ولگەن دە ءوزى، ولگەنىن كەلىپ ەستىرتكەن دە ءوزى
بىردە قوجا قالا سىرتىندا ءجۇرىپ، ءبىر نارسەدەن جامان قورقىپ، تالىپ قالادى.
— ولگەن دەگەن وسى ەكەن، — دەپ جاتا بەرەدى، ءبىراق سۇيەگىن اكەتۋگە ەشكىم كەلمەيدى. جاتا-جاتا قوجا زەرىگەدى، قارنى اشا باستايدى. سونسوڭ ول ۇيىنە كەلىپ، قالاي، قايدا ولگەنىن ايەلىنە ايتىپ، ءوزى الگى ولگەن جەرىنە قايتا كەتەدى.
ايەلى بەتىن جىرتىپ، شاشىن جۇلىپ، جىلاپ-سىقتاپ، كورشىلەرىنە بارىپ، قوجانىڭ دالادا ءجۇرىپ توسىننان قايتىس بولعانىن، دەنەسى ءالى دالادا جاتقانىن ەستىرتەدى. كورشىلەرى قايعىرىپ، قوجانىڭ قايدا، قالاي ولگەنىن، كىم كەلىپ ەستىرتكەنىن سۇرايدى.
سوندا قوجانىڭ ايەلى:
— قوجا بايعۇستىڭ جاناشىر كىمى بار؟ ولگەن دە ءوزى، ولگەنىن كەلىپ ەستىرتكەن دە ءوزى، — دەپ، قوجا جاتقان جاققا قاراي جۇرە بەرىپتى.
You Might Also Like
-
ءبىر كۇنى قوجا كەمەشىلەردىڭ قاسىنا كەلەدى، لاۋلاپ جانىپ جاتقان وتتى كورىپ، قوجا:
-
قوجا بىردە توعايعا وتىن الا بارعاندا ءبىر قويان ۇستاپ الادى. وعان دەيىن قوياندى كورمەگەن دە، بىلمەيدى دە ەكەن. «بۇ نەتكەن عاجاپ اڭ ەدى! ۇيگە اپارىپ، جۇرتقا كورسەتەيىن، بىرەۋ بولماسا، بىرەۋ قاندا...
