وقۋلىقتاردى لاتىن قارپىندە باسىپ شىعارۋعا بيۋدجەت قاراجاتى شىعىندالمايدى
وقۋلىقتاردى لاتىن تىلىندە باسىپ شىعارۋعا بيۋدجەت قاراجاتى شىعىندالمايدى. بۇل تۋرالى بۇگىن ورتالىق كوممۋنيكاسيالار قىزمەتىندەگى باسپا ءسوز ءماسليحاتىندا ق ر بعم مەكتەپكە دەيىنگى جانە ورتا ءبىلىم دەپارتامەنتىنىڭ ديرەكتورى شولپان كارينوۆا ايتتى.
«ءنولىنشى سىنىپ وقۋلىقتارى 2020 جىلدان باستاپ لاتىن الىپبيىندە باسىپ شىعارىلادى. ءبىز بۇل جايىندا بۇعان دەيىن ايتقانبىز. وعان مەملەكەتتەن ەشقانداي قاراجات شىعىندالمايدى. ويتكەنى، وقۋلىق دايىنداۋ باسەكەلەستىك ورتاعا بەرىلگەن. بۇگىنگى كۇنى باسپالار بۇل ماسەلەمەن اينالىسىپ جاتىر. تولىقتاي العاندا «الىپپە» مەن ورىس تىلىندەگى «بۋكۆاردىڭ» 5 وقۋلىعى اپروباسيادان وتكىزىلىپ جاتىر. قازىرگى ۋاقىتتا پەداگوگتاردىڭ اتالعان وقۋلىقتارمەن تانىسۋعا مۇمكىندىكتەرى بار»، - دەدى ول.
دەپارتامەنت باسشىسىنىڭ ايتۋىنشا، باسپالار وقۋلىقتاردى لاتىن الىپبيىندە باسىپ شىعارۋدى 2025 جىلعا دەيىن كەزەڭ-كەزەڭىمەن جۇرگىزەدى.
«2020 جىلعا دەيىن ۋاقىت بار، باسپالار جۇمىس ىستەيدى. قاجەتتى پەداگوگيكالىق ساراپتاما جۇرگىزىلەدى. لاتىن الىپبيىنە كوشۋ 2025 جىلعا دەيىن جوسپارلانعان جانە وقۋلىقتاردى ساتىپ الۋعا، سونىمەن قاتار پەداگوگتاردىڭ بىلىكتىلىگىن ارتتىرۋعا عانا جىل سايىن قارجى شىعىستارى قاراستىرىلاتىن بولادى. جالپى، بعم لاتىن الىپبيىنە كوشۋ جونىندەگى جۇمىس توبىنىڭ قۇرامىنا كىرەدى. تەرمينولوگيا، مەتودولوگيا جونىندەگى كوميسسيالاردىڭ بىرنەشە وتىرىسى ءوتتى. لاتىنعا كوشۋدىڭ ۇلكەن جوسپارى ازىرلەنۋدە. اتالعان جوسپاردا وقۋشىلاردى وقۋلىقتارمەن قامتاماسىز ەتۋ، پەداگوگتەردى دايىنداۋ ماسەلەلەرى كوزدەلگەن»، - دەدى شولپان كارينوۆا.
قازاقپارات
You Might Also Like
-
ق ر بعم مەكتەپكە دەيىنگى جانە ورتا ءبىلىم دەپارتامەنتىنىڭ ديرەكتورى شولپان كارينوۆا 3، 6 جانە 8 سىنىپقا ەنگىزىلەتىن جاڭا وقۋلىقتاردىڭ ءداستۇرلى وقۋلىقتاردىڭ ايىرماشىلىعىن ايتىپ بەردى.
-
№16 كوللەدج ج-56 توپ ستۋدەنتى اناپيا سۇلتان قارمىس ۇلى جەتەكشىسى: پانتايەۆ ەركەعالي سادىق ۇلى
