InfoHub Logo

1 ماۋسىمدا ەلىمىزدىڭ وقۋشىلارى حالىقارالىق بالالاردى قورعاۋ كۇنىمەن قاتار سوڭعى قوڭىراۋ مەرەكەسىن اتاپ وتەدى. بۇل تۋرالى ق ر وقۋ-اعارتۋ مينيسترلىگى ورتا ءبىلىم كوميتەتىنىڭ ءتوراعاسى گۇلميرا كارىموۆا ايتتى.

«قازاقستاندا وقۋ جىلىنىڭ ۇزاقتىعى 36 اپتا. ءداستۇر بويىنشا وقۋ جىلى 1 قىركۇيەكتە باستالىپ، بيىلدان باستاپ 31 مامىردا اياقتالادى»، - دەدى گ. كارىموۆا مينيسترلىكتىڭ تەلەگرام كانالىندا جاريالانعان تۇسىنىكتەمەسىندە.

ونىڭ ايتۋىنشا، 31 مامىر – وقۋ جىلىنىڭ سوڭعى كۇنى. بۇل كۇنى ەلىمىزدىڭ مەكتەپتەرىندە وقۋشىلاردىڭ جاس ەرەكشەلىكتەرىن ەسكەرە وتىرىپ، ساياسي قۋعىن-سۇرگىن قۇرباندارىن ەسكە الۋ كۇنىنە ارنالعان سىنىپتان تىس ساعاتتار وتكىزىلەدى. 1 ماۋسىمدا ەلىمىزدىڭ وقۋشىلارى حالىقارالىق بالالاردى قورعاۋ كۇنىمەن قاتار سوڭعى قوڭىراۋ مەرەكەسىن اتاپ وتەدى.

بۇدان بۇرىن حابارلانعانداي، كەشەگى ءماجىلىستىڭ جالپى وتىرىسىندا دەپۋتات امانجول ءالتاي مەكتەپتەردەگى سوڭعى قوڭىراۋ كۇنىن 30 مامىرعا نەمەسە 1 ماۋسىمعا اۋىستىرۋدى سۇرادى.

«ەلىمىزدە 31 مامىر اشارشىلىق جانە ساياسي قۋعىن-سۇرگىن قۇرباندارىن ەسكە الۋ كۇنى بولىپ بەلگىلەندى. بۇل كۇنى الاش ارىستارىنىڭ رۋحىنا جاساپ جۇرگەن قۇرمەتىمىز ولاردىڭ ەسكەرتكىشتەرى مەن مەموريالدىق ورىندارعا گۇل شوعىن قويۋدان اسپاي تۇر. ق ر وقۋ-اعارتۋ ءمينيسترىنىڭ 2022 جىلعى 12 تامىزداعى № 363 بۇيرىعىنا سايكەس، ورتا ءبىلىم بەرەتىن مەكتەپتەردەگى سوڭعى قوڭىراۋ 31 مامىر بولىپ بەكىتىلىپ وتىر. الاش ارىستارىنىڭ اماناتىن ۇرپاق ساناسىنا سىڭىرۋگە ءتيىس مينيسترلىكتىڭ 31 مامىر كۇنىنىڭ ماڭىزىنا ءمان بەرمەگەنى قانداي وكىنىشتى؟! ارىستارىمىزدىڭ رۋحىنا ءبىر كۇندى دە تولىق قيماي، اپىل-عۇپىل ازا تۇتقانسىپ، ىلە-شالا توي تويلاپ، دۋمانداتىپ كەتە بەرەتىن بولساق، ەلدىگىمىز قايسى؟! سوندىقتان مەكتەپتەردەگى سوڭعى قوڭىراۋ كۇنىن 30 مامىرعا، نە بولماسا 1 ماۋسىمعا اۋىستىرۋ كەرەك. بۇل – ەشقانداي تالقىلاۋدى قاجەت ەتپەيتىن ادىلەتتى تالاپ»، - دەدى ا. ءالتاي ۇكىمەت باسشىسىنىڭ ورىنباسارى التاي كولگىنوۆتىڭ اتىنا جولداعان ساۋالىندا.

---