نازاربايەۆ وڭتۇستىك جاستارىن سولتۇستىككە قونىستاندىرۋ جۇمىستارىن جانداندىرۋدى تاپسىردى
«جۇمىسپەن قامتۋ جول كارتاسى» بويىنشا ەڭبەك كۇشى تاپشى اۋداندارعا 20 مىڭعا جۋىق ادام كوشىرىلدى. بۇگىن اقوردادا وتكەن ۇكىمەتتىڭ كەڭەيتىلگەن وتىرىسىندا ەلباسى نۇرسۇلتان نازاربايەۆ وسىلاي دەدى.
«ەڭبەك ۇتقىرلىعى بويىنشا جۇمىس بەرۋشى مەن جۇمىسشىلارعا ءبىرىن-بىر تابۋعا كومەكتەسۋ قاجەت. وسىعان بايلانىستى ءبىز «سەرپىن» دەگەن جوبانى ىسكە اسىرىپ جاتىرمىز عوي. ول حالىق تىعىز تۇراتىن وڭىرلەردىڭ جاستارىنا ءبىلىم بەرىپ، ولاردى كادر تاپشى ايماقتارعا جۇمىسقا ورنالاستىرۋعا مۇمكىندىك بەرەدى. ءقازىردىڭ وزىندە مەندەگى بار دەرەكتەرگە سايكەس 12،5 مىڭ جاس مامان وقۋ ورىندارىندا دايىندالىپ جاتىر. مۇنان وزگە 20 مىڭداي ادام «جۇمىسپەن قامتۋ جول كارتاسى» بويىنشا ەڭبەك كۇشى تاپشى اۋداندارعا كوشىرىلدى»،- دەدى ەلباسى.
مەملەكەت باسشىسى سولتۇستىكتە دە، باتىستا دا، شىعىستا دا جۇمىس كۇشى از وڭىرلەر بار ەكەندىگىن، ال وڭتۇستىكتە جۇمىس تاپپاي بوس جۇرگەن جاستار كوپ ەكەنىن باسا ايتتى. سونىمەن قاتار ەلباسى دەنساۋلىق ساقتاۋ جانە الەۋمەتتىك دامۋ ءمينيسترى تامارا دۇيسەنوۆادان بۇگىنگى كۇنى سولتۇستىك وڭىرگە قانشا ادام كوشكەنىن سۇرادى.
«بۇل باعدارلاما اياسىندا بيىلدىڭ وزىندە 329 وتباسىن وڭتۇستىك قازاقستاننان سولتۇستىك، شىعىس قازاقستان وبلىستارىنا كوشىردىك. ونىڭ ىشىندە سولتۇستىك قازاقستان وبلىسى مەن وڭتۇستىك قازاقستان وبلىسى اكىمدىكتەرى اراسىندا وتە تىعىز بايلانىس ورناتىلىپ، جۇمىس جۇرگىزىلۋدە. ال جاستاردى ءبىلىم مينيسترلىگى قوسىمشا جىبەرىپ جاتىر. سولتۇستىك قازاقستاننىڭ وزىنە بيىل 3 مىڭ ادام وقۋعا جىبەرىلدى. ءبىز «جۇمىسپەن قامتۋ» باعدارلاماسى ارقىلى قاراجاتىن بەرىپ جاتىرمىز. ال ءبىلىم مينيسترلىگى جاستاردى جىبەرۋدە»، - دەدى ت.دۇيسەنوۆا.
وسى ورايدا ق ر پرەزيدەنتى سولتۇستىكتەگى كاسىپتىك-تەحنيكالىق وقۋ ورىندارىنىڭ ۇشتەن ءبىر بوس تۇرعانىن قاپەرگە سالدى. «سول جەردە 1-1،5 جىلدىڭ ىشىندە وقىتۋ كەرەك. بۇل تەگىن عوي. ءبىز ءبىرىنشى تەحنيكالىق ءبىلىمدى تەگىن بەرەمىز دەپ جاريالادىق»، - دەدى مەملەكەت باسشىسى جانە سولتۇستىك قازاقستان وبلىسىنىڭ اكىمى ەرىك سۇلتانوۆتان وڭتۇستىك وتباسىلارىن سولتۇستىككە كوشىرۋ جۇمىستارى جايىندا سۇرادى.«جوسپار بويىنشا 101 وتباسى ەدى. ءبىراق 111 وتباسى كوشىپ كەلدى. ال ەندى وڭتۇستىك قازاقستانعا كوشىپ كەلۋگە نيەت تانىتىپ وتىرعان 700 وتباسى بار. جالپى، مۇنىڭ وڭىرگە وڭ ىقپالى بار ەكەندىگىن اتاپ وتكىم كەلەدى. ءبىز العاش رەت جابىلىپ قالعان مەكتەپتى قايتا اشتىق. مەكتەپتەر جابىلا باستاعان ەدى، ەندى كوشىپ كەلگەن وتباسىلاردىڭ ارقاسىندا قايتا اشا باستادىق»، - دەپ جاۋاپ بەردى وبلىس اكىمى.
You Might Also Like
-
قىزىلوردا وبلىسىنىڭ بارلىق مەكتەپتەرىندە سمارتفون قولدانۋعا تىيىم سالىندى، بۇل ەرەجەلەر وقۋشىلار مەن پەداگوگتارعا قاتىستى.
-
ەرتەڭ قازاقستاننىڭ بارلىق مەكتەبىندە «ءوز بالاڭا ۇلگى بول» ءبىرىنشى سىنىپ اتا-انالارىنا پسيحولوگيالىق-پەداگوگتىق كومەك» اتتى رەسپۋبليكالىق اتا-انالار كونفەرەنسياسى وتەدى. كونفەرەنسي...
