ تابيعاتىنا قاراي بولاتىن قۇبىلىس. نەگىزىنەن، مۋزىكا سابىرلىلىقتى، كوپ ەڭبەكتى قاجەت ەتەتىن عىلىم. ول جولدا بىردەن جەتىستىككە جەتۋ مۇمكىن ەمەس. ول ءۇشىن ارنايى كۋرستارعا بارىپ، كوپ دايىندالۋ قاجەت. ەڭ باستىسى، مۋزىكانى ءوز ەركىڭمەن قالاپ، ونى جۇرەگىڭمەن سەزىنە ءبىلۋ. مۋزىكا تىڭداعاندا دا باستى قاعيدا وسى. سەن ونى ەستۋ ارقىلى بويىڭدى سەرگىتىپ، بارلىعىن ۇمىتىپ، ءوزىڭدى جونگە كەلتىرە الاسىڭ. نەگىزىنەن، مۋزىكا بارلىق جەردە كەزدەسەدى. ءتۇرلى مەرەكە، مەيرامدار مۋزىكاسىز وتپەيتىنى انىق. اسىرەسە، توي-تومالاق، ويىن-ساۋىق مۋزىكاسىز وتپەيدى. سول ساتتەردە ۇلكەن كىسىلەردىڭ ءوزى كىشكەنتاي بالالار سەكىلدى كوڭىل كوتەرەدى. ءومىردىڭ بارلىق قيىندىقتارىن، مازالاعان ويلاردان ءبىر ءسات ارىلىپ، شالقىپ-تاسىعاننان ارتىق باقىت بار ما؟ ول ارقىلى سەن ميىڭدى جاتتىقتىرىپ ۇلكەن ءبىر سەرپىلىس جاسايسىڭ. مۋزىكا- قۇپياعا تولى عىلىم. مۋزىكانىڭ اشىلماعان سىرلارى وتە كوپ. قايدان باستاۋ الىپ، قالاي دامىپ، قالاي وركەندەپ، قالاي اياقتالاتىنىن دا ەشكىم بىلمەيدى. الايدا، ءان ونەرى ەلىمىزدىڭ سارقىلماس قازىناسى. ونى سەزىنە ءبىلۋ ءار ادامنىڭ ءوز قاسيەتتەرىنە بايلانىستى. ونىڭ قيىن دا، قىزىق وقيعالارىن، اسەرلى دە، سابىرلى ساتتەرىن، ءبارىن، ءبارىن سەزىنۋ سەنىڭ بويىڭداعى اسىل قاسيەتتەرگە بايلانىستى. ال جاقسى قاسيەتتەر سەنىڭ جۇرەگىڭنەن شىعادى. ءاربىر ادام مۋزىكانى ءارقالاي سەزىنەدى. بىرەۋى اقىلىمەن سەزىنسە، ەندى بىرەۋى ونى جانىمەن سەزىنەدى. ءبىراق، ەڭ باستىسى مۋزىكا جۇرەكتەن شىعىپ، جۇرەككە جەتۋى كەرەك. سەبەبى، مۋزىكاسىز ءومىردىڭ ءمانى جوق. مۋزىكاسىز ءومىر سۇرەڭسىز ءارى قىزىقسىز بولىپ كەتەدى. سوندىقتان دا مەن ءوز ءومىرىمدى مۋزىكاعا ارناعىم كەلەدى. وسكەندە بيبىگۇل تولەگەنوۆا، روزا باعلانوۆا اپالارىمىز سەكىلدى بۇلبۇل داۋىستى ءانشى بولىپ، قازاقستاندى الەمگە تانىتسام، ەلىمىزدى دامىعان وتىز ەلدىڭ قاتارىنا قوسۋعا كىشكەنتاي بولسىن ۇلەسىمدى قوسا السام، مەنىڭ ارمانىم جوق بولار ەدى. مۋزىكانى دامىتۋ ءبىزدىڭ مىنا جاس ۇرپاقتىڭ قولىندا. ءبىز ول مۇمكىندىكتى ماعىناسىز اندەرگە ەمەس، قازاقي، حالىق اندەرى جولىندا جۇمساۋمىز قاجەت. سوندا عانا قازاق ەلى اياققا تۇرىپ، بەرىك ءارى بەرەكەلى مەملەكەتكە اينالاتىن ەدى. مۋزىكا بۇل مەنىڭ ءومىرىمنىڭ ءمانى. مەن ونى اجىراماس تىرەگىمە، ارقا سۇيەرىمە اينالدىرعىم كەلەدى. ال ءقازىر مەن مۋزىكانى بار جۇرەگىممەن سەزىنۋگە تالپىنىپ ءجۇرمىن. ەگەر سەن ونى جۇرەگىڭمەن تىڭداساڭ، بارلىعىن سەزىنە الاسىڭ. «و، مۋزا، مۋزا» دەپ جىرلاعان مۇقاعالي دا مۋزىكانىڭ كيەلىلىگىن بىلگەن. ول ءانشى بولماسا دا اقىن بولىپ مۋزىكاعا ءوز ونەرىن قوستى. مۋزىكا ءار ادامعا تالانت، شابىت سىيلايدى.ءيا، ءقازىر دارىندى انشىلەر بار. الايدا، جاقسى توپتار وتە از. ءتىپتى ەكەۋ دەسەك تە بولادى. ولار نۇر مۇقاسان جانە دوس مۇقاسان توپتارى. ولاردىڭ اندەرى وتە ماعىنالى ءارى اۋەزدى. ءبىراق ول توپتاردى حالىق Ninety one اتتى توپپەن الماستىردى. ولار حالىقتىڭ بۇزىلۋىنا اسەر ەتتى. ادەمى مۋزىكانىڭ بۇزىلۋىنا اسەر ەتتى. ارينە بۇل وتە جامان. سوندىقتان، ءبىز تۇزەلۋىمىز قاجەت. جۇرەكپەن سەزىنەتىن مۋزىكا قايدا؟ قايدا؟ ءبىز ءارقاشان مۋزىكانى جۇرەكپەن سەزىنۋىمىز كەرەك. سەبەبى، قانداي زامان، قانداي عاسىر بولماسىن مۋزىكا-جۇرەك ءتىلى!

---