InfoHub Logo

وتەگەن باتىردىڭ جالعىز قىزى ماقپال تۇرمىسقا شىعار الدىندا قۇدا تۇسكەن جىگىتى قايتىس بولىپ، قاينىسى وسىپ-جەتىلگەنشە بىرەر جىل ۇيدە وتىرىپ قالىپتى. سونان قايىن جۇرتى كەلىندى الىپ كەتۋگە كەلگەندە، ۇزاتىلىپ بارا جاتقان قىزىن وتەگەن باتىر شاقىرىپ الىپ:

— بالام، قۇداي قالاپ، قۇتتى ورنىڭا قونباقسىڭ، جاساۋىڭنان بولەك وسى ۇيدەن نە قالايسىڭ، كوڭىلىڭە جاققانىڭدى الا عوي! — دەپتى.

سونىمەن ماقپال ۇزاتىلىپ كەتكەن سوڭ، بىرنەشە كۇننەن كەيىن وتەگەن بايبىشەسىنەن قىزىنىڭ نە تاڭداعانىن سۇراپتى. ءبايبىشىسى:

— ماقپالجان التىن-كۇمىس، اسىل تاستاردى، قىمبات تا باعالى زاتتاردى ەمەس، سەنىڭ ەسكى تاقياڭدى ۇناتتى عوي، — دەيدى.

سويتسە، وتەگەن باتىردىڭ تالاي جورىقتارعا كيگەن ەسكى تاقياسى توردە ءىلۋلى تۇرادى ەكەن. ماقپالدىڭ كوزى سوعان ءتۇسىپ، ىرىم ەتىپ العان ەكەن.

مۇنى ەستىگەن وتەگەن باتىر:

— باسىمداعى باعىم قىزعا اۋدى. قىزدارىم العىر، وجەت، ۇلدارىم جۋاس بولادى-اۋ، — دەپ وكىنىپتى.

وسى ءسوزدىڭ جانى بار سياقتى. «وتەگەننىڭ قىزدارى وجەت، ەتى ءتىرى، ۇلدارى مومىن بولىپ كەلەدى» دەپ وتىرادى اۋىل قاريالارى.

 

---