ورتا ءبىلىم بەرۋ مەكەمەلەرىندە 2016-2017 وقۋ جىلىنىڭ باستالاتاتىن ۋاقىتى بەلگىلەندى - ق ر بعم
ق ر ءبىلىم جانە عىلىم ءمينيسترىنىڭ 2016 جىلعى 27 شىلدەدەگى بۇيرىعىمەن ورتا ءبىلىم بەرۋ مەكەمەلەرىندە جاڭا وقۋ جىلىنىڭ باستالاتىن ۋاقىتى جانە وقۋ بارىسىنداعى كانيكۋلدار ۇزاقتىعى بەلگىلەندى.
بۇيرىقتا اتاپ كورسەتىلگەندەي، 2016 جىلدىڭ 1 قىركۇيەگىندە بۇكىل قازاقستاندىق مەكتەپتەردە، مەنشىك نىساندارىنا جانە ۆەدومستۆولىق باعىنىشتىلىعىنا قاراماستان، 2016/2017 وقۋ جىلى باستالادى.
وقۋ جىلىنىڭ ۇزاقتىعى مەكتەپالدى دايىندىق سىنىپتارىندا 32 وقۋ اپتاسىن، 1-سىنىپتاردا - 33 وقۋ اپتاسىن، 2-11 (12)-سىنىپتاردا - 34 وقۋ اپتاسىن قۇرايدى.
وقۋ جىلى بارىسىنداعى كانيكۋلدار ۇزاقتىعى مەن كۇنى بەلگىلەندى.
وقۋشىلاردىڭ كۇزگى دەمالىسى 7 كۇنگە سوزىلادى (2016 جىلعى 31 قازاننان - 6 قاراشانى قوسا العاندا)، قىسقى - 10 كۇن (2016 جىلعى 30 جەلتوقساننان - 2017 جىلعى 8 قاڭتاردى قوسا العاندا)، كوكتەمگى - 13 كۇن (2017 جىلعى 21 ناۋرىزدان - 2 ءساۋىردى قوسا العاندا).
مەكتەپالدى سىنىپتاردا كوكتەمگى كانيكۋل 15 كۇنگە سوزىلادى (2017 جىلعى 21 ناۋرىزدان - 4 ءساۋىردى قوسا العاندا). سونداي-اق، مەكتەپالدى دايارلىق سىنىپتارىنىڭ وقۋشىلارى مەن 1-سىنىپ شاكىرتتەرىنە قوسىمشا 7 كۇن (2017 جىلعى 1 اقپاننان 7 اقپاندى قوسا العاندا) كانيكۋل بەلگىلەنەدى.
جازعى كانيكۋلدىڭ باستالۋ كۇنى مەن سوزىلۋ مەرزىمى 2016/2017 وقۋ جىلىنىڭ اياقتالۋى جونىندەگى مينيسترلىك بۇيرىعىندا بەلگىلەنەدى.
2016 جىلعى 1 قىركۇيەكتە بارلىق مەكتەپتەرىندە قازاقستان رەسپۋبليكاسى تاۋەلسىزدىگىنىڭ 25 جىلدىعىنا جانە قازاقستان رەسپۋبليكاسى كونستيتۋسياسى كۇنىنە ارنالعان سالتاناتتى جيىن بولادى. سونىمەن قاتار بۇكىل رەسپۋبليكا بويىنشا «ماڭگىلىك ەل» پاتريوتتىق اكتىسى شەڭبەرىندە «مەن ءوز وتانىمنىڭ پاتريوتىمىن» ءبىرىڭعاي ءبىلىم بەرۋ ساباعى وتكىزىلەدى.
You Might Also Like
-
جاڭا وقۋ جىلىنىڭ باستالۋىنا دا ءبىر اي قالدى، دەپ جازادى «ايقىن» گازەتى.
-
2016 جىلعى وقۋ گرانتتارى ءۇشىن تالاپكەرلەر كوبىرەك تاپسىرعان ماماندىقتاردىڭ اراسىندا گەوگرافيا جانە العاشقى اسكەري دايىندىق مۇعالىمدىگى تانىمال بولدى. بۇل تۋرالى بۇگىن استانا ءبىلىم گرانتتارىن ءبولۋ ج...
