قىزىلوردادا سوتتالعان 50 ازامات كوللەدجدەرگە وقۋعا قابىلداندى
قىزىلوردا وبلىسى بويىنشا قاج دەپارتامەنتىنىڭ زك-169/5 مەكەمەسىندە جازاسىن وتەۋشى سوتتالعاندارعا جالپى ورتا ءبىلىم بەرىلۋدە.
بۇل تۋرالى زك-169/5 مەكەمەسىنىڭ مەملەكەتتىك تىلدە ىس-جۇرگىزۋشىسى ا.ءابدىراشيتوۆا حابارلادى.
قازاقستان رەسپۋبليكاسى كونستيتۋسياسىنىڭ 30-بابى، 1-تارماعىنا سايكەس مەملەكەت ءار ازاماتقا تەگىن ورتا ءبىلىم الۋعا كەپىلدىك بەرەدى جانە ءاربىر ازامات ءبىلىم الۋعا مىندەتتى دەپ ايقىن كورسەتىلگەن.
وسى ورايدا، زك-169/5 مەكەمەسىندە جازا وتەۋشى ازاماتتاردىڭ تيىسىنشە ءبىلىم الۋىنا باسا نازار اۋدارىلعان. ورتا ءبىلىم بەرۋ باعدارلاماسى 9-سىنىپ جانە 12-سىنىپتىق جۇيەدە قالالىق جالپى ءبىلىم بەرەتىن كەشكى مەكتەپ ۇستازدارى وقىتادى. سونىمەن قاتار، قىزىلوردا پوليتەحنيكالىق كوللەدجىنە «دانەكەرلەۋشى» ماماندىعى بويىنشا 25 سوتتالعان ازامات جانە قۇرىلىس جانە بيزنەس كوللەدجىنە «اعاش ۇستاسى» ماماندىعىنا 25 سوتتالعان ازامات قابىلداندى.
بۇگىن مەكەمە باستىعى، ادىلەت مايورى ت.قالىمبەتوۆتىڭ باسشىلىعىمەن جازاسىن وتەۋشى سوتتالعاندار اراسىندا جاڭا وقۋ جىلىنىڭ باستالۋىنا بايلانىستى جالپى ءبىلىم الۋشىلارعا ارنالعان سالتاناتتى شارا اتالىپ ءوتىلدى. مەكەمە باسشىلىعى 1 قىركۇيەك ءبىلىم كۇنىمەن قۇتتىقتاپ، ءبىلىم الۋعا نيەت بىلدىرگەن ازاماتتارعا ساتتىلىك تىلەدى. بۇل شارا «قوعامدىق باقىلاۋ كوميسسياسى» ءتوراعاسىنىڭ ورىنباسارى م.بالعارايەۆ جانە كەشكى مەكتەپ ديرەكتورىنىڭ وقۋ ءىسى جونىندەگى ورىنباسارى ت.ناسىپبەكوۆتىڭ قاتىسۋىمەن جۇرگىزىلدى.
You Might Also Like
-
وسكەمەندە 100 ورىندىق قازاقستانداعى مۇمكىندىگى شەكتەۋلى بالالارعا ارنالعان العاشقى «اق نيەت» مەكتەپ ينتەرناتى سالىنۋدا. ءوڭىر باسشىسى دانيال احمەتوۆ وبلىستىق ءبىلىم بەرۋ باسقارماسىنىڭ باس...
-
انا اۋىر ناۋقاسقا شالدىققان ەدى. توسەك تارتىپ جاتىپ قالعان. وسى كەزدە ونىڭ جالعىز ۇلى ۇيلەندى. انا ءوز ومىرىندە بۇل تويدى اسىعا كۇتكەن ەدى. وندا ۇنەمى ءوزىن تويدىڭ ورتاسىندا مارە-سارە بوپ جۇگىرىپ ءجۇر...
