پاۆلودارلىق روبوت قۇراستىرۋشى 18 كوماندا ءوز جۇمىستارىن ۇسىندى
پاۆلوداردا م. كاتايەۆ اتىنداعى وقۋشىلار سارايىندا روبوت تەحنيكاسى بويىنشا وبلىستىق جارىس ءوتتى، دەپ حابارلايدى pavlodarnews.kz.
شاراعا وڭىردەگى جالپى ءبىلىم بەرەتىن جانە مامانداندىرىلعان مەكتەپ وقۋشىلارى مەن قوسىمشا ءبىلىم بەرۋ ۇيىمدارىنىڭ تاربيەلەۋشىلەرىنەن، كوللەدج ستۋدەنتتەرىنەن قۇرالعان 18 كوماندادا 40-قا جۋىق ونەرتاپقىش قاتىستى.
«قازروبوتيكس» قب ۇيىمداستىرعان چەمپيونات اياسىنداعى جارىستا جاس ورەندەر «سىزىقتار بويىنشا جارىستار»، «كەگەلرينگ»، «روبوسۋمو» كەزەڭدەرىندە ءوز جۇمىستارىن ۇسىندى. سونىمەن قاتار، «سلالوم» بويىنشا تاعى ءبىر كوماندا ب ا ق سىناۋدا. جەڭىمپازدار بيىلعى جىلى كۇز مەزگىلىندە وتەتىن چەمپيوناتتا پاۆلودار وبلىسىنىڭ نامىسىن قورعايتىن بولادى. كوماندالار جاس ەرەكشەلىگىنە قاراي 10-16 جانە 17-25 ارالىعىندا ەكى كاتەگوريا بويىنشا شەبەرلىك بايقاستى. مۇندا العاش رەت لەگو، اردۋنيو جانە قولدان جاسالعان ءتۇرلى قۇرىلىمدىق پلاتفورمالار بىرىكتىرىلگەن. رەسپۋبليكادا ءبىر مىڭعا جۋىق ونەرتاپقىش روبوت جاساۋمەن اينالىسادى. ءبىزدىڭ فەدەرسيانىڭ تىزىمىنە وسى سالا جاقسى دامىپ كەلە جاتقان اقتوبە، الماتى، ورال، پەتروپاۆل، شىمكەنت، قىزىلوردا، استانا، اتىراۋ جانە پاۆلودار وڭىرلەرى كىرەدى، - دەيدى «قازروبوتيكس» ءبىلىم بەرۋ جانە سپورتتىق روبوت تەحنيكاسىنىڭ قازاق فەدەراسياسى» ءقب-نىڭ پرەزيدەنتى ايجان جەكەيەۆا. جارىستىڭ قورىتىندىسى بويىنشا پاۆلودار كولىك جانە كوممۋنيكاسيا كوللەدجىنىڭ ستۋدەنتتەرى ولەگ چەرنىشيەۆ، نيكيتا سەكرەتاريەۆ، ارتەم كيريليۋس، ەرمۇرات تەلەگەنوۆ، ولەسيا پەترەنكو، انتون پومورزين، ولەسيا پەترەنكو، م. كاتايەۆ اتىنداعى وقۋشىلار سارايىنىڭ تاربيەلەنۋشىلەرى الەكساندر پۋحا جانە شاحنازار قاناپيا، قىزدارعا ارنالعان وبلىستىق قازاق-تۇرىك ليسەيىنىڭ وقۋشىلارى ءمادينا تاۋپىقوۆا جانە دانيا ورالوۆا ءبىرىنشى ورىندى يەلەندى.
You Might Also Like
-
الماتىدا ق ر ۇلتتىق كىتاپحاناسىندا جەڭىس كۇنىنە وراي «ونەگەلى ءومىر» سەرياسىنان «باۋىرجان مومىش ۇلى» تۋرالى جاڭا كىتاپتىڭ تۇساۋى كەسىلدى.
-
ءمۇعالىم ەرەكشە ويدىڭ ارقاسىندا ارتقى پارتاعا قاشاتىن، ناشار وقيتىن وقۋشىلارعا ءبىلىمنىڭ قانشالىقتى ماڭىزدى ەكەنىن تۇسىندىرە الدى.
