- نە جەتپەيدى؟
قۇلپىرعان ماڭايىڭ گۇل،-
دەپ ماعان،
ىرزا بولماي، اعايىن ءجۇر.
جانىم باردا، بويىمدا قانىم باردا،
جىرىمنان جان اشۋىن الايىن ءبىر.
ءبارى دە بار...
باسىمدا ءبارى دە بار.
جان ەمەسپىن جارىمجان دارىگە زار.
جەتپەيتىنى - جۇرەكتىڭ ءانى بولار،
باقىت، باقتىڭ تارىداي ءدانى بولار...
قالعانىنىڭ ءبارى بار ءبىر باسىمدا،
ءالى تالاي جارايمىن قىردى اسۋعا.
جەتپەيتىنى - دوسىم از سىرلاسۋعا،
ءومىرىم از، جەتپەيدى ءبىر عاسىرعا.
كۇرسىنگەنىم بولماسا اندا-ساندا،
كوز جاسىمدى قاقىم جوق كول جاساۋعا.
ازدىعى دا عۇمىردىڭ الاڭداتپاس،
مىندەتتى ەمەس اقىندار كوپ جاساۋعا.
كىم ايىپتاپ، سىرتىنان كىم كۇلەدى،
سودان بولار جىردىڭ دا جۇنجىگەنى.
ادام جىرلاپ تۇرعاندا، زامان جىرلاپ،
كەرەگىم دە جوق شىعار كىم بىلەدى؟!

---