وتباسى - باقىت پەن شاتتىقتىڭ مەكەنى
وتباسى... وتباسى دەگەن نازىك تە جۇرەك تەبىرەنتەر ءسوزدى ەستىگەن كەزدە كوز الدىما اسقار تاۋ-اكەم، اياۋلى-انام، بار باعىم-باۋىرلارىم، ءبىر سوزبەن ايتقاندا جانىما جاقىن جاندارىم ەلەستەيدى. «جانۇياسىز ادام-جەمىسسىز اعاش سەكىلدى» دەگەندەي مەن وتباسىمسىز ءوز ءوزىمدى ەلەستەتە المايمىن دا. بارىم دا نارىم دا-وتباسىم. وتباسىمدا ءتورت ادام بولسا دا،وسى ءتورت ادام مەنىڭ اياۋلى دا ارداقتى اسىلدارىم. وسى ءتورت ادامنان بيىك تۇرار ەشكىم جوق.
اكەم-اسقار تاۋىم. مەنى ماقتايتىن دا،بار ەركەلىكتەرىمدى كوتەرەتىن دە، اندا ساندا ءبىر ۇرسىپ الاتىن دا-اكەم. «قىز بالا اكەسىنە جاقىن بولادى» دەگەن راس ەكەن. ءبىر اعاتتىق جاساسام دا،ءبىر زات قاجەت بولسا دا ىلعي اكەمە ايتامىن. «اكەدەن-اقىل،انادان-مەيىر» دەگەندەي وتباسىمىزدا اكەم ءارقاشان دا ءوز اقىلىن ايتىپ وتىرادى.وتباسىدا اكە ەرەكشە ءرول اتقارادى. سەبەبى:اكە وتباسىنىڭ بار اۋىرتپالىعىن كوتەرىپ، بارلىق جاعدايىن جاساپ، بالاعا تالىم-تاربيە ۇيرەتىپ وتىراتىن ادام. قىز بالالار كوبىنەسە «اكەمنىڭ قىزىمىن» دەپ ماقتانا ايتادى. بۇل ارينە «قىز بالا اكەگە جاقىن بولادى» دەگەن ءسوزدى راستايدى. وتباسىدا ەشكىم اكەنىڭ ورنىن باسا المايدى. سەبەبى: اكەمىز ءبىزدىڭ اقىلشىمىز دا،قورعانىمىز دا، تىرەگىمىز دە.
ءومىر جولدىڭ بولسا دا كوپ استارى،
اكەلەرمەن بيىك ەلدىڭ اسپانى.
قاشاندا دا قۇرمەت تۇتقان انالار
شاڭىراقتىڭ يەسى ولار،باستاۋى.
سولار جايلى بولسا كەيدە جىر باسى،
دەيدى مە اكە ۇرپاققا سىر تىڭداشى.
وزگەرسە دە ۋاقىتتىڭ سان ورنەگى،
الاسارماس اكەلەردىڭ تۇلعاسى!
عابيدەن قوجاحمەتتىڭ وسى ولەڭ جولدارىن ءوز اكەمە ارناعىم كەلەدى.
«اناسىز ۇي-كوڭىلسىز كۇي» دەپ قازاق دانالارى بەكەر ايتپاعان. انا-وتباسىنىڭ جۇرەگى. مەنىڭ انام-جانىما جاقىن،اسىل جاندى ارداقتى ادامىم. كىشكەنە كەزىمنەن باستاپ مەنىڭ قاسىمنان تابىلىپ، ءتۇن ۇيقىسىن ءتورت بولگەن، ماعان بارلىق ىزگى قاسيەتەردى ۇيرەتكەن- انام بولاتىن. انا ءسوزى ماڭگى جۇرەگىمدە ساقتالادى جانە ەشقاشان وشپەيدى. انا دەگەن ءسوزدى ەستىگەن كەزدە ەت-جۇرەگىم ەلجىرەپ، ءاپ ساتتە انام ەسىمە تۇسەدى. ارينە،قىز بالانىڭ اكەسىنە ايتا المايتىن بولەك سىرلارى بولادى. وسى سىرلارىمدى بۇكپەسىز اناما ايتامىن. قازىرگە ساتتە انام مەنىڭ دوسىم،قۇربىم،سىرلاسىم. انام قاشان دا ءوزىنىڭ تاجىريبەلەرىمەن ءبولىسىپ،ماعان ۇيرەتىپ وتىرادى. انامدى شىن جۇرەگىممەن جاقسى كورەمىن!
نۇرىن شاشقان كۇنىمسىڭ عوي جان انام،
بار شۋاعىن بالاسىنا ارناعان.
ءبىر وزىڭنەن قۋات الىپ ومىردە
سەنىڭ سالعان سارا جولدى جالعاعام. بەريكبولوۆا بەكزاتتىڭ وسى ولەڭ جولدارىن جان اناما ارنايمىن.
بار اسىلدارىم- باۋىرلارىم. مەنىڭ جالعىز عانا اعام بار.اعام مەنىڭ اكەمنەن كەيىنگى قورعانىشىم،تىرەگىم،قورعاۋشى باتىرىم. ماعان ءوزىنىڭ اقىلىن ايتىپ،دۇرىس ەمەس ىستەرىمدى ەسكەرتىپ وتىرادى. اعام مەنىڭ ءارقاشاندا قورعاۋشىم،باتىرىم،تىرەگىم بولىپ قالا بەرەدى. «اعاسى باردىڭ جاعاسى بار» دەگەندەي اعام مەنىڭ ءارقاشاندا قولداۋشىم.
مىنە، وسى ءۇش-اق ادامنىڭ مەنىڭ ومىرىمدە الاتىن ورنى وتە ەرەكشە. وسى ءۇش ادامدى شەكسىز جاقسى كورەمىن. «وتباسىنىڭ ءسانى-سىيلاستىق» دەگەندەي ءار وتباسىدا بىرلىك،تاتۋلىق،سىيلاستىق،سۇيىسپەنشىلىك بولۋ مىندەتتى. دۇنيەدەگى بارلىق ادامدارعا ايتارىم وتباسىمىزدى سىيلايىق،جاقسى كورەيىك، قۇرمەتتەيىك،ءارقاشان دا ءقادىرىن بىلەيىك. دۇنيەدە وتباسىمىزدىڭ ورنىن ەشكىم دە،ەش نارسە دە باسا المايدى.
قاراتوبە مەكتەپ-گيمنازيا
دايىنداعان:عابدوللايەۆا گۇلنازىم قايرات قىزى
جەتەكشىسى:ەسەتوۆا اقگۇل قارشىعا قىزى
You Might Also Like
-
بالا تاربيەسىنىڭ ەڭ ۇلكەنى-ونى ەڭبەككە باۋلۋ. ەڭبەكشىل جاس قانا ەڭ ۇزدىك ازامات بولىپ قالىپتاسادى.
-
قۇندىلىق-سىزگە ءبىر زاتتىڭ. ماڭىزدىلىعىمەن پايدالىلىعى.ال ءسىز قۇندىلىقتى قالاي تۇسىنەسىز؟ارينە قۇندى زاتتار،قۇندى مالىمەتتەر دەپ ويلاۋىنىز مۇمكىن.يا ءار ادامنىن ءوز قۇندىلىعى بولادى .ءسىشش س...
