InfoHub Logo

دۇنيەتانۋ. 2 سىنىپ
ساباقتىڭ تاقىرىبى: وسىمدىك مۇشەلەرى جانە ونىڭ قىزمەتى. تامىر.
ساباقتىڭ ماقساتى:
بىلىمدىلىگى: وسىمدىك مۇشەلەرى جانە ونىڭ اتقاراتىن قىزمەتى، تامىر تۋرالى تۇسىنىك قالىپتاستىرۋ؛ وسىمدىكتىڭ قورشاعان ورتاعا پايداسى، ادام ومىرىنە ماڭىزى جانە ەكولوگيالىق تاربيە نەگىزدەرىن قالىپتاستىرۋ.
دامىتۋشىلىعى: وقۋشىلاردىڭ اقىل – ويىن، ەستە ساقتاۋ، ويلاۋ، ءتىل بايلىقتارىن، تانىمدىق بەلسەندىلىكتەرىن دامىتۋ.
تاربيەلىگى: وقۋشىلاردى ۇيىمشىلدىققا، تازالىققا، ەڭبەكقورلىققا، تابيعاتتى سۇيۋگە، ايالاۋعا تاربيەلەۋ.
ءتۇرى: جاڭا ساباقتى مەڭگەرتۋ.
ءادىسى: سۇراق – جاۋاپ، ءتۇسىندىرۋ، تالداۋ، توپتاستىرۋ، توپتىق جۇمىس، 5 جول ولەڭ ءادىسى، سەمانتيكالىق كارتا.
ءپانارالىق بايلانىس: انا ءتىلى، بەينەلەۋ.
كورنەكىلىگى: سۋرەتتەر، سىزبالار.

ساباقتىڭ بارىسى:
1. ۇيىمداستىرۋ كەزەڭى.
ا). ساباققا دايىندىق.
ءا). وقۋشىلاردىڭ نازارىن ساباققا اۋدارۋ.
2. پسيحولوگيالىق دايىندىق.

3. وتكەن تاقىرىپتى ەسكە ءتۇسىرۋ. (سۇراق – جاۋاپ ارقىلى).
- تابيعات دەگەنىمىز نە؟
- تابيعات نەشەگە بولىنەدى؟
- ءتىرى تابيعاتقا جاتاتىنداردى اتا.
- ءولى تابيعاتقا جاتاتىنداردى اتا.
4. ءۇي تاپسىرماسىن تىزبەكتەي سۇراۋ.

(ءۇي تاپسىرماسىن سۇراق – جاۋاپ ارقىلى قورىتىندىلاۋ).
5. جاڭا ساباقتى مەڭگەرتۋ.
وسىمدىك مۇشەلەرى جانە ونىڭ اتقاراتىن قىزمەتى جايلى تۇسىنىك بەرۋ. تامىر – ونىڭ تۇرلەرى جايلى سۋرەت ارقىلى ءتۇسىندىرۋ. سونىمەن بىرگە وسىمدىكتىڭ ءتىرى – اعزا ەكەنىن ايتا وتىرىپ، ەلىمىزدىڭ، قالامىزدىڭ كوركەيۋىنە، اۋانىڭ تازا بولۋىنا ەلباسىمىز ەرەكشە كوڭىل ءبولىپ وتىرعانىن ايتۋ. قازىرگى تابيعاتتىڭ، ەكولوگيانىڭ ناشارلاپ، ورمان القاپتارىندا وسىمدىكتەردىڭ ازايۋىنا بايلانىستى مەملەكەتتىك “جاسىل ەل ” باعدارلاماسىنىڭ ورنى ەرەكشە. ەلباسىمىزدىڭ باعدارلاماسى بويىنشا قالانى كوركەيتۋ، جىل سايىن اعاشتار وتىرعىزۋ جۇمىستارى العا قويعان ماقساتتاردىڭ ءبىرى بولىپ وتىر.

6. توپتاستىرۋ. (وسىمدىك مۇشەلەرىن سۋرەتتەر ارقىلى توپتاۋ).
وسىمدىك مۇشەلەرى
↓
ساباق
جاپىراق
گۇل
جەمىس
تۇقىم
تامىر

تامىر - وسىمدىكتىڭ نەگىزگى جانە جەر استىنداعى مۇشەسى. ول وسىمدىكتى توپىراقتا بەكىتىپ ۇستايدى جانە توپىراقتاعى ىلعالدى بويىنا سىڭىرەدى. تامىر ارقىلى وسىمدىك قورەك الادى.

7. وقۋلىقپەن جۇمىس.
ءماتىندى تىزبەكتەي وقۋشىلارعا وقىتۋ.

8. داپتەرمەن جۇمىس.
تامىر تۇرلەرى
↓
تىك تامىر
ۇزىن تامىر
شاشاق تامىر

9. سەرگىتۋ ءساتى:
جەل تۇردى،
جاپىراقتار تەربەلدى.
جاڭبىر سىركىرەدى،
جاڭبىر قۇيىپ كەتتى.
جاڭبىر باسىلدى،
كۇن اشىلدى.

10. توپتىق جۇمىس.
1 – قاتار - وسىمدىكتىڭ تابيعاتقا، ادام ومىرىنە پايداسى.
2 – قاتار - وسىمدىك تۋرالى اڭگىمە جازۋ.
3 – قاتار - وسىمدىكتىڭ سۋرەتىن سالۋ.

11. سەمانتيكالىق كارتا.
اتاۋلار ------------ ءولى تابيعات ---- ءتىرى تابيعات
اسپان
ادام
جەر
ارىستان
گۇل
جانۋار
اي
وسىمدىك
دارىگەر
كول

12. “ بەس جول ولەڭ ” قۇراستىرۋ.
1. نە؟ گۇل.
2. قانداي؟ ادەمى، حوش ءيىستى.
3. نە ىستەيدى؟ وسەدى، گۇلدەيدى، قۋرايدى.
4. سويلەم. گۇل ادامعا قۋانىش سىيلايدى.
5. ماندەس ءسوز. وسىمدىك.

13. ساباقتى قورىتىندىلاۋ.
وسىمدىكتەردىڭ مۇشەلەرى جانە ونىڭ اتقاراتىن قىزمەتى جايلى، تامىردىڭ تۇرلەرىمەن تانىستىق.
تابيعاتسىز ادامداردىڭ كۇنى جوق،
مۇنى ايتۋعا تابيعاتتىڭ ءتىلى جوق، - دەپ اقىن اعالارىمىز جىرلاعانداي،
تابيعاتتى، وسىمدىكتەر مەن جان – جانۋارلاردى قورعاپ، ايالايىق.

14. باعالاۋ.
15. ۇيگە تاپسىرما: ءماتىندى وقۋ، تابيعاتتىڭ سۋرەتىن سالۋ.