InfoHub Logo

وسكەمەندە 100 ورىندىق قازاقستانداعى مۇمكىندىگى شەكتەۋلى بالالارعا ارنالعان العاشقى «اق نيەت» مەكتەپ ينتەرناتى سالىنۋدا. ءوڭىر باسشىسى دانيال احمەتوۆ وبلىستىق ءبىلىم بەرۋ باسقارماسىنىڭ باسشىسى ايجان سادىقوۆامەن بىرگە قۇرىلىس جۇمىستارىنىڭ بارىسىمەن تانىستى.

مۇندا بولاشاق ينتەرناتتا تۇراتىندار ءۇشىن مەكتەپتىڭ كۇللى اۋماعى بويىنشا توسقاۋىلسىز ورتا قۇرىلادى. بۇل پاندۋستار، كەڭ دالىزدەر،  تابالدىرىعى جوق كەڭ ەسىكتەر، ارنايى جابدىقتالعان گيگيەنا بولمەلەرى. عيمارات 5 تۇرعىن سەكسياسىنان تۇرادى، ولاردىڭ ءارقايسىسى 20 تاربيەلەنۋشىگە ارنالعان ۇياشىقتان تۇرادى. ءوز كەزەگىندە ۇياشىق 3 ادامنان اسپايتىن سىيىمدىلىقپەن تۇرعىن بولمەلەردەن، ءۇي تاپسىرمالارى مەن وقۋ پاندەرى بويىنشا دەربەس جۇمىستار بولمەسىنەن، قوسالقى، سانيتارلىق-تۇرمىستىق ءۇي-جايدان تۇرادى.

ساباققا ارنالعان بولمەلەر لينگافوندىق جابدىقپەن جاراقتالعان.

ينتەرناتتا سونداي-اق دارىگەرلىك ارنايى كابينەتتەردەن جانە ت.ب. قۇرالعان مەديسينالىق پۋنكت بار. مەكتەپ ينتەرناتتا ماماندار بالالارعا مەديسينالىق-پسيحولوگيالىق كومەك ۇيىمداستىرادى. قاباتتاردا كوز دارىگەرى، رەفلەكتولوگ، سۋردولوگ ەم كابينەتتەرى كوزدەلگەن. ءبىر سوزبەن ايتقاندا، جوبامەن ەرەكشە بالالاردىڭ جايلى جاعدايى ءۇشىن قاجەتتىنىڭ ءبارى قاراستىرىلعان.  ءارى، بالالار 9 سىنىپتان كەيىن قالا كوللەدجدەرىندە ماماندىق الا الادى، دەدى اكىمگە باسقارما باسشىسى.

ونىڭ ايتۋىنشا، وبلىستىڭ قالالارى مەن اۋداندارىندا تىرەك-قوزعالتقىش اپپاراتى، كورۋ، ەستۋ، سويلەۋ جاعىنان كەمىستىكتەرى بار بالالاردى جيناۋ بويىنشا ءتۇسىندىرۋ جۇمىستارى جۇرگىزىلەدى. بۇگىندە 76 ءوتىنىش كەلىپ ءتۇستى. 1-2 سىنىپ وقۋشىلارىن مەكتەپ-ينتەرنات بازاسىندا وقىتۋ جوسپارلانۋدا. 3-11 سىنىپتارعا  ينكليۋزيۆتى تۇردە №15، 37، 14 جانە 16 مەكتەپتەردە وتەدى.

مەكتەپ ينتەرناتى جىلدىڭ اياعىندا پايدالانۋعا بەرىلۋى ءتيىس. قاراۋ بارىسىندا انىقتالعانداي، قۇرىلىسشىلاردان جۇمىستى 1 قىركۇيەكتە اياقتاۋدى وتىنگەن، ولار  ۋادە بەرگەن. وكىنىشكە وراي، جۇمىس اياقتالمادى، جىلدىڭ اياعىندا، ياعني جوبالىق مەرزىمدە تاپسىرىلادى. ءبىر جاعىنان جۇمىستىڭ ورىنداۋ مەرزىمى قۇجاتقا سايكەس كەلەدى. 

---