ناۋرىز ايىنداعى ۇبت اياقتالدى
ناۋرىز ۇبت-سىن 111 مىڭعا جۋىق تالاپكەر تاپسىردى. ونىڭ ىشىندە تۇلەكتەردىڭ 75%-ى قازاق تىلىندە، 25%-ى ورىس تىلىندە، 141 ادام اعىلشىن تىلىندە تەستىلەۋدەن ءوتتى.
عىلىم جانە جوعارى ءبىلىم مينيسترلىگىنىڭ مالىمەتىنشە، ۇبت باستالعالى شەكتى بالدى 78%-عا جۋىق نەمەسە 86 مىڭ تالاپكەر جيناپ، 22%-ى شەكتى بالل جيناي المادى.
ۇبت ورتاشا بالى 70 بالدى قۇرادى، وتكەن جىلمەن سالىستىرعاندا بۇل كورسەتكىش 1 بالعا جوعارى. ەڭ جوعارى بالل – 136.
«ناۋرىز ۇبت-سى 10-31 ناۋرىز ارالىعىندا ءوتتى. جالپى، ناۋرىزداعى ۇلتتىق ءبىرىڭعاي تەستىلەۋگە 111 مىڭعا جۋىق ادام قاتىستى، وتكەن جىلمەن سالىستىرعاندا 8 مىڭعا ارتىق. ادەتتەگىدەي، تەستىلەنۋشىلەردىڭ ەڭ كوپ تاڭداعان كومبيناسيالارى - «ماتەماتيكا-فيزيكا» (19%) جانە «بيولوگيا-حيميا» (19%). IT باعىتتارعا تۇسۋگە قاجەتتى جاڭا «ماتەماتيكا-ينفورماتيكا» كومبيناسياسىن ۇبت-عا قاتىسۋشىلاردىڭ 11%-ى تاپسىرعان. تەستىلەۋ شتاتتى رەجيمدە ءوتتى»، – دەپ اتاپ ءوتتى ۇلتتىق تەستىلەۋ ورتالىعىنىڭ ديرەكتورى رۋسلان ەمەلبايەۆ.
ايتا كەتۋ كەرەك، ەرەكشە ءبىلىم بەرۋ قاجەتتىلىكتەرى بار بالالار ءۇشىن تەستىلەۋگە قوسىمشا 40 مينۋت ءبولىندى، قاجەت بولعان جاعدايدا ولارعا كومەكشى بەرىلەدى. سونىمەن قاتار ولار ءۇشىن سىزبا جانە دياگراممالارسىز سۇراقتار جاسالدى. قابىلدانعان شارالار ارقاسىندا ەرەكشە ءبىلىم بەرۋ قاجەتتىلىكتەرى بار 237 بالا ۇبت تاپسىردى.
85 تالاپكەر سمارتفون، شپارگالكا جانە باسقا دا تىيىم سالىنعان زاتتاردى الىپ ءوتۋ ارەكەتى سالدارىنان تەست تاپسىرۋ مۇمكىندىگىنەن ايىرىلدى. تەستىلەۋ كەزىندە ەرەجەلەردى بۇزعانى ءۇشىن اۋديتوريادان 109 ادام شىعارىلىپ، ولاردىڭ ناتيجەلەرى جويىلدى. وزگە تۇلعالار انىقتالعان جوق.
ۇبت-عا دايىندىقتى جاقسارتۋ ماقساتىندا ۇلتتىق تەستىلەۋ ورتالىعى وقۋ جىلىنىڭ باسىندا تەستىلەۋ ءپانىنىڭ سپەسيفيكاسيالارىن، تەست جوسپارىن، «قازاقستان تاريحى» جانە «دۇنيەجۇزى تاريحى» پاندەرىنەن 100 داتا، «ينفورماتيكادان» تەرميندەر ءتىزىمىن، «قازاق ادەبيەتى» جانە «ورىس ادەبيەتى» پاندەرىنەن شىعارمالار ءتىزىمىن ءوز سايتىندا جانە الەۋمەتتىك جەلىلەرىندە جاريالادى.
سونداي-اق، 2022-2023 وقۋ جىلىنىڭ باسىنان باستاپ ۇتو ءىرى ءبىلىم بەرۋ ورتالىقتارىمەن بىرگە باس ەمتيحانعا دايىندالۋ ءۇشىن ونلاين-ساباقتار وتكىزەدى. ال https://prob-ent.testcenter.kz سايتىندا تالاپكەرلەر تەگىن بايقاۋ سىناعىنان وتە الادى.
You Might Also Like
-
قاراحان مەملەكەتى (840-1210) — باتىستا امۋداريا مەن سىرداريا اراسىنداعى ماۋەرەنناحردان باستاپ، شىعىستا جەتىسۋ مەن قاشعارعا دەيىنگى جەرلەردە بيلىك قۇرعان العاش مۇسىلمان تۇرىك مەملەكەتى. قارلۇق...
-
بالاپانداي قانات قاققان ءاربىر جاستى باۋىرىنا باسىپ، دامۋىنا ۇلەس قوسىپ كەلە جاتقان ماڭداي الدى ۋنيۆەرسيتەت ول – قازۇۋ. قازاقستانداعى ەڭ بەدەلدى ۋنيۆەرسيتەتتەردىڭ ءبىرى جانە بولاشاق ۇرپاققا ساپ...
