نەگە رەنتگەنگە ءتۇسۋ ءقاۋىپتى
رەنتگەن — اۋىر سىرقاتتاردى دياگنوستيكا جاساۋ ءۇشىن (دەنساۋلىققا بولار) زياندى پايداعا اينالدىرعان ونەرتابىس. رەنتگەن ساۋلەسىنەن پايدا بولعان زيانعا قاراماي ناۋقاستار دا، دارىگەرلەر دە اعزانى ۇنەمى تەكسەرۋدەن وتكىزىپ تۇرۋعا كەڭەس بەرۋدەن باس تارتپايدى. رەنتگەن وسى كۇنگە دەيىن وبىر مەن تۋبەركۋلەز كەسەلدەرىن انىقتاۋ ءۇشىن ەڭ پايدالى جانە قاراما-قايشى ادىستەردىڭ ءبىرى بولىپ وتىر.
ساۋلەلەنۋدىڭ قانداي قاۋىپ-قاتەرلەرى بار؟
1. رەنتگەننىڭ جىنىس اعزالارى مەن قان جاسۋشالارىنا قاتتى كەرى اسەر ەتەتىنى دالەلدەنگەن. سول سەبەپتى پروسەدۋرا بارىسىندا دەنەنىڭ بۇكىل قۇرساق بولىگىن قورعاۋ ءۇشىن، قورعاسىننان قۇيىلعان ارنايى قورعانىش قۇرالدارى پايدالانىلادى. ءدال وسى قۇرالدار ءتىن-ۇلپالاردى زياندى ساۋلەلەنۋدەن ساقتايدى.
2. بالالار ءۇشىن رەنتگەن پايدالانۋ دۇرىس ەمەس، تەك باسقا دياگنوستيكا ادىستەرى مۇمكىن بولماعان جاعدايدا عانا پايدالانىلادى. پروسەدۋرا (ەم-دياگنوستيكا شارالارى) بارىسىندا بالانىڭ دەنەسىن تۇگەلدەي ارنايى پەردەمەن، كيىمدەرمەن جانە قورعاسىن پلاستينالارمەن جاۋىپ قويىپ قورعايدى، ويتكەنى بالانىڭ ورگانيزمى ءالى قالىپتاسىپ بىتكەن جوق، ساۋلەلەۋگە قارسى تۇرۋ ءۇشىن ءالسىز.
عالىمدار رەنتگەننىڭ ساۋلەلەنۋ مۇمكىن بولعان دەڭگەيىنىڭ نورماسىن ەسەپتەپ شىعاردى — مەديسينالىق ورتالىقتاردا ءجيى بولمايتىندار ءۇشىن جىلىنا 5 ميلليزيۆەرت. ال جۇيەلى تۇردە دارىگەرلەرگە قارالىپ تۇراتىندار جىلىنا 1 ميلليزيۆەرتتەن ارتىق مولشەردە ساۋلە الماۋى ءتيىس. الىنعان ساۋلە دوزاسىن ەسەپتەۋدەگى قاتەلىك ادامنىڭ حال-جاعدايى مەن يمممۋندىق جۇيەسىنىڭ قىزمەتىن ناشارلاتىپ جىبەرۋى مۇمكىن.
ءداستۇرلى رەنتگەنگە ءتۇسىرۋ پروسەدۋرالارىنداعى زياندى ساۋلە مولشەرى از.
ءتىستى رەنتگەنوگرافيالاۋ 0،003 رەنتگەن ساۋلە مولشەرىن قامتاماسىز ەتەدى. اسقازاندى تەكسەرتكەندە 0،176 رەنتگەن مولشەرىن يەمدەنەسىز. بارلىق نەگىزگى اعزالاردى توموگرافيالاۋ دوزاسى 1 رەنتگەندى قۇرايدى. بۇل قالىپتى جاعدايدا رەنتگەن دۇرىس قولدانىلسا، ادام ورگانيزمىنە زالالى بولمايدى دەگەن ءسوز.
دەنە اعزالارىن توموگرافيالاۋ ەڭ زياندى بولىپ تابىلادى، ال باسقا پروسەدۋرالاردان ايتارلىقتاي نۇقسان كەلمەيدى. سول سەبەپتى دارىگەرلەر ناۋقاستى توموگرافيادان وتكىزەر الدىن، ءدال وسى پروسەدۋرانىڭ الدىن قاشان بولعانىن مىندەتتى تۇردە تەكسەرەدى.
جۇكتىلىكتىڭ سوڭعى كەزەڭىندە مەديكتەر رەنتگەنوگرافيا بەلگىلەۋگە تاۋەكەل ەتپەيدى، سەبەبى رەنتگەن ساۋلەسىنىڭ بالانىڭ جەتىلۋىنە تيگىزەر ناقتى اسەرى وسى كۇنگە دەيىن بەلگىسىز. ارينە، قۇرساق تۇسىن ارنايى فارتۋكپەن نەمەسە قورعاسىن پلاستينالارمەن جاۋىپ قويۋعا بولادى، ءبىراق وتە قيىن جاعدايدا عانا جاسالادى — جۇكتىنىڭ ومىرىنە ءقاۋىپ تونگەندە.
وقۋعا كەڭەس بەرەمىز:
قورىلدىڭ سەبەپتەرى جانە ودان قۇتىلۋ جولدارى
جانىڭىزدا ەشكىم جوق كەزدە قاقالىپ قالساڭىز نە ىستەۋ كەرەك
ەستەن تانۋ
بەلدى قورعاۋدىڭ 10 جولى
سالاۋاتتى ءومىر سالتى ءۇشىن كەڭەستەر
تەرىنىڭ قارتايۋىن باياۋلاتاتىن كوللاگەن قوسىلعان 10 ءونىم
You Might Also Like
-
D دارۋمەنى «كۇن دارۋمەنى» دەپ اتالىپ جۇرگەنى كەزدەيسوق ەمەس — باسقا جەمىر زاتتەكتەرمەن سالىستىرعاندا ول تاعام قۇرامىندا جوقتىڭ قاسى، الايدا تەرىمىزگە جىلۋ مەن جارىق ىقپال ەتكەن كە...
-
جالپى ''جەر انا'' دەگەن ءسوزدى ەستىگەن كەزدە نەنى ەلەستەتەسىڭدەر؟ مەنىڭ ويىما بىردەن: تابيعات انا، وسىمدىكتەر، جانۋارلار، ادامدار جانە ءوزىمنىڭ تۋىپ وسكەن جەرىم كەلەدى.
