InfoHub Logo

ءوز-وزىڭدى دامىتاتىن كوپتەگەن كىتاپ بىزگە ساتسىزدىكتى تىعىرىققا تىرەلۋ مەن كوز جاسىڭدى توگۋ دەپ ەمەس، تاعدىردىڭ سىيى جانە تابىسقا ءبىر قادام جاقىنداۋ دەپ قابىلداۋ كەرەك دەيدى. ءدال سولاي، ءبىراق تاعدىردىڭ سوققىسىن تابىسقا جەتەلەۋ دەپ قابىلداۋ قيىنعا سوعادى. سوندىقتان ءىس جۇزىندە بۇل قاعيدا قالاي جۇمىس ىستەيتىنىن كورەيىك، جانە دە ءوز ساتسىزدىكتەرىنەن ساباق الا بىلگەن تانىمال تۇلعالاردىڭ، ميللياردەرلەردىڭ ومىرىنەن ۇزىندىلەر كەلتىرەيىك.

Nick Woodman (نيك ۆۋدمان)

بەينەكامەرالار مەن ەكسترەمالدى سپورت تۇرلەرىنە قاجەتتى كەرەك-جاراقتاردى شىعاراتىن GoPro كومپانياسىنىڭ نەگىزىن قالاۋشى. قازىرگى تاڭدا ونىڭ جاعدايى $1،750،000،000-گە تەڭ.

ساتسىزدىكتەرى: باستاپقىدا ول EmpowerAll.com – ەلەكتروندى ساۋدا-ساتتىق سايتىن قۇراستىرادى. سايت ارزان ەلەكترونيكا ساتۋمەن اينالىساتىن بولادى. كومپانيا ەشقانداي تابىس تاپپايدى، سوندىقتان تەز جابىلىپ قالادى. بۇل بولاشاق ميللياردەردى توقتاتقان جوق، وسىلايشا 1999 جىلى FunBug – ينتەرنەت-ماركەتينگىنىڭ كومپانياسىن قۇرادى.

كومپانيانىڭ سايتىندا قولدانۋشىلار توتاليزاتورعا قاتىسقاندارى ءۇشىن اقشالاي سىيلىق ۇتىپ الۋ مۇمكىندىگىنە يە بولادى. ول ءتىپتى ءتۇرلى ينۆەستورلاردى تارتىپ، $3،9 ميلليون قارجى تابادى. كومپانيا جاقسى دامىپ كەلە جاتقانداي بولعانىمەن، 2001 جىلى نيك تاعى دا ساتسىزدىككە ۇرىنعانىن تۇسىنەدى. ول كومپانياسىنىڭ دۇرىس جۇمىس ىستەۋىن رەتتەي المايدى، سول سەبەپتى قۇيعان اقشاسى مەن ينۆەستورلاردىڭ اقشاسىن دا جوعالتىپ الادى.

العان ساباعى: ەكىنشى كومپانياسىن جوعالتىپ العاننان كەيىن، نيك ءبارىن تاستاپ سەرفينگپەن اينالىسادى. ءدال سول كەزدە وعان ەكسترەمالدى سپورت تۇرلەرىنە پايدالانىلاتىن كامەرا جاساۋ يدەياسى كەلەدى. وسىلايشا GoPro كومپانياسى قۇرىلادى. "GoPro دا Funbug-تىڭ تاعدىرىن قايتالاي ما دەپ قورىقتىم، سوندىقتان تاپجىلماي جۇمىس ىستەۋگە كىرىستىم. الدىڭعى ساتسىزدىكتەرىمنەن العان ساباعىم وسى بولدى. جەڭىپ شىعۋدان باسقا مەنىڭ امالىم بولمادى."

 

Bill Gates (بيلل گەيتس)

Microsoft كومپانياسىنىڭ نەگىزىن قالاۋشى جانە قازىرگى تاڭداعى ەڭ ەلەۋلى قايىرىمدىلىق قورلارىنىڭ يەسى. الەمدەگى ەڭ باي ادام، قازىرگى جاعدايى $72،700،000،000-قا تەڭ.

ساتسىزدىكتەرى: ونىڭ تۇڭعىش كومپانياسى Traf-O-Data دەپ اتالدى جانە ونىڭ باستى ماقساتى قارقىندى قوزعالىستى تانيتىن جول جيەگىندەگى ەسەپتەگىشتىڭ ماعلۇماتتارىن وقىپ، جول قىزمەتكەرلەرىنە ەسەپ بەرۋ بولىپ وتىرعان. وسىلايشا، ولار كولىك تىعىنىن بولدىرماۋدى قامتاماسىز ەتپەك بولعان.

ولاردىڭ تۇڭعىش قۇرىلعىلارى Traf-O-Data 8008 دەپ اتالاتىن، ول جولدا كەتىپ بارا جاتقان كولىكتەردى تانىپ، الىنعان مالىمەتتەردى وڭدەيتىن بولعان. فيرما باستاپقىدا ءوز قىزمەتتەرىن جەرگىلىكتى اكىمشىلىككە ساتپاق بولادى، ءبىراق العاشقى پرەزەنتاسيالارىن دۇرىس ورىنداي الماي قالادى، ويتكەنى قۇرىلعى دۇرىس جۇمىس جاسامايدى.

العان ساباعى: سەرىكتەسى پولل اللەن، ءبىرىنشى جوبالارىن بىلاي دەپ ەسكە الادى: Traf-O-Data ءساتتى جوبا بولماسا دا، بۇل ەكى جىلدان كەيىن Microsoft-تى قۇرۋعا دايىندىق بولدى.

ولاردىڭ جانە ءبىزدىڭ قۋانىشىمىزعا وراي ولار ءوز ىستەرىن تاستاپ كەتپەدى، كەرىسىنشە ساتسىزدىكتەن ساباق الا ءبىلدى. ولار تابىسقا جەتەتىندەرىنە كامىل سەندى، وسىلايشا Microsoft الەمدەگى دەربەس كومپيۋتەرلەرگە باعدارلامالىق جاساقتاما شىعاراتىن ءىرى كاسىپورىنعا اينالدى. 

 

James Dyson (دجەيمس دايسون)

تانىمال اعىلشىن ونەرتاپقىشى جانە يندۋستريالىق ديزاينەر، Dyson كومپانياسىنىڭ نەگىزىن قالاۋشى. ول «تەڭىز جۇك كولىگى» دەپ اتالاتىن ارنايى كەمەنىڭ، G-Force سيكلوندىق شاڭسورعىشىنىڭ، ساندىق باسقارۋ ەلەكتر قوزعالتقىشى، قول كەپتىرگىش جانە ت.ب. ونەرتابىستاردىڭ اۆتورى. قازىرگى تاڭدا ونىڭ جاعدايى $3،000،000،000-گە تەڭ.

ساتسىزدىكتەرى: كوپتەگەن ادام ونەرتاپقىشتار ويلاپ تابۋعا قابىلەتتى ەرەكشە گەنمەن، ايرىقشا دارىنمەن تۋىلادى دەپ ويلايدى. ءبىراق شىن مانىندە ولاي ەمەس. ونەرتاپقىش بولۋ كوپ ەڭبەكتى قاجەت ەتەدى.

مىسالى شاڭسورعىشتى جاساۋدا سەر دجەيمس دايسون سوعان ۇقساس 5127 ۇلگىسىن جاساعان. بۇل ونىڭ ءساتسىز ۇلگىلەرى بولۋى مۇمكىن ەدى. ول شاڭسورعىشتىڭ وزىق ۇلگىسىن 1993 جىلى نارىققا شىعارماس بۇرىن 15 جىل بويى زەرتحاناسىندا ەڭبەك ەتكەن. ول سول كەزەڭدى بىلاي ەسكە الادى: ونەرتاپقىش ءوز يدەياسىنان باس تارتۋىنا كوپتەگەن سەبەپ تابىلادى. 15ء-شى ۇلگىمدى جاساپ جاتقان ۋاقىتتا ءۇشىنشى بالام دۇنيەگە كەلىپ جاتقان. 2627-شىسىنە كەلگەنىمدە ايەلىم ەكەۋمىز ءار پەنستى (تيىندى) ساناۋعا ءماجبۇر بولدىق. 3727ء-شى ۇلگىنى جاساپ جاتقانىمدا، قوسىمشا اقشا تابۋ ءۇشىن ايەلىم سۋرەتتەن ساباق بەرە باستادى. بۇل وتە قيىن كەزەڭدەر بولدى، ءبىراق ءاربىر ساتسىزدىك مەنى ماسەلەنىڭ شەشىلۋىنە اكەلە جاتتى.

العان ساباقتارى: ادەتتە ونەرتاپقىشتان اسقان بەيباق بولمايدى. جانە ادامزاتقا قاجەتتى زات شىعارۋ ءۇشىن بۇل ولاردىڭ جالعىز جولى بولىپ تابىلادى. ولار مۇنى جاقسى تۇسىنۋلەرى كەرەك. بۇل جاعدايعا قاتىستى توماس ەديسون بىلاي دەگەن ەكەن: “مەنىڭ ساتسىزدىكتەرىم بولمادى. مەن جاي عانا جۇمىس ىستەمەيتىن 10000 ءتاسىلدى تاپتىم”. سەر دجەيمس دايسون بۇل شىندىقتى جاقسى تۇسىنگەن سياقتى. 

 

Steve Jobs (ستيۆ دجوبس)

ءبىز ستيۆ دجوبستى كاسىپكەرلىكتىڭ شەبەرى، قازىرگى تاڭدا ەڭ كوپ ساتىلاتىن جانە سۇرانىسقا يە iPod، iPad، iPhone جانە MacBook سياقتى ونىمدەردى قۇراستىرعان دانىشپان دەپ بىلەمىز. ول قازىرگى زامان بيزنەسىندەگى ءىرى تۇلعا جانە كەيبىر ادامدار ونى تەحنو-داۋىردىڭ لەوناردو دا ءۆينچيى دەپ تە اتايدى. ونىڭ بارلىق تابىسى $10،200،000،000-دى قۇرايدى.

ساتسىزدىكتەر: كوپ ادام Apple كومپانياسىن ونى شىڭعا شىعارعان ونىمدەرىمەن عانا بىلەدى. ءبىراق بۇل فيرمانىڭ ورتاڭ قول، وعاش نەمەسە شىن مانىندە ءساتسىز جوبالارى دا بولعان. Lisa، Macintosh Portable، MessagePad، PowerBook Duo، Pippin – بۇل اتاۋلاردى ەستىگەنسىز بە؟ مۇنىڭ بارلىعى كومپانيانىڭ اسا ءساتسىز جوبالارى، بۇل ونىمدەر ءبىر كەزدەرى كومپانيانى تۇڭعيىققا باتىرىپ جىبەرۋگە شاق قالعان. ناتيجەسىندە دجوبستىڭ بيوگرافياسىنان ايان دەرەك ورىن الادى. دجوبس ءوزى باسقارعان كومپانيادان جۇمىستان بوساتىلادى.

العان ساباقتارى: ءدال وسى ساتسىزدىكتەن كەيىن دجوبس وعان جانە كومپانياسىنا تابىس اكەلەتىن قۇرىلعىنا جاساۋعا بەل بۋادى. ونىڭ “Walt Disney، Hewlett Packard نەمەسە Intel كومپانيالارى سياقتى باسقالاردان ءبىر نەمەسە ەكى بۋىنعا الدا جۇرەتىن كومپانيا قۇرۋ ” ارمانى ىسكە اسادى. 

 

Richard Branson (ريچارد برەنسون)

ريچارد برەنسون ساتسىزدىككە كوپ ۇرىنعان ادام. ءبىراق بۇل وعان الەمگە تانىمال برەندتى جاساۋعا كەدەرگى كەلتىرگەن جوق. Virgin اتاۋى بيزنەستەگى تابىسى ارقىلى عانا ەمەس، ريچاردىڭ ەرەكشە ويلاۋ قابىلەتى مەن شىتىرماندارى ارقىلى تانىمال بولدى. ريچاردتىڭ جالپى تابىسى $4،600،000،000-دى قۇرايدى.

ساتسىزدىكتەرى: ەگەر برەنسوندى جاس كەزىندە كورسەڭىز، ونىڭ تابىسقا جەتەتىنىنە مۇلدە سەنبەس ەدىڭىز. ول ساباقتى ناشار وقىعان، ماتەماتيكادان وتە ناشار بولعان، وسىلايشا 16 جاسىندا مەكتەپتى تاستاپ كەتەدى. بولاشاق ميللياردەرگە جاراسپايتىن قاسيەتتەر ەكەنى راس.

ونىڭ بيزنەس باستاۋداعى العاشقى قادامى – 16 جاسىندا ستۋدەنتتىك جۋرنال شىعارۋ بولاتىن. ءبىراق قۇقىق قورعاۋ ورگاندارىمەن ماسەلە تۋىندايدى. ول جۋرنالعا ۆەنەرولوگيالىق اۋرۋلاردى ەمدەيتىن دارىلەردى جارنامالاعانى ءۇشىن تۇرمەگە قامالا جازدايدى.

ءبىراق ريچارد مۇنىمەن توقتاپ قالمايدى. 1971 جىلى برەنسونعا Virgin دۇكەندەرىندە ەكسپورتتىق تاۋالار رەتىندە ماعلۇمدالعان جازبالاردى ساتتى دەگەن ايىپ تاعىلىپ، تۇرمەگە قامالادى. ول اعىلشىن كەدەن جانە اكسيزدىك باسقارمامەن تولەنبەگەن باج سالىعى مەن وتەماقىلاردى تولەيمىن دەگەن كەلىسىممەن سوت ءىسىن رەتتەيدى. برەنسوننىڭ اناسى وندىرىلەتىن سومانى تولەۋگە كومەكتەسۋ ءۇشىن وتباسىلىق ءۇيىن كەپىلدىككە قويادى. 
العان ساباقتارى: قايتپاس قايسار جانكەشتىگە ءومىر ءوزى قاتال ساباق بەردى. «مەن بۇدان بىلاي تۇرمەگە جاپقىزاتىن نەمەسە كۇماندى كورىنەتىن بيزنەسپەن اينالىسپايمىن دەپ وزىمە سەرت بەردىم» - دەيدى برەنسون.

 

قورىتىندى

شىندىعى سول، الەمنىڭ ەڭ باي ادامدارىنىڭ تىزىمىندە كورىنۋ ءۇشىن ارا-تۇرا تاۋەكەلگە بارىپ تۇرۋ كەرەك. ال تاۋەكەلگە بارۋ ءاردايىم ساتسىزدىكپەن كورشىلەس جۇرەدى. بۇل ميللياردەرلەرگە قاراپ: “بۇل جاي عانا جولى بولعىشتىق. ولارعا كومەكتەستى. اتا-اناسى نەمەسە سيقىرلى كۇش قولدادى” - دەي سالۋ وڭاي.

ءبىراق شىندىعىندا، الەمدەگى 100 ميللياردەردىڭ ىشىندەگى 73ء-ى ءوز كۇشتەرىمەن بايىعاندار. مۇندا ەشقانداي تىلسىم كۇشتىڭ نەمەسە سيقىرلى ءسوزدىڭ رەتى جوق. ولار جاي عانا وزگەلەردەن كوپ جۇمىس ىستەگەن. ولار وزگەلەردىڭ ارمانى بولىپ جۇرگەندى ىسكە اسىردى. جانە ولار ءار سوققىعا توقتاپ قالعان جوق، كەرىسىنشە العا ۇمتىلدى. ولار ساتسىزدىكتەرىن ساباق الىپ، تابىسقا اينالدىردى. 

---