كوللەدج ستۋدەنتتەرى ءۇشىن وقۋ دا، تاماق تا، شاكىرتاقى دا تەگىن بولادى
ق ر ءبىلىم جانە عىلىم ۆيسە-مينيسترى ەلميرا سۋحانبەردييەۆانىڭ ايتۋىنشا، بۇگىندە تەگىن كاسىپتىك-تەحنيكالىق ءبىلىم بەرۋدىڭ جاڭا مەحانيزمى ازىرلەندى. سونىڭ اياسىندا جاستاردى جۇمىسشى ماماندىقتارمەن بارىنشا قامتىپ، ءاربىر ستۋدەنتكە شاكىرتاقى، ءتىپتى تەگىن تاماق بەرۋ جۇيەسىن ەنگىزۋ كوزدەلىپ وتىر، دەپ حابارلايدى قازاقپارات ءتىلشىسى.
بۇگىنگى تاڭدا رەسپۋبليكا بويىنشا ورنالاسقان 807 كوللەدجدە 498 مىڭ ادام ءبىلىم الۋدا. سولاردىڭ ىشىندە 97 مىڭ ادام جۇمىسشى ماماندىقتارىندا وقيدى. بۇل - بارلىق ستۋدەنتتەردىڭ تەك 20 پايىزى عانا. ولار تەگىن ءبىلىم الىپ جاتىر. ال قالعان 80 پايىزى ورتا بۋىن ماماندىقتارىن يگەرىپ ءجۇر. ەندى، اتالعان اراسالماقتى وزگەرتىپ، جۇمىسشى ماماندىقتارعا باسىمدىق بەرۋ كوزدەلىپ وتىر. وعان تۇسكەن جاستار ورتا بۋىن ماماندىقتارىن دا تەگىن ءتامامداي الادى. ءسويتىپ، ەكى بىردەي ماماندىقتى الىپ شىعۋعا مۇمكىندىك بار.
«گرانتتار الدىمەن جۇمىسشى ماماندىقتارىنا بولىنەدى. قالعانى باسقا ماماندىقتار اراسىندا تاراتىلادى. ماسەلەن، بولاشاقتا جاڭا جۇيەمەن160 مىڭ ادام قامتىلسا، 40 مىڭ ادام جۇمىسشى ماماندىقتارىنا قابىلدانادى. وسى مەحانيمزگە سايكەس، تەحنيكالىق، تەحنولوگيالىق جانە اۋىل شارۋاشىلىعى ماماندىقتارىنىڭ بارلىعى تەگىن بولادى. ماسەلەن، بۇرىن اسپاز بولعىسى كەلەتىن بالا الدىمەن وسى ماماندىقتى اياقتاپ، سودان كەيىن تەحنولوگ بولاتىن. ەندىگى كەزەكتە، تەحنولوگ بولۋ ءۇشىن ول ەكى بىردەي ماماندىقتى الادى. الدىمەن تومەنگى ساتىدان باستايدى دا، ورتا بۋىن ماماندىقپەن بىرگە ءبىتىرىپ شىعادى»، - دەدى ە. سۇحانبەردييەۆا بۇگىن دەپۋتاتتارعا جاڭا جوبانى تانىستىرۋ ءراسىمى كەزىندە.
ونىڭ ايتۋىنشا، مينيسترلىكتىڭ نەگىزگى ماقساتى - جۇمىسشى ماماندىقتارى بويىنشا مامان دايارلاۋدى ەكى ەسەگە ارتتىرۋ. «ول ءۇشىن ىستىق تاماق، شاكىرتاقى، جول ءجۇرۋ اقىسى، جاتاقحانا تۇرىندە الەۋمەتتىك قولداۋدى قاراستىرۋ قاجەت. ءبىز جۇمىسشى ماماندىقتار ءبىلىم الاتىن 90 مىڭداي ستۋدەنتتى ىستىق تاماقپەن قامتاماسىز ەتۋدى جوسپارلاپ وتىرمىز. قازىرگى كەزدە وسى ماسەلە ۇكىمەتتە قارالىپ جاتىر. قازىرگى ۋاقىتتا مەملەكەتتىك تاپسىرىس بويىنشا ۇزدىك وقيتىن ستۋدەنتتەر ستيپەنديا الاتىن بولسا، جاڭا جوباعا سايكەس، بارلىق جۇمىسشى ماماندىقتار بويىنشا وقيتىندار ستيپەنديامەن قامتاماسىز ەتىلەدى»، - دەيدى ۆيسە-مينيستر. اتالعان شارالارمەن جۇمىسسىز جۇرگەن جاستار، سونداي-اق وقۋدان شىعىپ كەتكەندەر دە قامتىلادى.
بۇدان بولەك، كوللەدجدەردە وقيتىن جاستاردى جاتاقحانامەن قامتۋ كورسەتكىشى تومەن بولىپ تۇر. قازىرگى سۇرانىس 13 مىڭ ورىندى قۇراپ وتىر. بارلىق ستۋدەنتتەردى جاتاقحانامەن قامتاماسىز ەتۋ ءۇشىن 200 ورىندى 69 جاتاقحانا سالۋ قاجەت. اتالعان ماسەلەگە جەرگىلىكتى بيلىك ورگىندارىنا تاپسىرىلىپ وتىر.
You Might Also Like
-
وسكەمەندىك ءمۇعالىم وقۋشىلارىنىڭ اتا-انالارىنا جاڭا گادجەتكە اقشا جيناۋ تۋرالى ۇسىنىس جاساعان، دەپ حابارلادى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ...
-
برونكستىق ءمۇعالىم ستيۆەن ريتس (StephenRitz) قاتارداعى قاراپايىم ءمۇعالىم رەتىندە قىزمەت ىستەپ جۇرگەن. الايدا ونىڭ ومىرىندە ۇلكەن تراگەديا ورىن الادى، بالاسىنىڭ عۇمىرى قىرشىننان قيىلادى.
