نەنى اڭسايمىن؟..
تۋعان ولكە، تۋعان جۇرت، سەنى اڭسايمىن،
Heگe اڭسايمىن، بىلمەيمىن، نەگە اڭسايمىن
ۇل دە، مەيلىڭ، اداسقان قۇل دە، مەيلىڭ،
سەنى اڭسايمىن، تۋعان ەل، ونان سايىن!
قۋات بەرگەن ءدامىڭ مەن تۇزىڭ ماعان،
قايماعىڭدى اڭسايمىن بۇزىلماعان.
گۇلىن سۇيەم، شالعىننىڭ ءبۇرىن سۇيەم،
ءۇنىن سۇيەم ماساڭنىڭ ىزىڭداعان.
سەنى اڭسايمىن، قايناعان اق باستاۋلار،
اق باس تاۋلار - سامايىن اق باسقاندار.
سەنى اڭسايمىن، قازىرگى اق باس شالدار،
بۇرىنعى ورەدەن قۇرت اپ قاشقاندار،
سۋ كەشىپ، جالاڭ اياق وت باسقاندار!

---