InfoHub Logo

ق ر بعم مەكتەپكە دەيىنگى جانە ورتا ءبىلىم دەپارتامەنتىنىڭ ديرەكتورى شولپان كارينوۆا 3، 6 جانە 8 سىنىپقا ەنگىزىلەتىن جاڭا وقۋلىقتاردىڭ ءداستۇرلى وقۋلىقتاردىڭ ايىرماشىلىعىن ايتىپ بەردى.

«جاڭا وقۋلىقتاردىڭ ءداستۇرلى وقۋلىقتاردان وزگەشەلىگى جاڭارتىلعان وقۋ مازمۇنىنىڭ تۇجىرىمداماسىمەن بايلانىستى. وندا دايىن كۇيدە ەستە ساقتاۋعا ارنالعان ماتىندەردىڭ، تەوريالىق ماتەريالداردىڭ ازايتىلعاندىعى انىقتالدى. ىزدەنۋگە جانە سىني تۇرعىدا ويلانۋعا يتەرمەيلەيتىن، وقۋشىلاردى شىعارماشىلىق ىزدەنىسكە تالاپتاندىراتىن تاپسىرمالاردىڭ، ماتىندەردىڭ كوبەيتىلگەندىگى بايقالادى.  ومىرمەن بايلانىستى جانە وقۋشىنىڭ وزىندىك جۇمىس جاساۋىنا كوپ جاعداي جاسالعان، وقۋلىقتاعى ماتەريالدار دياگرامما، گرافيكا، كەستە، ينفوگرافيكا تۇرىندە كوپتەپ بەرىلگەن. جاڭارتىلعان ءبىلىم بەرۋ مازمۇنىنداعى  شيىرشىقتاپ كۇردەلەندىرۋ ۇستانىمى بەكىتىلدى»، - دەدى شولپان كارينوۆا بۇگىن وكق وتكەن باسپا ءسوز ءماسليحاتىندا.

ونىڭ ايتۋىنشا، بۇگىنگى كۇنى مينيسترلىك جاڭا وقۋلىقتاردى اپروباسيادان وتكىزۋدە 5 ساتىلىق جۇيەمەن جۇمىس ىستەۋدە. ەڭ الدىمەن اتالعان وقۋلىقتار رەسپۋبليكالىق عىلىمي-پراكتيكالىق وقۋلىق ورتالىعىندا پەداگوگيكالىق  جانە عىلىمي ساراپتامادان وتكىزىلدى.

«2017 جىلدىڭ قىركۇيەك ايىندا كەلەسى وقۋ جىلىندا ەنگىزىلەتىن وقۋلىقتار قوعامدىق باقىلاۋ پورتالىنا ورنالاستىرىلدى. ايتا كەتەرلىگى، اتالعان پورتالعا 500-دەن استام ادام  كىرەدى. 4500-دەن استام ەسكەرتۋلەر مەن  ۇسىنىستار ءتۇستى. ولاردىڭ بارلىعى دا وقۋلىق ازىرلەپ جاتقان باسپالارعا جىبەرىلىپ وتىردى جانە ءتيىستى وزگەرىستەر ەنگىزىلدى. بۇگىنگى كۇنى پاندىك كوميسسيالار ەكىنشى وتىرىستارىن باستادى. ولاردىڭ قۇرامدارى 180 ادامعا تولىقتىرىلدى. كوميسسيا مۇشەلەرى كەلەسى وقۋ جىلىندا وقۋ تىزبەسىنە ەنگىزىلەتىن  وقۋلىقتاردى انىقتاۋ جۇمىسىن جۇرگىزىپ جاتىر»، - دەدى دەپارتامەنت باسشىسى.

فوتو: ktk.kz

قازاقپارات

---