ورالداعى №11 مەكتەپتە بالالاردىڭ جاپپاي تاماقتان ۋلانۋىنا بايلانىستى ءتيىستى شارالار الىندى
ورال. قازاقپارات - وتكەن جىلعى قازان ايىنىڭ سوڭى مەن قاراشانىڭ باسىندا ورال قالاسىنداعى دارىندى بالالارعا ارنالعان مامانداندىرىلعان س.سەيفۋللين اتىنداعى №11 وبلىستىق مەكتەپ-ينتەرنات كەشەنىندە بالالاردىڭ جاپپاي تاماقتان ۋلانۋىنا بايلانىستى ءتيىستى شارالار الىندى.
بقو ءبىلىم باسقارماسىنىڭ ءبولىم باسشىسى ءحاجاربيبى يسكانداروۆانىڭ ايتۋىنشا، ورال قالالىق تۇتىنۋشىلار قۇقىعىن قورعاۋ باسقارماسىنىڭ سانيتارلىق-ەپيدەميولوگيالىق تەكسەرۋ اكتىسىنە سايكەس اسحانانىڭ 16 قىزمەتكەرى جۇمىسىنان بوساتىلىپ، ورنىنا جاڭادان ادامدار الىندى. قىزمەتتىك مىندەتتەرىن دۇرىس اتقارماعانى ءۇشىن مەكتەپ ديرەكتورى مەن 7 قىزمەتكەر تارتىپتىك جاۋاپكەرشىلىككە تارتىلدى.
قازىرگى كەزدە اتالمىش مەكتەپتە 943 وقۋشى ءبىلىم السا، سونىڭ 570ء-ى تەگىن تاماقپەن قامتاماسىز ەتىلگەن. بۇلاردىڭ ىشىندە 214ء-ى ينتەرناتتا جاتادى، 296-سى - باستاۋىش سىنىپ شاكىرتتەرى، 60-ى - الەۋمەتتىك جاعىنان از قامتىلعان وتباسى بالالارى، جەتىمدەر، اتا-انا قامقورلىعىنسىز قالعاندار. قالعان وقۋشىلارعا بۋفەتتە اقىلى قىزمەت كورسەتىلەدى.
ايتا كەتەيىك، وبلىستىق ىشكى ىستەر دەپارتامەنتىنىڭ باسپا ءسوز قىزمەتىنەن تۇسكەن مالىمەتكە قاراعاندا، وسى وقيعاعا قاتىستى قوزعالعان قىلمىستىق ءىس بويىنشا تەرگەۋ ءالى اياقتالعان جوق.
inform.kz
You Might Also Like
-
بۇل فوتو 2009 جىلى تۇسىرىلگەن، ءبىراق، مۇنى عالىمدار تەك ءقازىر جاريالاپ وتىر.
-
جاۋاپتار 5 باللدىق جۇيەمەن ەسەپتەلەدى. تەك شىن جاۋاپ بەرۋىڭىز قاجەت، سەبەبى، ءسىز ءۇشىن ماڭىزدى:
