وتەگەننىڭ اراشا ءتۇسۋى
بىردە قىستاۋباي دەگەن كەدەي ادام قوڭىرداعى داۋىن شەشتىرۋ ءۇشىن ابىلايعا كەلەدى. ابىلاي قىستاۋبايدى تىڭداپ بولعان سوڭ:
— بۇل داۋىڭدى شەشسەم، ماعان نە بەرەسىڭ؟ — دەپ سۇرايدى.
قىستاۋباي:
— تاقسىر، مەنىڭ ءسىز الۋعا جارايتىن نەم بار دەيسىز؟ — دەيدى.
ابىلاي:
— سەنىڭ ون تورتكە كەلگەن بويجەتكەن قىزىڭ بار. سول قىزىڭدى اقبەردىگە بەرەسىڭ، ول ەلۋگە جاڭا شىقتى، ءوزى باي، باسىنىڭ تازى جازىلماي جۇرگەنى بولماسا، قىزىڭا لايىق، دۇرىس ادام ەمەس پە؟ — دەيدى.
«سوندا ءبىر داۋدى شەشۋ ءۇشىن جاپ-جاس بالامدى ءوزى كارى، ءوزى تاز اقبەردىگە قور قىلمايىن، ودان دا وتەگەننەن بارىپ، اراشا-كومەك سۇرايىن» دەپ ويلاعان قىستاۋباي ابىلايعا:
— الديار، ۇيگە بارىپ قابىرعاممەن كەڭەسىپ كورەيىن، جاۋابىن سوسىن بەرەمىن، — دەيدى دە، ءوزى وتەگەن باتىردىڭ اۋىلىن ىزدەپ ءجۇرىپ كەتەدى.
ابىلايدان ءۇمىتى ءۇزىلىپ، تاۋى شاعىلعان قىستاۋباي وتەگەنگە كەلىپ، اراشا سۇرايدى. ابىلاي حانعا ءبىر اۋىز ايتىپ، اراشا ءتۇسۋىن، قىزىن اقبەردىگە قيمايتىنىن ايتادى.
وتەگەن قىستاۋبايدى ەرتىپ ابىلاي حانعا كەلەدى. ات ۇستىندە تۇرىپ:
— ابىلاي، سەن مىنا بەيشارانىڭ قوڭىرداعى داۋىن نەگە شەشپەي جىبەردىڭ؟ استى قورلاما قۇستىرادى، ەلدى قورلاما ساستىرادى. تىڭداماساڭ، تىڭداتتىرامىن، ەل قا- ناعان سەندەي تورەنى ايداپ ءجۇرىپ قۇرتتىرامىن! — دەپ، ات باسىن بۇرماستان ءجۇرىپ كەتىپتى. ابىلاي توقتا دەسە دە، توقتاماپتى. سودان ابىلاي قىستاۋبايدىڭ داۋىن ونىڭ پايداسىنا شەشكەن ەكەن.
وقۋعا كەڭەس بەرەمىز:
You Might Also Like
-
احمەت بايتۇرسىن ۇلى - قازاق ادەبيەتىنىڭ كورنەكتى وكىلى، قوعام قايراتكەرى. احمەت اتامىز قازاق ەلىنىڭ ماقتانىشى، ۇلتشىل جانداردىڭ بىرەگەيى جانە ءومىر شىندىعىن مەن قوعام شىندىعىن جەتكىزگەن ۇلت ۇستازى.
-
وتەگەن باتىردىڭ قارتايعان شاعى بولسا كەرەك. ءبىر كۇنى اڭ اۋلاۋعا شىققان ول قاسىنداعى از عانا اداممەن شۋ وزەنىنىڭ سالاسىنداعى كوكوراي شالعىنعا كەلىپ، تىنىعىپ وتىرادى. وسى ارادا سەرۋەن قۇرىپ، ەرىگىپ ج...
