InfoHub Logo

برونكستىق ءمۇعالىم ستيۆەن ريتس (StephenRitz) قاتارداعى قاراپايىم ءمۇعالىم رەتىندە قىزمەت ىستەپ جۇرگەن. الايدا ونىڭ ومىرىندە ۇلكەن تراگەديا ورىن الادى، بالاسىنىڭ عۇمىرى قىرشىننان قيىلادى.

بۇل اۋىر قازا ونى قاتتى وزگەرتتى، ءبىراق ستيۆەن ەڭسەسىن تۇسىرمەدى. كوپ ۇزاماي ستيۆەن ءوز اۋدانىنداعى جاعدايى ناشار بالالارعا كومەكتەسۋگە بەل بۋادى. وسى ويمەن ول وقۋشىلاردىڭ 17%-ى عانا ورتا ءبىلىم تۋرالى كۋالىك الاتىن، ال قالعانى ساباققا بارماي، ءبىتىرۋ ەمتيحانىنان وتە المايتىن بالالار وقيتىن مەكتەپكە ءمۇعالىم بولىپ ورنالاسادى.

مەكتەپتە زورلىق-زومبىلىق، كەيدەيلىك جايلاعان، بالالاردىڭ كوبى اش بولاتىن. ستيۆەننىڭ شاكىرتتەرىنىڭ 99%-ى تەگىن تاماققا ءزارۋ بولعان ەدى.

برونكس اۋدانىندا تۇراتىن ادامداردىڭ دەنساۋلىققا پايدالى تاعام الۋعا جاعدايى جوق. تۇرعىنداردىڭ كوبى كىشكەنتاي دۇڭگىرشەكتەردەن ارزان تاماق الىپ ۇيرەنگەن، ال كوبى ءتىپتى فاستفۋدتى ءجون كورەدى.

تاعام جەتىسپەۋشىلىك فيزيكالىق اۋرۋمەن قاتار، پسيحولوگيالىق پروبلەمالار تۋدىرادى، سەبەبى بالا بۇگىن ءنار تاتاتىنىنا سەنىمدى بولمايدى.

بىردە ستيۆەننىڭ باسىنا تاماشا وي كەلەدى. بىرەۋ وعان ناركەس جۋاشىقتارى سالىنعان قوراپتى سىيعا تارتادى. ول ونى بالالار ءبىر-بىرىن اتىپ ويناماسىن دەپ سىنىپتاعى جىلۋ قۇبىرىنىڭ ارتىنا تىعىپ قويادى. ۋاقىت وتە كەلە جۋاشىقتار ءوسىپ، گۇلگە اينالادى، ال ولاردىڭ ءوسۋ پروسەسى وقۋشىلارعا جاقسى اسەر ەتەدى.

وسى پروسەسس ستيۆكە وي سالادى: ەگەر بالالارعا ناركەستىڭ گۇلدەۋى ۇناسا، دەمەك باسقا وسىمدىكتەردىڭ دە ءوسۋى ۇناۋ كەرەك – مىسالى جەۋگە بولاتىن كوكونىستەر مەن شوپتەر. باسقاشا ايتقاندا، بالالار ءوز تاعامدارىن مەكتەپتە وسىرە الاتىن ەدى.

وسىلايشا بالالار مەن جاسوسپىرىمدەرگە دۇرىس تاماقتانۋدى ۇيرەتەتىن، كوكونىستەر مەن شوپتەردى ءوز بەتىڭشە وسىرۋگە مۇمكىندىك بەرەتىن Green Bronx Machine قايىرىمدىلىق ۇيىمىنىڭ نەگىزى قالانادى. بالالار ءونىمدى وزدەرى عانا جەمەي، وتباسىمەن ءبولىسۋ ءۇشىن ۇيىنە الىپ كەتە الاتىنداي دا بولدى.

بۇگىندە وسى ۇيىمنىڭ ارقاسىندا برونكستا عانا ەمەس، نيۋ-يورك بويىنشا دا، اقش-تىڭ باسقا قالالارىندا دا مەكتەپ ىشىندەگى باقتار مەن جىلىجايلار قۇرىلعان. بۇل بالالارعا دۇرىس تاماقتانۋعا مۇمكىندىك بەرىپ، جاسوسپىرىمدەردى ەڭبەكتەنۋگە باۋليدى. بۇدان وزگە، جاس باعبانداردىڭ ۇلگەرىمى مەن ساباققا قاتىسۋ كورسەتكىشى ءبىرشاما ارتقان. ءستيۆتىڭ سىنىبىندا بۇل كورسەتكىش 40 %-دان 93%-عا ارتقان، ال كەيىن ونىڭ بارلىق وقۋشىسى ءبىتىرۋ ەمتيحانىنان وتكەن.

ستيۆەن ريتس ءوزىنىڭ ونەرتابىسى — «جاسىل قابىرعانىڭ» اياسىندا. بۇل جەردە سالات پەن باسقا دا كوك ءشوپتى سىنىپتا وسىرۋگە مۇمكىندىك بار.

---