ولكە تاريحىنىڭ باتىرلىق بەلەستەرى
قازاق باتىرلارىنىڭ جەڭىسى ۇلتىمىزدىڭ جادىندا ماڭگى بولماق. سوعىسقا قاتىسۋشىلاردىڭ ەرلىگى ەش ۇمىتىلماس. سوعىس-اتاۋى قۇلاققا جاعىمسىز،استى قايعى-قاسىرەتكە تولى قارالى، ۇرەيلى ءسوز. وسى ايقاستا جاۋدى جەڭۋ ءۇشىن بارىن اياماي، جەڭىستى جاقىنداتۋ جولىندا قازا بولعاندار دا جوق ەمەس. اسپان ءاردايىم اشىق بولۋ ءۇشىن بارلىق كۇشتەرىن سارپ ەتكەن باتىرلارعا مىڭ العىس.
مەنىڭ ويىمشا، وسى بۇگىنگى اشىق اسپانىمىزعا جەتۋگە دەيىنگى سوعىستاردى ەكىگە بولۋگە بولادى. ءبىرى، اتتى اسكەرلەرمەن قارا قانعا باتقان قانجىعالى باتىر، قاراباي باتىر، ناۋرىزباي باتىر، رايىمبەك باتىرلارىمىز اسكەرلەرىمەن بولعان قورقىنىشتى سوعىستار. اتالىپ وتكەن قولباسشىلار ءارى شەشەن، ءارى باتىر، قولباسشى جانە جوڭعار باسقىنشىلارىنان ازات ەتۋ جولىنداعى ازاتتىق كۇرەسەتىن اسا كورنەكتى ۇيىمداستىرۋشىلار. اتتى اسكەردىڭ قولباسشىلارى وسىنداي باتىل بولعانى، اسكەرىنىڭ دە مىقتى جانە ايانباي شايقاساتىن، ەرجۇرەك باتىرلار ەكەنىن مالىمدەيدى. ەكىنشىسى، 20 عاسىردا بولعان ۇلى وتان سوعىسىنداعى قازاق باتىرلارىنىڭ فاشيستەرمەن شايقاسىندا ءوز ۇلەسىن قوسۋى بولماق. بۇل سوعىستا فاشيستەردىڭ اڭساپ كەلگەن ارمانىنا 4 جىل ىشىندە باتىرلارىمىز قاجىماس ەرلىكتەرىمەن توسقاۋىل بەردى.
«شولدە سۋىڭدى ساقتا،سوعىستا تۋىڭدى ساقتا» دەگەن ۋاجدەمەمەن وزدەرىنىڭ الدىنا ماقسات قويىپ، ەشقانداي توسقاۋىل ولارعا توتەپ بەرە الماعان، ەرجۇرەك سوعىس قاتىسۋشىلار-كوك اسپانىمىزدىڭ ايناسى دەۋگە بولادى.
باۋىرجان مومىش ۇلىنىڭ «جاۋىنگەر تۇلعاسى» اتتى شىعارماسىنداعى بەينەلەر ءالى ەسىمدە. «جاۋىنگەر تۇلعاسى» اڭگىمەسىندە اۆتور قازاقتىڭ «بىلەكتى ءبىردى، ايلالى مىڭدى جىعادى»ماقالىنىڭ كۇدىرەت-كۇشىنە تامسانعان. وسى اڭگىمەدە مۇحامەتقۇل يسلامقۇلوۆ ءالى دە جاس بولعانىنا قاراماستان ەلىنە قىزمەت ەتكىسى كەلدى، ارينە، ول باسىندا ۋايىمدادى، قورىقتى، ءبىراقتا ونى العا قاراي تارتقان ماقسات! شىعارمانىڭ شارىقتاۋ شەگى كەزىندە وسى جاس جاۋىنگەردىڭ قاراماعىنا ودان جاسى ۇلكەن اعالارىن جىبەرگەن كەزدە، ولار جاس بالاعا باعىنعىسى كەلمەگەنىن كورە الامىز. سول كەزدە اقىن، ءارى باتىر باۋىرجان مومىش ۇلى اعامىز:
- ەگەر سەندەر مىقتى بولساڭدار وزدەرىڭ دە، ءوز اسكەردەرىڭ دە ءقازىر امان قالار ەدى!-دەگەن سوزدەرىن مەن، ەلىمىزدەن الىس جەردە ماسكەۋ قاراماعىندا ءبارىمىز بىرگە بولۋىمىز كەرەك جانە ادامدى جاسىنا قاراپ ەمەس ونىڭ ساناسىنا قاراپ باعالاۋ كەرەكتىگىن تۇسىندىرەدى.
ءبىز ءقازىر "قوي ۇستىنە بوزتورعاي جۇمىرتقالاعان زاماندا" ءومىر ءسۇرىپ جاتىرمىز. وسىنىڭ ءبارى-قاسىق قانى قالعانشا سوعىسقان باتىرلارىمىزدىڭ ارقاسى. ءبىزدىڭ ءارقاشان ولارعا العىسىمىز شەكسىز! قازاقتاي ەلدى باسقارىپ وتىرعان ەلباسىمىز، ەلىمىز ءۇشىن تۋعان ەرلەرىمىز امان بولسىن!
You Might Also Like
-
ءبىر جاقسى ۇلگى كورىپ اركىم سىزدەن، تەڭەيدى بەرەرى كوپ التىن كۇزگە. ەلۋ جىل ەڭسەڭىزدى بيىك ۇستاپ، ءجۇردىڭىز ەل الدىندا جارقىن جۇزبەن. ەلۋ جاس — ەندى ءومىردىڭ باستالعانى، جەتىڭىز تال...
