ناسراتۋللا تابان، شەتەلدىك ستۋدەنت: قازاقستانعا العىستان وزگە ايتارىمىز جوق
— قازاقستانعا دەگەن كوزقاراسىڭىز قانداي؟ توقتالىپ وتسەڭىز...
— سالەمەتسىز بە؟! ءبىز قازاقستانعا ءبىلىم الۋ ءۇشىن ارنايى گرانتپەن اۋعانستاننان كەلدىك. قازاقستاندى ءبىز جاقسى كورەمىز. سەبەبى مۇندا ءبىز بارلىق كەرەك ماتەريالدارمەن ءبىلىم الامىز. سول ءۇشىن دە قاتتى جاقسى كورەمىز (كۇلدى).
— ناسراتۋللا جاسىڭىز نەشەدە؟
— جاسىم جيىرمادا.
— مۇنى سۇراعان سەبەبىم، بىزدە جيىرما جاستاعى ستۋدەنتتەر وسى جىلى ديپلومدارىن قولدارىنا الىپ، مامان اتانادى. الدە بۇل ءسىزدىڭ ەكىنشى ماماندىعىڭىز با؟
— ءيا، بۇل مەنىڭ ەكىنشى ماماندىعىم. ءبىرىنشى ماماندىعىم- اقپاراتتىق تەحنولوگيالار.
— اقپارتتىق تەحنولوگيالار بويىنشا ءبىلىمدى قاي ەلدەن الدىڭىز؟
— ءوز ەلىمنەن، ياعني اۋعانستاننان.
— نە سەبەپتى ءال-فارابي اتىنداعى قازۇۋ-دى تاڭدادىڭىز؟
— ونىڭ كوپ سەبەبى بار. ءال- فارابي اتىنداعى قازۇۋ ورتالىق ازيادا ۇلكەن مارتەبەگە يە. بۇل ۋنيۆەرسيتەتتى ءتامامداعان سوڭ، ءبىز اۋعانستاننان بىردەن جۇمىس تابا الامىز.
— نە سەبەپتى جۋرناليستيكانى تاڭدادىڭىز؟ سىزدەردىڭ ەلدە مامان تاپشىلىعى بار ما، الدە؟
— مەن نەگىزىندە، PR ياعني، قوعاممەن بايلانىس سالاسىندا ءبىلىم العىم كەلگەن. ال، قازاقستانعا كەلگەننەن كەيىن ۋنيۆەرستيتەت قىزمەتكەرلەرى ماعان تاعايىندالعان گرانتتىڭ تەك جالپى جۋرناليستيكاعا عانا ارنالعاندىعىن ايتتى. ءقازىر بارلىعى جاقسى.
— ۋنيۆەرسيتەتىمىزدەگى ءبىلىم بەرۋ جۇيەسىنە كوڭىلىڭىز تولادى ما؟
— ارينە، بىزدەن جوعارى. ساباق بەرەتىن ۇستازداردىڭ بارلىعى دەرلىك اعىلشىن ءتىلىن جەتىك مەڭگەرگەن. ماعان ەش قيىندىق تۋدىرمايدى.
— اۋعانستاندا جۋرناليستەر دايىندايتىن ۋنيۆەرسيتەتتەر بار ما؟
— ءيا، بار. «كابۋل» ۋنيۆەرستيتەتىندە جانە تاعى بىرنەشە ۋنيۆەرسيتەتتەردە جۋرناليستيكا فاكۋلتەتتەرى بار. الايدا، قازۇۋ ديپلومىمەن قىزمەتكە تۇرۋ وڭاي.
— وتە ءتاماشاى بۇل ۋنيۆەرسيتەتىمىزدىڭ ابىرويىن اسقاقتاتىپ وتىر عوي. قازاق ستۋدەنتتەرىمەن قارىم-قاتىناسىڭىز قالاي؟
— جاقسى، جاقسى. ولار ءبىزدى جاقسى كورەدى. «سىزدەر قوناقسىزدار»،- دەپ ءجيى ايتادى. قازاقستاندا، قازۇۋ-دا بارلىعى جاقسى. ءبىز ۋنيۆەرسيتەتتى وتباسىمىزداي كورەمىز. سەبەبى ۇستازدارىمىز، دوستارىمىز بارلىعى جاقسى.
— بولاشاققا دەگەن جوسپارىڭىز قانداي؟ وقۋدى ءتامامداعان سوڭ بىردەن اۋعانستانعا ورالاسىز با، الدە قازاقستاندىق جۋرناليستەرمەن تاجىريبە الماسۋ ويىڭىزدا بار ما؟
— بىردەن ەلگە قايتامىن، قىزمەت اتقارامىن.وتان، نامىس دەگەندەي...(كۇلدى).
— ءقازىر ءوزىڭىز ءبىلىپ الىپ جاتقان باكالاۆردى اياقتاعاننان سوڭ، ماگيستراتۋراعا تاپسىرىپ، باعىڭىزدى سىناپ كورۋ ويىڭىزدا بار ما؟
— مەندە ءقازىر جاپونيايدا ماگيستراتۋرانى تەگىن وقۋعا جوداما بار. اۋعانستان سول ەلدەن ءبىلىمىمدى جەتىلدىرۋگە مۇمكىندىك بەرىپ وتىر.
— ۋنيۆەرسيتەتتەگى توبىڭىزدا قازاق ستۋدەنتتەرى بار ما؟ ولاردىڭ ءبىلىم دەڭگەيىنە كوڭىلىڭىز تولماي قالىپ جاتاتىن كەزدەر بولمايدى ما؟
— ءبىزدىڭ توپتا اۋعان، قازاق جانە ۆەتنام ستۋدەنتتەرى ءبىلىم الىپ جاتىر. مەن بۇعان دەيىن ءبىر جوعارعى وقۋ ورنىن اياقتاپ كەلگەن بولسام، ولار مەكتەپتى ءتامامداپ كەلدى. ولار تومەن، مەن جوعارى دەپ ايتا المايمىن. تەك ولاردا اعىلشىن تىلىندە ءسال قيىندىقتار تۋىنداسا، بىزدە قازاق تىلىنەن ءدال سولاي.
— بايقاۋىمشا، اۋعانستاننان كەلگەن ستۋدەنتتەردىڭ باسىم بولىگى اعىلشىن ءتىلىن جەتىك مەڭگەرگەن، سىرى نەدە؟ حالىقتىڭ بارلىعى ءدال سىزدەر سەكىلدى ەركىن سويلەيدى مە؟
— مەكتەپتە ءبىرىنشى سىنىپتان اعىلشىن ءتىلىن وقىدىق. مەنىڭ اكەم اۋدارماشى بولعاندىقتان اعام، اپكەم بارلىعىمىز اعىلشىن تىلىندە سويلەسەمىز. اعىلشىن ءتىلى ماعان مۇلدە قيىن ەمەس.
— ال قازاق ءتىلىن قالاي مەڭگەردىڭىز؟ قيىندىقتار تۋعىزدى ما؟
— قازاقستانعا وقۋ ءۇشىن كەلگەننەن كەيىن قازاق ءتىلىن بىلۋگە مىندەتتىمىز دەپ ويلايمىن. ياعني ەلدى سىيلاپ، ءتىلىن دە قۇرمەتتەۋىمىز كەرەك.
— اۋعانستان كوپشىلىك قاۋىمعا مايداننىڭ، سوعىستىڭ وتانى بولىپ كورىنەدى. ال ەلدە قالىپ قويعان ءوزىڭىز سەكىلدى جاستاردىڭ ءبىلىم الۋعا مۇمكىندىكتەرى بار ما؟
— ءبىزدىڭ مەملەكەت جاقسى وقيتىن قىزدار مەن جىگىتتەردى بىردەن ارنايى جولدامامەن شەتەلگە ءبىلىم الۋعا جىبەرەدى. بىلىمگە قۇشتارلىعى بار جاستارعا مەملەكەت قولداۋ كورسەتەدى.
— قازاقستان، جاپونيادان وزگە قانداي مەملەكەتتەردە ءسىزدىڭ ەلدىڭ جاستارى ءبىلىم الىپ جاتىر؟
— اقش، تۇركيا، وزبەكستان، رەسەي، جۇڭگو، گەرمانيا سىندى ەلدەردە وقىپ جاتقان دوستارىمىز كوپ. ولار مىندەتتى تۇردە قايتادان ەلگە ورالادى. ول-زاڭ.
— قازاق ەلىنە ايتار تىلەگىڭىز؟
— قازاقستانعا، قازۇۋ-عا تەك العىس ايتامىن. سەبەبى، اۋعانستاندا قانداي جاعدايلار ورىن الىپ جاتقانىن جاقسى بىلەسىزدەر. تەك راقمەتتەن وزگە ايتارىمىز جوق.
You Might Also Like
-
قازىرگى كەزدە ادام ولىمىنە سەبەپشى بولاتىن جايتتاردىڭ ءبىرى - ترانسپورت. سونىڭ ىشىندە جەڭىل كولىكتەرگە ارنالعان ءتۇرلى باعىتتاعى تاسجولدار. قانشاما ادامنىڭ ءومىرىن وسى جولدار جالماۋدا.
-
سان جىلدار بويى قازاقتىڭ باسىنا ۇيىرىلگەن قارا بۇلت كەيبىر قانداستارىمىزدىڭ ەلدى تاستاپ، باس ساۋعالاعان جاققا قاراي بەت الىپ كەتۋىنە دەيىن الىپ باردى. كەيبىرەۋلەر ولاردى «ورالمان» دەپ ب...
