قوجا مەن ايەلى ەكەۋىنىڭ قايسىسى اقىلدى
قوجا ەسەگىن بازارعا الىپ شىعىپ، وتكىزىپ بەر دەپ دەلدالعا ۇستاتادى. الگى انتۇرعان ەسەكتى جەتەكتەپ ارلى-بەرلى ءجۇرىپ:
— ەسەگىمنىڭ ءتورت اياعى تەڭ جورعا، ءمىنىپ كەلە جاتىپ، شاي ىشسەڭ، شايقالمايدى، ءوزى جۋاس، ءوزى جاس، تال بويىندا ءمىنى جوق، — دەپ جار سالادى.
قوجانىڭ ەسەگىن ساتىپ الۋشىلار كوبەيىپ، باعانى بىرىنەن ءبىرى اسىرىپ بەرىپ، ءتىپتى كوتەرىپ جىبەرەدى. «مەنىڭ ەسەگىم نەتكەن جاقسى ەدى. وسىنى نەگە ءوزىم ساتىپ المايمىن»، — دەپ ويلاعان قوجا، قىزا-قىزا باسقالاردان باعانى اسىرا ايتادى. اقىرى، اقشانى قولما-قول ساناپ بەرىپ،
ەسەگىن ءوزى ساتىپ الادى. كەشكە وسى وقيعانى ايەلىنە سىر ەتىپ ايتقاندا، ايەلى:
— مەن دە ءبىر بۇگىن تەگىن ولجاعا كەزىكتىم، — دەيدى. — بىرەۋ ءبىزدىڭ ءۇيدىڭ جانىنان ءبىر شەلەك قايماق الىپ كەتىپ بارا جاتىر ەكەن. توقتاتىپ، قايماق ولشەتىپ جاتقانىمدا، بايقاتپاي بىلەزىگىمدى تارازىنىڭ تاسى جاتقان باسىنا سالا قويدىم دا، سونسوڭ ءبىر اياق قايماقتى الدىم دا زىتىپ بەردىم.
مۇنى ەستىگەن قوجا:
— قاتىن، ءوستىپ مەن تۇزدەن، سەن ۇيدەن قارماپ، شارۋامىزدى ءبىراز جوندەپ الايىق، — دەپتى.
You Might Also Like
-
باقشا ىشىندە جاتقان جەمىس اعاشىنىڭ ساعاقتارىن كورىپ، قوجا باقشاشىلاردان:
-
ءبىر كۇنى قوجا كورشى اۋىلدا شارۋاسى بولىپ، تاڭ سارىدەن جولعا شىعۋعا ازىرلەنەدى. سويتسە، دوستارى سول كۇنى قوجانىڭ ۇيىندە باس قوسىپ، ويىن-ساۋىق جاساماق بولىپ كەلىسىپ قويسا كەرەك. ءماجىلىستىڭ كوركى سانا...
