ەلىمىزدە پەداگوگتاردىڭ قۇقىن قورعايتىن كەڭەستەر اشىلۋدا
ءبىلىم جانە عىلىم ءمينيسترى اسحات ايماعامبەتوۆ بارلىق وبلىستا پەداگوگتاردىڭ قۇقىعىن قورعاۋ جونىندەگى كەڭەستەر اشىلىپ جاتقانىن ايتتى.
«2020 جىلى ءبىلىم بەرۋ سالاسىندا جانە ونىڭ بارلىق دەڭگەيىندە ساپالى وزگەرىستەر بولدى. دەسەك تە، جەتىستىكتەر دە، كەمشىلىكتەرى دە بار. بىرىنشىدەن، «پەداگوگ مارتەبەسى تۋرالى» زاڭىنىڭ اياسىندا پەداگوگتاردىڭ ەڭبەك جاعدايلارى جاقسارتىلىپ كەلەدى. پەداگوگتاردى ءتان ەمەس قىزمەتتەرگە ءارى كوزدەلمەگەن ەسەپتەرگە تارتۋدان بوساتۋ شارالارى قابىلداندى. سونىمەن قاتار، بارلىق وبلىستا پەداگوگتارىڭ قۇقىقتارىن قورعاۋ جونىندەگى كەڭەستەر اشىلا باستادى. بيىل بۇل جۇمىستى سوڭىنا دەيىن جەتكىزەمىز»، - دەدى ا. ايماعامبەتوۆ ءبىلىم مينيسترلىگىنىڭ القا ماجىلىسىندە.
ونىڭ ايتۋىنشا، مەملەكەت باسشىسىنىڭ بەرگەن تاپسىرماسى اياسىندا 2024 جىلعا قاراي پەداگوگتاردىڭ جالاقىسى 2 ەسە ارتادى.
«وسى قادامدار مەكتەپتەردى كادرلارمەن تولىق قامتۋعا ەتۋگە مۇمكىندىك بەرەدى. تاعى ءبىر ماڭىزدى ماسەلە - پەداگوگتاردى جۇمىسقا قابىلداۋ ەندى كونكۋرس ارقىلى ناقتى بىلىكتىلىك كورسەتكىشتەرىنە سايكەس جۇرگىزىلەدى جانە دە ونى ەلەكتروندى فورماتقا كوشىرەمىز. وسىعان قوسا 2021 جىلدان باستاپ پەداگوگيكالىق ماماندىق بويىنشا جۇمىسقا العاش رەت تۇرۋ ءۇشىن ۇمىتكەرلەر كاسىبي شەبەرلىگى تۇرعىسىندا سەرتيفيكاتتاۋدان وتەدى. ياعني ديپلومعا قوسا، كۆاليفيكاسيا الۋ مىندەتى ەنگىزىلەدى»، - دەدى ۆەدومستۆو باسشىسى.
بۇدان بۇرىن حابارلانعانداي، ۆەدومستۆو باسشىسى بالالاردىڭ قاۋىپسىزدىگىن قامتاماسىز ەتۋ ماقساتىندا بارلىق وڭىردە مەكتەپتەردى بەينەباقىلاۋ جۇيەسىمەن 100 پايىز، جىلى اجەتحانالارمەن 99 پايىز قامتاماسىز ەتىلگەنىن ايتتى.
You Might Also Like
-
جازدىڭ ءبىر تاماشا كۇنى ەدى. تورى توبەل اتقا مىڭگەسكەن ەكەۋ جاتاعان قىرقالاردى قيالاي اياڭداپ كەلەدى. بويلارى شاعىن بولسا دا، ات ۇستىندەگى ەكەۋدىڭ ءسوز ساپتاستارى وزدەرىنشە ءبىر جوسىن. ءبىر بىرىنە جابىس...
-
Aحمەت بايتۇرسىن ۇلىنىڭ ەسىمى بارشا وقىرمان قاۋىمعا تانىس بولعانىمەن، ونىڭ ءومىرى، اعارتۋشىلىق جولى تۋرالى كەي دەرەكتەردى بىلە بەرمەۋى مۇمكىن. ستۋدەنتتىك ۋاقىتىمىزدىڭ سوڭعى جىلىندا ۋنيۆەرسيتەت تاراپىن...
