NIS وقۋشىلارى تەرى اۋرۋلارىن دياگنوستيكالاۋدىڭ جولىن تاپتى
تەحنولوگيا، گادجەت جانە ەلەكتروندى جۇيەلەر قازىرگى قوعامنىڭ اجىراماس بولىگىنە اينالدى.ولار ادامداردىڭ ءومىرىن جەڭىلدەتىپ قانا قويماي، دامۋدىڭ داڭعىل جولىن اشۋدا.
ءۇش جىل بۇرىن استانا قالاسىنداعى نازاربايەۆ زياتكەرلىك مەكتەبىنىڭ وقۋشىسى توميريس ىدىرىسبايەۆا كۇن ساۋلەسىنىڭ اسەرىنەن قاراپايىم مەڭنىڭ ولىمگە اكەلۋى مۇمكىن ەكەنىن ەستيدى. وقۋشىنىڭ ايتۋىنشا، قازاقستاندا تەرى مەلانوماسىمەن اۋىرعانداردىڭ قىرىق پايىزى كەش انىقتالعاندىقتان دەرت اسقىنىپ كەتەدى جانە كوپ جاعدايدا پاسيەنتتى امان الىپ قالۋ قيىن. ال ەرتە دياگنوز قويىلعان جاعدايدا توقسان پايىز اۋرۋدى ەمدەۋگە بولادى.
«ادامدار دەرماتولوگ مامانعا جۇمىستىڭ كوپتىگىنەن بارا المايتىندارىن ايتىپ جاتادى. بۇل اۋرۋدى اسقىندىرىپ الۋدىڭ بىردەن-بىر سەبەبى. زەرتتەۋ كەزەڭىندە ءبىز قاتەرلى ىسىك اۋرۋلارىنىڭ شامامەن ون ءتورت پايىزىقازاقستانداعى تەرى قاتەرلى ىسىگىنە جاتاتىنىن بىلدىك. ارينە، وتە قورقىنىشتى ستاتيستيكا، – دەيدى 11-سىنىپ وقۋشىسى توميريس ىدىرىسبايەۆا.
ءتورت وقۋشىدان قۇرالعان توپ تەرىدەگى قارتايۋ داقتارىن سكانەرلەۋگە نەگىزدەلگەن تەرى اۋرۋلارىنىڭ جەدەل دياگنوستيكاسىن ۇسىنادى.
«DermaMarker» دەپ اتالاتىن قوسىمشا دەنەدەگى تەرىنىڭ پيگمەنتتى (قال، مەڭ) زاقىمدانۋىن سكانەرلەيتىن جانە ولاردىڭ قاۋىپتىلىگىن نەيروندىق جەلى (جاساندى ينتەللەكت) ارقىلى تالدايتىن پلاتفورما. پلاتفورما تەرىنىڭ پيگمەنتتى ءتۇزىلۋىنىڭ 9 ءتۇرلى دياگنوزىن انىقتايدى.
«ەلىمىزدە تەرى اۋرۋلارىن الدىن-الاتىن قوسىمشا ءالى جوق. سوندىقتان ءبىز ءوز ۇلەسىمىزدى قوسقىمىز كەلدى. بۇل جوبا قازاقستاندا تەرى قاتەرلى ىسىگىنەن بولاتىن ءولىم-جىتىمنىڭ الدىن الۋ ءۇشىن تەرى اۋرۋلارىن ۋاقتىلى دياگنوستيكالاۋدى ناسيحاتتاي الادى،– دەپ اتاپ ءوتتى بىرلەسكەن اۆتور اراي كامالييەۆا.
قوسىمشاعا قاجەتتى ارنايى سايتتى قۇراستىرۋمەن 11 سىنىپ وقۋشىسى ءامىر جاقسىلىق اينالىسقان. ول گارۆارد ۋنيۆەرسيتەتىنىڭ dataset نەگىزىندە پاسيەنتتىڭ فوتوسۋرەتتەرىنەن ۇقساس دياگنوزداردى انىقتايتىن نەيروندىق جەلىنى جاسادى.
«پلاتفورما فوتوسۋرەت ارقىلى تەرى پيگمەنتىن دياگنوستيكالاۋدى ۇسىنادى. فوتوسۋرەت جۇيەگە تەلەفون ارقىلى جۇكتەلەدى. فوتوسۋرەتتى ءساتتى جۇكتەگەننەن كەيىن ونىڭ بەلگىشەسى ەكرانعا شىعارىلىپ، وسىلايشا نەيروجەلى 5 سەكۋند ىشىندە لاتىن اتاۋلارىمەن ۇقساس ناتيجەلەردى كورسەتەدى، – دەپ ءتۇسىندىردى جاس نوۆاتورلار.
زياتكەرلەر كەرى بايلانىس نەگىزىندە سايتتىڭ تولىق نۇسقاسىن كوپشىلىككە ۇسىنباق. سايتتى ءساتتى ىسكە قوسقاننان كەيىن ءموبيلدى قوسىمشانى ازىرلەۋ جانە پايدالانۋشىلار سانىن پاراللەلدى كوبەيتۋ دە جوسپارلانعان. سونداي-اق باسەكەگە قابىلەتتى جۇيەنى الەمدىك نارىققا شىعارۋدى كوزدەپ وتىر.
You Might Also Like
-
وقۋ-اعارتۋ مينيسترلىگى مەن USTEM Robotics قوعامدىق قورىنىڭ قولداۋىمەن 24-26 اقپان ارالىعىندا ءال-فارابي اتىنداعى وقۋشىلار سارايىندا ورتالىق ازيا ويىندارى وتەدى.
-
ءدىني تۋريزم قازاقستاندا كوبىنەسە مۇسىلماندىق ءدىني نىساندارعا بارۋمەن بايلانىستى. مۇندا يسلام جولىن قۋۋشىلار ايگىلى ءدىن نەگىزىن قالاۋشىلاردىڭ مەشىتتەرى، كەسەنەلەرى، مولالارى مەن قابىرلەرىنە بارا الا...
