قىتايداعى الەۋمەتتىك جەلىلەردىڭ دامۋى
دامۋ دەڭگەيى جاعىنان الەمدىك كوشتە ىلگەرى كەلە جاتقان كۇنشىعىس ەلىندە زاڭ قاتال تارتىپپەن ورىندالاتىن وزگەرمەس قاعيدا ەكەنى بىزگە ءمالىم دۇنيە. الايدا، اسپان استى ەلىنىڭ بۇل تالاپتارى تەك ۇرلىق-قارلىققا ەمەس، سونىمەن قاتار ادامدى ءوزىنىڭ اجىراماس بولىگى ەتىپ العان الەۋمەتتىك جەلىلەرگە دە قاتىستى بولسا كەرەك. مىسالى، كوپتەگەن ەلدەردە مىڭداعان، ميلليونداعان كورەرمەن مەن وقىرمان جيناپ جۇرگەن «Youtube» جانە «Facebook»، «Whatsapp» سەكىلدى جەلى پاراقشالارىن قىتايلىقتار مۇلدەم قولدانا المايدى. «ءسىز «facebook» جەلىسىندە تىركەلگەنسىز بە؟» دەگەن سۇراق ولاردىڭ قۇلاعىنا تۇرپىدەي ءتيىپ كەتۋى مۇمكىن. اقپارات مايدانىندا بارىنشا ساقتىقتى تالاپ ەتەتىن كورشىلەس مەملەكەتتە اتالمىش وزگەشەلىكتەر ورىن الىپ وتىر.
الايدا، قىتايلىقتار ءبىز سەكىلدى رەپوست جاساپ، سۋرەتتەرگە ءلۇپىل باسىپ، كۇندەلىكتى جاڭالىقتارىمەن ءبولىسىپ وتىرمايدى دەگەن ءسوز ەمەس. ينتەرنەت جۇيەسىنە «التىن قورعانىس» ورناتا بىلگەن بۇل ەلدە ميلليونداعان وقىرماندار جيناعان جەلىلەر دە جەتەرلىك. ولار: «Qzone»، «QQ»، «Pengyou»، «Wechat»، «Weibo»، «Renren»، «Douban».
«Qzone» — وقىرماندار سانى جاعىنان الەم بويىنشا ءۇشىنشى ورىندا تۇرعان جەلى. 2014 جىلعى مالىمەت بويىنا سايت قولدانۋشالرىنىڭ سانى 625 ميلليوندى قۇراعان. جۇڭگو جانە اعىلشىن تىلدەرىندە قىزمەت اتقارادى.
«QQ» — Tencet كومپانياسىنىڭ 1999 جىلى جارىققا شىعارعان الەۋمەتتىك مەديا جۇيەسى. 300 ميلليونعا جۋىق بەلسەندى تۇتىنۋشىلارى بار «QQ» زامان اعىمىنا وراي ءتۇرلى جاڭارتۋلار ەنگىزىپ وتىرۋدى داستۇرگە اينالدىرعان.
«Pengyou» دە Tencet كومپانياسىنىڭ جوباسى. قىتايدا دوستارمەن ينتەرنەت ارقىلى قارىم-قاتىناس جاساۋعا كەلگەندە تاپتىرماس قۇرال. الايدا بەلسەندىلىك تۇرعىسىنان وزگە جەلىلەرگە قاراعاندا تومەن ستاتيستيكانى كورسەتىپ وتىر.
«Wechat» — ءبىزدىڭ ەلدەگى «WhatsUpp» جەلىسىنە قاتتى ۇقساس. ۆيدەو، اۋديو جانە سمس حابارلاما ارىلى بايلانىسۋدا ەل تۇرعىندارى اتالمىش جەلىنى ءجيى قولدانادى.
«Weibo» «Instagram» — نىڭ تاعى ءبىر نۇسقاسى. رەپوست، حەشتەگ جاساۋ ارقىلى قولدانۋشىلار جاڭالىقتارمەن بولىسە الادى.
«Renren» جۇڭگو تۇرعىندارى «قىتايلىق فەيسبۋك» دەپ اتاعان جەلى ءتۇرى. قازىرگى تاڭدا 22 ميلليون بەلسەندى قولدانۋشىلارى بار.
«Douban» — كىتاپ، فيلم، مۋزىكا رەسەنزيالارىن جازۋعا قىزىعاتىندار ءۇشىن جارىق قورگەن. ينتەللەكتۋالدىق دەڭگەيىن جوعارىلاتۋعا ۇمتىلعان جاستاردىڭ باسىم بولىگى وسى جەلىدە تىركەلگەن.
ەل تۇرعىندارىنىڭ 47 پايىزى الەۋمەتتىك جەلىدە تىركەلگەن دەگەن مالىمەتتەر بار، ياعني 627 ميلليون اككاۋنت تىركەلگەن.
You Might Also Like
-
ءححى عاسىر تەحنيكانىڭ زامانى. ينتەرنەت جۇيەلەرى دامىپ، مۋلتيمەدياعا نازار اۋدارعان كەزەڭ. وسى ينتەرنەت جۇيەلەرىن كوپ پايدالاناتىن، بەدەلدى، حالىق جازبالارىن ءجيى وقيتىن جۋرناليستەردىڭ وندىعىن جاساپ ...
