مينيستر لاتىن گرافيكاسىن ەنگىزۋ مەن 12 جىلدىققا كوشۋ تۋرالى ايتتى
وقۋلىقتاردى ىرىكتەۋ راسىمىنە قويىلاتىن تالاپتار قاتاڭداتىلدى. بۇل تۋرالى ءبىلىم جانە عىلىم مينيسترلىگىنىڭ القا ماجىلىسىندە ۆەدومستۆو باسشىسى اسحات ايماعامبەتوۆ ءمالىم ەتتى.
«ورتا ءبىلىمدى دامىتۋ ءۇشىن لاتىن گرافيكاسىن ەنگىزە وتىرىپ، 2023 جىلدان باستان 12 جىلدىق وقىتۋعا كەزەڭ-كەزەڭمەن كوشۋ كوزدەلىپ وتىر. ول ءۇشىن ءبىز وتە اۋقىمدى جۇمىس اتقارۋىمىز كەرەك. مەملەكەتتىك جالپىعا مىندەتتى ءبىلىم بەرۋ ستاندارتى، ۇلگىلىك وقۋ باعدارلامالارى جاڭارتىلاتىن بولادى»، - دەدى ا. ايماعامبەتوۆ.
ونىڭ ايتۋىنشا مەملەكەت باسشىسىنىڭ تاپسىرماسى بويىنشا ماتەماتيكا، تىلدەر جانە ينفورماتيكا سياقتى باسىم پاندەرگە ەرەكشە نازار اۋدارىلادى.
«قازاقستان تاريحى» مەن «ءدۇنيجۇزى تاريحى» ءبىرىڭعاي وقۋلىقتار ازىرلەنەتىن بولادى. وقۋلىقتار ساپاسى قوعام تاراپىنان ايتىلۋ سىنعا تاپ بولدى. وقۋلىقتاردى ساراپتاۋ جانە ىرىكتەۋ راسىمىنە ساراپشىلاردىڭ بىلىكتىلىك دەڭگەيىنە قويىلاتىن تالاپتار قاتاڭداتىلدى. وقۋلىقتاردى ساپالى ازىرلەۋ ءۇشىن وقۋلىقتاردىڭ قۇرىلىمى مەن مازمۇنىنا قويىلاتىن ءبىرىڭعاي تالاپتاردى بەكىتەمىز، ءتيىستى زاڭناماعا قاجەتتى وزگەرىستەر ەنگىزىلدى»، - دەدى مينيستر.
بۇدان بۇرىن حابارلانعانداي، ۆەدومستۆو باسشىسى بالالاردىڭ قاۋىپسىزدىگىن قامتاماسىز ەتۋ ماقساتىندا بارلىق وڭىردە مەكتەپتەردى بەينەباقىلاۋ جۇيەسىمەن 100 پايىز، جىلى اجەتحانالارمەن 99 پايىز قامتاماسىز ەتىلگەنىن ايتتى.
You Might Also Like
-
پەداگوگ ماماندىعىن تاڭداعان «التىن بەلگى» يەگەرلەرى ەكى ەسەگە جۋىق ۇلعايدى. بۇل تۋرالى ءبىلىم جانە عىلىم مينيسترلىگىنىڭ القا ماجىلىسىندە ۆەدومستۆو باسشىسى اسحات ايماعامبەتوۆ ايتتى.
-
ءعابيتتى جاڭبىرشى اۋىلىنا جىبەردى.سەبەبى، كولحوز قۇرامىنا كىرمەگەن اۋىلدىڭ جاعدايىن انىقتاۋ.ءبىراق، جەرلەرى شۇرايلى، مىنەزدەرى تۇسىنىكسىز.ەڭ ارىق مالداردى وسى اۋىل جيناپ العانداي.وسىنشا باي جەردىڭ يە...
