InfoHub Logo

تۋعان ەل.... تۋعان جەر... وسى ەكى سوزدە عانا قانشاما وي،ماعىنا جاتىر دەسەڭىزشى؟ تۋعان جەردىڭ ءقادىرىن اركىم ءارقالاي تۇسىنەتىن شىعار. تۋعان جەرگە دەگەن سۇيىسپەنشىلىك ءوز ءۇيىڭدى،ءوز شاڭىراعىڭدى قادىرلەۋدەن باستالادى. وتباسىڭدا بويىڭا دارىعان جاقسى قاسيەتتەر وسە كەلە تۋعان جەرگە دەگەن سۇيىسپەنشىلىككە اينالادى. اقىندار جىرعا قوسىپ جىرلاعانداي،تۋعان جەر ماعان كۇش-قۋات بەرىپ،ءوز ولكەمنىڭ جاناشىرى بولۋىنا شاقىرادى.مەن ءوز بالالىق شاعىمدى وتكىزگەن اياۋلى مەكەنىم تۋعان جەرىمدى ىستىق سەزىممەن،شىن جۇرەگىممەن سۇيەمىن. مەن ءۇشىن تۋعان جەر دۇنيەدەگى ەڭ ۇلى دەگەن نارسەلەرمەن پارا-پار.سەبەبى-مەنى جىلىتىپ الپەشتەپ وسىرگەن انام،ايالاپ وسىرگەن اكەم،اعا-اپكەلەرىم،تۋعان-تۋىستارىم،دوستارىم،ماعان ءبىلىم بەرىپ،ءبىلىم جولىنا جەتەلەگەن ۇستازدارىم،دۇنيەگە كەلگەن جەرىم. مەنىڭ وتانىم-اسا ۇلكەن بولماسا دا،مەن ءۇشىن اسا قىمبات،ءارى كيەلى جەر-ورال قالاسى. وسى مەكەندە مەن ءوزىمنىڭ بەيكۇنا،كوڭىلدى دە شاتتىققا تولى،ۋايىمسىز بالالىق شاعىمدى وتكىزدىم. تۋعان ولكەم-ورالىمنىڭ اۋاسى،العاش بالاباقشاعا كەلگەن كۇندەرىم،مەكتەپ تابالدىرىعىن العاش قادام باسقان ساتتەرىم،سىنىپتاستارىم مەن دوستارىممەن وتكىزگەن ءار ۋاقىتىم،تانىستىعىم.. ءبارى دە ءالى ەسىمدە. تۋعان جەردىڭ اۋاسى دا،سۋى،جايلاعان جاسىل جەلەگى،كۇنى مەن ءتۇنى،دالاسى ىستىق بولىپ كەلەدى. تۋعان جەرىمىزدەن جىراققا،الىسقا كەتسەڭ تۋعان جەرىمىزدى،ءۇيىمىزدى ساعىنىپ وتىرامىز. تەزىرەك قايتا ورالاتىن كۇندى اسىعا كۇتەمىز. قايتا ورالعان ساتتە ءوزىڭدى باقىتتى سەزىنەسىڭ.تۋعان جەردىڭ ساعان قانشالىقتى قىمبات ەكەنىن سول ۋاقىتتا تۇسىنەسىڭ. شىقشى تاۋعا،قاراشى كەڭ دالاعا، ءماز بولاسىڭ، ۇقسايسىڭ جاس بالاعا. ول شەتى مەن بۇ شەتىنە جۇگىرسەڭ شارشايسىڭ با،قۇنارىڭ ءبىر قانا ما؟-دەپ قاسىم امانجولوۆ اتامىز ولەڭ جولدارىمەن جىرلاعانداي «تۋعان جەردىڭ ءقادىرىن،شەتتە جۇرسەڭ بىلەرسىڭ. سوندىقتان-دا مەن بارشا ازامات پەن ازاماتشالاردى تۋعان جەردى سۇيۋگە، قاستەرلەۋگە،قورعاۋعا شاقىرامىن. ءار ادام ءوز ەلى،جەرى ءۇشىن جانىن قيۋعا دايىن بولۋى ءتيىس. وتان قادىرىنە جەتپەگەن،ءوز قادىرىنە جەتپەيدى.

قاراتوبە مەكتەپ-گيمنازياسىنىڭ 8ب-سىنىپ وقۋشىسى كۋلاكان جۇلدىز

جەتەكشىسى:التايەۆا جايناگۇل

---