سايا بولىپ جانىڭا ەمەن، تەرەك،
جەتەر ەندى جاتقانىڭ كولەڭكەلەپ.
وگەيسىنبەي ءوزى بوپ قالۋ ءۇشىن،
ونەر كەرەك ۇرپاققا، ولەڭ كەرەك!
ەسىڭدە مە، تۇندەرىڭ كوز ىلمەگەن؟
كەزۋدە ويىڭ ءومىردى، كەزۋدە ولەڭ.
ارعى اتاسى ادامنىڭ - سەزىم بولسا،
ادام ەمەس، سەزىمدى سەزىنبەگەن.
ارعى اتاسى اقىننىڭ جىردان تۋعان،
جىر جولىندا جانىن دا قىلعان قۇربان.
جىرلار تۇنعان حانداردىڭ سارايىندا،
جىر ايتىلعان بەسىكتە قۇلدار تۇرعان.
ۇزاتىلىپ جات جۇرتقا بارعانىندا،
جىر ايتىلعان قىزداردىڭ جار-جارىندا.
جىرلاپ، جىلاپ، جىراۋلار جان تاپسىرعان،
جىر مەن كۇيى كۇيزەلىپ بارماعىندا.
كوكەيكەستى جىرلار جاز جەز كيىكتەي،
ماقتاۋ، داتتاۋ، جادىگوي ءسوزدى كۇتپەي.
ولەڭ، كەرەك ۇرپاققا، ءوزىڭ مەيلى،
كولەڭكەدە قالساڭ قال، كوزگە ىلىكپەي!

---