ەلباسى - ەلىمنىڭ تىرەگى
«ەلباسى - ەلىمنىڭ تىرەگى»
ەلباسىممەن مەن بۇگىن ماقتانامىن،
ءوزىڭىزدى الەمگە ايتىپ شاتتانامىن.
قازاعىم جەتتى بۇگىن ارمانىنا،
ەلباسىم، اينالايىن، اتقان تاڭىم.
ءبىر قالامنىڭ ۇشىمەن جازىلىپ، بارشا قاۋىمنىڭ جۇرەگىنە ورناعان، ءبىر اۋىزدان ايتىلىپ، كەڭ ولكەمدى شارلاعان وسىناۋ ءبىر ىستىق ءسوز، ىستىق كوڭىل لەبىزى بۇگىن عانا ەمەس، بار ۋاقىتتا دا قان تامىرىمىزدىڭ ءلۇپىل — بۇلكىلىندەي ەستىلەدى بىزگە. ءيا، بۇل – بۇكىل قازاق جۇرتىنىڭ، ءدۇيىم قازاقستان ەلىنىڭ قىزۋ قۇشتارلىقپەن، سارقىلماس سۇيىسپەنشىلىكپەن ايتار، ارداق تۇتار اسىل لەبىزى. كوڭىل - كۇي سەرپىلىسىمەن سىرىمدى اقتارسام، ونىڭ ەش ايىبى جوق دەپ ويلايمىن. مەنىڭ كوڭىلىمدى سەرپىپ، جۇرەگىمدى تەربەپ وتىرعان بۇگىنگى كۇننىڭ جەڭىستەرىنە جەتكىزۋشى، ەلىن ابىلاي بابامنىڭ اق جولىمەن، ماحامبەت بابامنىڭ ءور رۋحىمەن باسقارىپ وتىرعان ەلىمىزدىڭ تۇڭعىش پرەزيدەنتى، ەلباسى – نۇرسۇلتان ءابىش ۇلى نازاربايەۆ.
وسىنداي دانا ەلباسىمەن ماقتانۋدىڭ ءوزى، ەلباسىنا ارناپ شىعارما جازۋدىڭ ءوزى ءبىر باقىت دەپ بىلەمىن. بۇگىندە بۇكىل ەلدىڭ قولداۋىمەن سەنىمىنە يە بولىپ، ەلدى سىندارلى جولمەن بولاشاققا ايقىن باستاپ كەلە جاتقان ەلباسىمىز نۇرسۇلتان نازاربايەۆتىڭ قۇرمەتىنە تويلاناتىن — تۇڭعىش پرەزيدەنت كۇنى ءبىز ءۇشىن دە وتە ءقادىرلى مەرەكە. بۇل مەرەكەنىڭ تويلانۋىنىڭ وزىندىك ۇلتقا بەرەرى مول. وسى مەرەكە ارقىلى جاس ۇرپاق تاۋەلسىز قازاقستاننىڭ تاريحىن تانىپ، ونىڭ ەل بولىپ قالىپتاسۋ جولىندا قانداي تۇلعانىڭ ايانباي ەڭبەك ەتكەنىن جادىندا ساقتاۋىنا ۇلەسىن قوسادى. 1-جەلتوقسان قازاقستاننىڭ شەجىرەسىندە ۇلكەن مانگە يە، سوندىقتان اتالمىش كۇننىڭ تۇڭعىش پرەزيدەنت كۇنى رەتىندە تويلانۋى زاڭدى قۇبىلىس. ءوز حالقىنا قولىنان كەلگەن جاقسىلىقتىڭ ءبارىن جاساپ جاتقان ەلباسىمىزبەن ماقتانامىن. وسىنداي ىرگەلى مەملەكەتتى باسقارۋ ءۇشىن اسقان كورەگەندىك، ءبىلىم، ادامگەرشىلىك كەرەك. وسى قاسيەتتەردىڭ بارلىعى تال بويىنا توعىسقان ەلباسىمىز – حالقىمىزدىڭ ەڭ تاڭداۋلى ادامى. ءبىر دانىشپاننان: «دۇنيەدە كىم باقىتتى؟» – دەپ سۇراپتى. سوندا دانىشپان: «ەلىن باقىتقا كەنەلتكەن ادام باقىتتى»، – دەگەن ەكەن. حالىقتىڭ دامۋىنا سارا جول سالعان، قازاقستاندىقتاردى باقىتقا كەنەلتكەن ءقادىرلى ەلباسى، سىزدەن اسقان باقىتتى ادام جوق شىعار مىنا دۇنيەدە؟
نۇرسۇلتان اتامىز ات قۇلاعىندا ويناپ، شاحماتتان «مات» قويىپ، دومبىرانى كۇمبىرلەتە كۇي تارتىپ، انشىلىك ونەرىن دە بويىنا تۇندىرعان. ءبىز باقىتتى بالالىق شاقتى باستان كەشتىك. اتا - انامىزعا ەركەلەدىك، دوستارىمىزبەن الاڭسىز وينادىق. ال جاس ەلباسىنىڭ بالالىق شاعى ەل ومىرىندەگى قيىن كەزەڭدەرمەن تۇسپا - تۇس كەلدى. ءبىراق اجە ونەگەسى، انا ءتالىمى مەن اكە تاربيەسى ونىڭ بالا جاستان شيراق، باتىل بولۋىنا ىقپال ەتتى. قازاق حالقىندا ءۇيدىڭ تىرەگى اكە دەپ سانالادى عوي، ال نۇرسۇلتان ءابىش ۇلى – ەلىنىڭ تىرەگى، حالقىنىڭ قورعانى، تىنىشتىعىن ساقتاۋشى. اكە بالاسىنا قالاي قامقور بولسا، ول كىسى حالقىنا سولاي قامقور، ءبارىمىزدىڭ اكەمىزدەي.
جەر بەتىندە ەلىنىڭ تاۋەلسىزدىگىن، حالقىنىڭ بوستاندىعىن ويلامايتىن جۇرت جوق شىعار؟ بۇل تاۋەلسىزدىك – باسقا قونعان ب ا ق، استىعا تيگەن تاق. باقتى باعالاعان حالىقتى باستايتىن تاق يەسى دە بولۋى كەرەك دەپ ويلايمىن. باستى بىرىكتىرەر باسشىسىز ەل بولۋ قيىن. تاۋەلسىزدىگىمىزدى العاننان كەيىن حالىقتىڭ باسىن بىرىكتىرىپ، ءوز الدىنا ەل قىلۋدى ويلاعان نۇرسۇلتان ءابىش ۇلى نازاربايەۆ قازاق حالقىنىڭ تۇڭعىش پرەزيدەنتى بولدى. سول كىسىنىڭ باستاۋىمەن ەلىمىز الەمگە تانىلدى.
قازاقستان رەسپۋبليكاسىنىڭ ءاربىر ازاماتى تاۋەلسىز ەلىن ماقتان تۇتاتىن ءجونى بار. اتا - بابالارىمىزدىڭ عاسىرلار بويى اڭساپ وتكەن تاۋەلسىزدىككە قول جەتكىزگەلى بەرى تالاي - تالاي اسقارلى اسۋلار باعىندى. ەلىمىزدە ۇلتتار دوستىعى قانات جايىپ كەلەدى. بۇل جەتىستىكتە ءسوز جوق ەلىمىزدىڭ تۇڭعىش پرەزيدەنتى نۇرسۇلتان ءابىش ۇلى نازاربايەۆتىڭ سىڭىرگەن ۇلكەن ەڭبەگى بار. باسشى باسقارعان ەل - ەڭ باي مەملەكەت، حالقى - ەڭ باقىتتى حالىق. ەلباسىمىزدىڭ جىل سايىنعى حالىققا جولداۋى – ءبىزدىڭ اداسپايتىن جولىمىز، ايقىن باعدارىمىز. ەلباسىنىڭ ءاربىر سوزىندە ءمان – ماعىنا بار. ءتالىم الار، تاعىلىم بولارلىق قۇندىلىقتار جەتەرلىك. تاۋەلسىزدىكتىڭ جيىرما جەتى جىلىندا ەلىمىز الەمگە تانىلدى. عالام باعالايتىن قۋاتتى ەلگە اينالدىق. ەلباسى جاسوسپىرىمدەرگە «ەلىمىزدىڭ ەرتەڭى – سەندەرسىڭدەر، سوندىقتان قازاقتىڭ تاريحىن بىلىڭدەر، ساباقتى جاقسى وقىڭدار دەپ ءارقاشان وسيەت ايتادى. ءقازىر مەنى «بولاشاقتا ەلىم ءۇشىن نە ىستەي الامىن؟» دەگەن وي تولعاندىرادى. ال وسى سۇراققا جاۋاپتى تەك كوپ ىزدەنۋ مەن مول ءبىلىمنىڭ ارقاسىندا تابۋعا بولاتىنىن تۇسىنەمىن. سوندىقتان مەنىڭ باستى ماقساتىم – تالماي وقۋ، ءبىلىمنىڭ بيىك شىڭدارىن باعىندىرۋ.
مەن وسىنداي داناگوي، اسىل قاسيەتكە باي ەلدە دۇنيەگە كەلگەنىمە، قازاق ەكەنىمە ماقتانامىن جانە ەلىمىزدى ەل ەتىپ، جەرىمىزدى جەر ەتىپ، ولشەۋسىز ەڭبەك ەتۋىنىڭ ارقاسىندا، قازاقستاندى الەمدىك بيىك بەلەستەرگە كوتەرۋگە ولشەۋسىز ارەكەت ەتىپ جاتقان ەلباسىنا ەرەكشە ىلتيپاتپەن قارايمىن.
ەلباسىنىڭ ەلەۋلى ىستەرىن ءبىر شىعارمانىڭ بارىسىندا قامتۋ مۇمكىن ەمەس. سوندىقتان بۇكىل ۇلتىمىزدىڭ ايبىندى ابىرويى، كيەسى اتانا العان ەلباسىمىزدى ماقتان ەتە وتىرىپ، بىزدەر، وسكەلەڭ جاس ۇرپاق، ونىڭ ارمانىن ىسكە اسىراتىن تىرەگى بولىپ، ەلىمىزدىڭ كوك بايراعىن بيىكتەتە بەرەيىك!
ەلىمىز تىنىش، حالقىمىز امان، تاۋەلسىزدىگىمىز تۇعىرلى بولسىن دەگەن نيەتپەن ءوز ويىمدى جۇرەكجاردى ولەڭ جولدارىمەن اياقتاعىم كەلەدى:
گۇلدەنسىن، كوركەيسىن جەرىمىز،
باقىتتى بولسىن تەك ەلىمىز.
ەلباسىم - ەلىمنىڭ تىرەگى،
بىرگەمىز، ماڭگىلىك ءبىر ەلمىز.
ورىنداعان: مۇقاش جانسايا، 8 سىنىپ وقۋشىسى، 14 جاس
جەتەكشى: گۇلجيان سەرىكباي قىزى بەگايداروۆا
You Might Also Like
-
تۋعان جەر-تۇڭعان شەجىرە "تۋعان ەلدىڭ ءتۇتىنى كۇيەسىز" دەيدى عوي؟ استە، سۇڭقار دا قياسىن،تورعاي دا ۇياسىن اڭسايتىنى بەلگىلى عوي. سەبەبى سول تابيعاتتىڭ زاڭى وسى. عۇمىر-داريامىزدا ولشەۋسىز...
-
قازاق باتىرلارىنىڭ جەڭىسى ۇلتىمىزدىڭ جادىندا ماڭگى بولماق. سوعىسقا قاتىسۋشىلاردىڭ ەرلىگى ەش ۇمىتىلماس. سوعىس-اتاۋى قۇلاققا جاعىمسىز،استى قايعى-قاسىرەتكە تولى قارالى، ۇرەيلى ءسوز. وسى ايقاستا جاۋدى ج...
