InfoHub Logo

ساباقتىڭ تاقىرىبى: وسى شاق
بىلىمدىلىك ماقساتى: وقۋشىلارعا ەتىستىكتىڭ وسى شاعىنىڭ نەگىزىن مەڭگەرتۋ.
دامىتۋشىلىق ماقساتى: جاتتىعۋ جۇمىستارى ارقىلى وقۋشىلاردىڭ تانىم
قابىلەتىن دامىتۋ، قورىتىندى جاساي بىلۋگە داعدىلاندىرۋ.
وزىندىك وي - پىكىرىن قالىپتاستىرۋ.
تاربيەلىك ماقساتى: ەتىستىكتىڭ شاقتارىن اجىراتا بىلۋگە ۇيرەتە وتىرىپ، ساباق مازمۇنى ارقىلى پاتريوتتىققا، ادامگەرشىلىككە، تاپقىرلىققا تاربيەلەۋ.
ساباقتىڭ ءتۇرى: ارالاس ساباق
ادىستەرى: ءتۇسىندىرۋ، سۇراق - جاۋاپ، بايانداۋ
كورنەكىلىگى: سلايدتار توپتاماسى، گلوبۋس، ساۋالناما، تىرەك سىزبا، سەمانتيكالىق كارتا

ساباق بارىسى:
ءى. ۇيىمداستىرۋ
1. قازاق ءتىلى - بال ءتىلىم.
ءوزىڭ باردا شالقىدىم.
تىلىممەن بىرگە سامالمىن،
تىلىمە كىم تاعار ءمىن؟!
2. ساباقتىڭ كەزەڭدەرىمەن تانىستىرۋ.
1 - كەزەڭ. وتكەنگە شولۋ نەمەسە ءسوز سىرى
2 - كەزەڭ. بىلگەنگە مارجان.
3 - كەزەڭ. ىزدەن، تاپ
4 - كەزەڭ. نە ءبىلدىم؟ نە ۇيرەندىم؟

ءىى. وتكەندى پىسىقتاۋ (1 - كەزەڭ. وتكەنگە شولۋ نەمەسە ءسوز سىرى)
- 24 - جاتتىعۋ
«ءبىز بەيبىتشىلىكتى سۇيەمىز» تاقىرىبىندا اڭگىمە قۇراۋ
سۇراق:- قازاقستاندا قانداي ۇلت وكىلدەرى تۇرادى ەكەن؟
- ءبىز قانداي مەملەكەتپىز؟
- ەلباسىمىز ءوز جولداۋىندا: «ءبىز وتكەنىمىزدى ۇمىتپاي، كەلەشەگىمىزدى ويلاۋىمىز كەرەك. بۇگىنىمىزدى باعدارلاپ، جاستارىمىزعا ونەگەلى تاربيە مەن ساپالى ءبىلىم بەرۋىمىز كەرەك»دەگەن ەدى. وسى سوزدەگى وتكەنىمىز، كەلەشەگىمىز، بۇگىنگىمىز دەپ قاي كەزەڭدەردى ايتىپ وتىر؟

ءىىى. جاڭا ساباق:
وسى شاق ونىڭ تۇرلەرى (2 - كەزەڭ. بىلگەنگە مارجان)
ەتىستىكتىڭ وسى شاعى قيمىل مەن ءىس - ارەكەتتىڭ ءقازىر بولىپ جاتقانىن بىلدىرەدى: كورىپ وتىر، ءوسىپ تۇر.
وسى شاق ەتىستىكتەر نە ىستەپ وتىرمىن (جاتىرمىن، تۇرمىن، ءجۇرمىن)؟، نە ىستەپ وتىرسىڭ (جاتىرسىڭ، تۇرسىڭ، ءجۇرسىڭ)؟، نە ىستەپ وتىر(جاتىر، تۇر، ءجۇر)؟ دەگەن سۇراقتارعا جاۋاپ بەرەدى.
مىسالى:
مەن دوستارىممەن تاۋەلسىزدىك مونۋمەنتىنىڭ قاسىندا تۇرمىن.(ناق وسى شاق)
ءبىز، قازاق جاستارى، ءومىرىمىزدىڭ جاقسى بولاتىنىنا سەنەمىز.(اۋىسپالى وسى شاق)

3 - كەزەڭ. «ىزدەن، تاپ»
1) كوركەم جازۋ
مەن تاۋەلسىز مەملەكەتتە ءومىر ءسۇرىپ جاتىرمىن.
2) جاتقا جازۋ 25 - جاتتىعۋ
قايرات قايراق قايراپ وتىر.
قايراقپەن بالتا قايراپ وتىر
- ەتىستىكتىڭ استىن سىز، ولارعا سۇراق قوي
- ەتىستىكتى ءۇش جاقتا جەكەشە، كوپشە تۇردە جىكتە
- بۇلار قاشان بولعان ءىستى ءبىلدىرىپ تۇرعانىن ايت
(جۇپتىق تەكسەرۋ.)

3) ويلان، تاپ. 26 - جاتتىعۋ
- بەرىلگەن سوزدەردى پايدالانىپ، سويلەم قۇراپ وقى
- ەتىستىكتەردى تاپ، ولارعا سۇراق قوي
بالالار، سەندەر بۇل كەزەڭ بويىنشا دا ءوز بىلىمدەرىڭدى كورسەتە بىلدىڭدەر. «ىزدەگەن جەتەر مۇراتقا»دەگەندەي ءارقاشان ىزدەنۋدەن شارشاماڭدار.

4) سەرگىتۋ ءساتى
كەز - كەلگەن جان - جانۋاردى، تابيعات قۇبىلىستارىن وسى شاقتاعى قيمىل ءىس - ارەكەت ارقىلى بەينەلەۋ.

5) توپتىق جۇمىس 27 - جاتتىعۋ
بەرىلگەن سىزباعا سايكەس سويلەمدەر قۇراستىرىپ جاز.
ءى قاتار
______ ______ ______ ويناپ ءجۇر.
ءىى قاتار
______ ______ ______ _______ جيناپ جاتىرمىن.
ءىىى قاتار
______ ______ ______ جاتتاپ وتىر.

6) كورۋ ديكتانتى 28 - جاتتىعۋ
سويلەمدەردى كوشىرىپ جاز.

قىس. قاتتى جەل سوعىپ تۇر. اكەم مالدى ىققا بايلاپ جاتىر. اسقار وعان كومەكتەسىپ ءجۇر. اجەم سيىر ساۋىپ وتىر.

- سويلەم مۇشەسىنە تالدا. بايانداۋىشتىڭ وسى شاقتا تۇرعانىن دالەلدە.
7) كىم جىلدام؟ 29 - جاتتىعۋ
- جۇمباقتى وقىپ، شەشۋىن تاپ

كوك قاربىزىم قويعان جەردە بيىك تۇر،
سول قاربىزعا بۇكىل الەم سيىپ تۇر.
- ەتىستىكتىڭ قاي شاقتا تۇرعانىن ايت.
8) شىعارماشىلىق تاپسىرما.

گلوبۋس دەگەنىمىز...
گلوبۋس دەگەنىمىز - جەردىڭ ءدال ۇلگىسى. ياعني جەردىڭ بارىنشا كىشىرەيتىلىپ جاسالعان ءدال ۇلگىسى گلوبۋس دەپ اتالادى. گلوبۋس - لاتىن تىلىندە شار دەگەن ءسوز. گلوبۋستا جەر شارى ونداعان ميلليون ەسە كىشىرەيتىلىپ الىنادى.
گلوبۋس حV عاسىردان باستاپ شىعارىلا باستالعان.