قازاقستاندا ءبىلىم بەرۋ سالاسىنداعى كەز كەلگەن كەمسىتۋشىلىك جويىلاتىن بولادى
استانا. قازاقپارات - بۇگىن پارلامەنت سەناتىنىڭ جالپى وتىرىسىندا پالاتا دەپۋتاتتارى «ءبىلىم بەرۋ سالاسىنداعى كەمسىتۋشىلىككە قارسى كۇرەس تۋرالى كونۆەنسيانى راتيفيكاسيالاۋ تۋرالى» ق ر زاڭىن قابىلدادى. كونۆەنسيا 1960 جىلى 14 جەلتوقساندا پاريج قالاسىندا جاسالعان. ايتا كەتەرلىگى، كونۆەنسيانى كەڭەستەر وداعى 1962 جىلى راتيفيكاسيالاعان بولاتىن. قازىرگى تاڭدا قازاقستان تاۋەلسىز مەملەكەت رەتىندە كونۆەنسياعا قوسىلعالى وتىر. بۇل رەتتە قازاقستاننىڭ كونستيتۋسياسى مەن بارلىق زاڭناماسى كونۆەنسيا ەرەجەلەرىنە سايكەس كەلەتىنىن اتاپ وتۋگە بولادى.
كونۆەنسيانىڭ ماقساتى ادام قۇقىقتارىنىڭ جاپپاي ساقتالۋىن جانە بارلىعىنىڭ ءبىلىم الۋعا تەڭ قولجەتىمدىلىگىن قامتاماسىز ەتۋ ءۇشىن ۇلتتار اراسىنداعى ىنتىماقتاستىقتى ورناتۋ، سونىمەن بىرگە، ءبىلىم بەرۋ سالاسىنداعى كەز كەلگەن كەمسىتۋشىلىكتى جويۋ بولىپ تابىلادى. جالپىعا بىردەي مۇمكىندىكتەر تەڭدىگى مەن وسى سالاداعى بارلىعىنا بىردەي قارىم-قاتىناستى كوتەرمەلەۋ قاراستىرىلادى.
بۇل رەتتە كونۆەنسياداعى «كەمسىتۋشىلىك» ءسوزى ءناسىلى، ءتۇر-تۇسى، جىنىسى، ءتىلى، ءدىنى، ساياسي نەمەسە وزگە دە نانىمدارى، ۇلتتىق نەمەسە الەۋمەتتىك تەگى، ەكونوميكالىق جاعدايى نەمەسە تۋۋ بەلگىلەرى بويىنشا كەز كەلگەن ايىرماشىلىقتى، جوققا شىعارۋدى، شەكتەۋدى نەمەسە ارتىقشىلىق بەرۋدى قامتيدى. ونىڭ ماقساتى نەمەسە سالدارى ءبىلىم بەرۋ سالاسىنداعى قارىم-قاتىناس تەڭدىگىن جويۋ بۇزۋ بولىپ تابىلادى.
كونۆەنسياعا قاتىسۋشى مەملەكەتتەر ءبىلىم بەرۋ سالاسىنداعى مۇمكىندىكتەر مەن قارىم-قاتىناستار تەڭدىگىن جۇزەە اسىرۋ ءۇشىن ۇلتتىق جاعدايلار مەن سالت-داستۇرلەرگە سايكەس كەلەتىن ادىستەردى پايدالاناتىن جالپى مەمەلكەتتىك ساياساتتى ازىرلەۋگە، دامىتۋعا سەپتىگىن تيگىزەدى. بۇل رەتتە باستاۋى ءبىلىم بەرۋدى مىندەتتى جانە تەگىن ەتۋگە، ورتا ءبىلىمدى ونىڭ ءتۇرلى نىساندارىن جالپىعا بىردەي يگىلىك ەتۋگە جانە ونڭى جالپىعا بىردەي قولجەتىمدىلىگىن قامتاماسىز ەتۋگە جاعداي جاسايدى.
مەملەكەت باستاۋىش ءبىلىمىن الماعان نەمەسە ونى اياقتاماعان ادامداردى جانە اركىمنىڭ قابىلەتتەرىنە سايكەس ولاردىڭ ءبىلىم الۋدى جالعاستىراتىن ءبىلىم بەرۋدىڭ لايىقتى ادىستەرىمەن كوتەرمەلەۋگە جانە دامىتۋعا مىندەتتى بولادى. وقىتۋشى كاسىبىنە دايارلىقتى كەمسىتۋشىلىكسىز قامتاماسىز ەتۋگە جاعدايلار جاسايدى.
«اتالعان كونۆەنسياعا قازاقستاننىڭ قاتىسۋى ءبىلىم بەرۋ سالاسىنداعى حالىقارالىق قاۋىمداستىقپەن ىقپالداستىقتىڭ ماڭىزدىلىعىن كورسەتەدى. قازاقستاننىڭ وسى سالاداعى حالىقارالىق نورمالاردى ساقتاۋدى جانە ۇستاناتىنىن دالەلدەيدى»، - دەدى ءبىلىم جانە عىلىم ءمينيسترى اسلان ءسارىنجىپوۆ.
پارلامەنت قابىلداعان زاڭ مەملەكەت باسشىسىنىڭ قول قويۋىنا جولدانادى.
inform.kz
You Might Also Like
-
سەرىكبايەۆا زاۋرەش شايحيسلام قىزى
-
قىتايدىڭ حان ديناستياسىنىڭ التىنشى يمپەراتورىنىڭ قابىرىنەن تابىلعان شايدى الەمدەگى ەڭ ەجەلگى شاي دەپ ساناۋعا بولادى. جاپىراقتارىنىڭ جاسى شامامەن 2150 جىلدى قۇرايدى.
