وتىرىكتى انىقتاۋدىڭ ورتاعاسىرلىق ءادىسى
زاماناۋي دەتەكتوردىڭ اتاسى ورتا عاسىردا پايدا بولعان ەكەن. الايدا، قازىرگى پوليگراف ورتاعاسىرلىق وتىرىك دەتەكتورىنان ايتارلىقتاي ەرەكشەلەنەدى.
«اقيقات اۋزى» — ءريمنىڭ ەرەكشە جانە تانىمال ورىندارىنىڭ ءبىرى. ءبىر قىزىعى، وتىرىكشىلەر مۇندا ءالى دە بولسا ءبىرشاما قورقىنىشپەن كەلەدى ەكەن.
اۋىز Bocca della Verita الاڭىندا ورنالاسقان.
بۇل تاس ءمۇسىن (مەدالون) ماريا ين كوسمەدين شىركەۋىننىڭ قابىرعاسىندا ورنالاسقان. ءمۇسىن ءى عاسىرداعى ەجەلگى سۋبۇرقاقتىڭ بولىگى بولعان جانە پۇتقا تابىنۋشى قۇدايلاردىڭ ءبىرى وكەانۋستى بەينەلەگەن دەگەن بولجام بار. سونداي-اق، باسقا ءبىر دەرەك تيبر وزەنىنىڭ قۇدايىنىڭ بەينەسى دەگەن بولجامدى العا تارتادى.
شىنشىل اۋىز (اقيقات اۋزى) — ساقالدى ادامنىڭ بەت-جۇزىن بەينەلەيدى، ديامەترى 1،75 م بولاتىن دوڭگەلەك بەينە ءمارماردان جاسالعان. ونىڭ كوزدەرى دوڭگەلەك جانە اۋزىندا ۇلكەن تەسىك بار.
دوڭگەلەك ءمۇسىن ءبىزدىڭ داۋىرىمىزگە دەيىنگى IV عاسىردا جاسالعان دەپ بولجانۋدا، ال، XVII عاسىرعا دەيىن اشەكەي ەسەبىندە بولعان دەسەدى. ورتا عاسىردىڭ ىرىمشىل ادامدارى وتىرىك ايتقاندار ءمارمار مۇسىنگە قولىن سالۋ ارقىلى قاتاڭ جازاعا ۇشىرايتىنىنا، ياعني قولىنان ايىرىلاتىنىنا ءشۇباسىز سەندى.
بۇل بەينە جالعاندىقتى انىقتاۋ قاسيەتىنىڭ ارقاسىندا تانىمال بولدى. ءمۇسىننىڭ اۋزىنا قولىن سالىپ تۇرىپ جالعان سويلەسە، ءمۇسىن تىستەپ الادى دەگەن نانىم بولدى. ءتىپتى، ورتا عاسىرلاردا مەدالوننىڭ ارتىنا وتىرىك ايتىپ، كىناسى دالەلدەنگەندەردىڭ قولىن شابۋ ءۇشىن جازالاۋشى قويىلعان دەسەدى. سونىمەن قاتار، كۇمانشىل كۇيەۋلەر مۇندا ايەلدەرىن اكەلەتىن بولعان.
اقيقات اۋزىنىڭ تانىمالدىعى سونشا، كۇنى بۇگىنگە دەيىن بىرنەشە فيلمدە بوي كورسەتىپ ۇلگەردى. سونىڭ ءبىرى ودري حەپبەرن مەن گرەگوري پەك اكتەرلىق سومداۋىمەن كوپشىلىككە جول تارتقان «Roman Holidaۋ» ءفيلمى.
سوڭعى ۋاقىتتا ريمگە قاراپ ءار ءتۇرلى ەلدەردە اقيقات اۋزىنىڭ بەينەسى بار اۆتوماتتار پايدا بولدى، ءتىپتى، ءريمنىڭ كوپتەگەن جەرلەرىنەن ءمۇسىن بەينەلەنگەن كادەسىيدى ساتىپ الا الاسىز.
پانورمادان قاراۋ:
نازەركە اسەتوۆا
وقۋعا كەڭەس بەرەمىز:
فيزيكا زاڭدارىنىڭ ۇستەمدىگى جۇرمەيتىن 14 ءمۇسىن
جۇمباعى ءالى كۇنگە دەيىن اشىلماعان 13 تاريحي ەسكەرتكىش
You Might Also Like
-
دانا حالقىمىز «اتا-اناڭا نە قىلساڭ، الدىڭا سول كەلەر» دەگەن. اتا-اناعا قۇرمەت كورسەتۋ – اسىل پارىزىمىز. اتا-انا – ءاربىر ادامنىڭ قايتىپ سوعار قازىعى. وعان د...
-
كەشىرىم سۇراۋدىڭ ەڭ ۇلكەن جانە كىشىرەيۋدىڭ ەڭ اۋىر ءتۇرى «اياعىنا جىعىلۋ» دەپ اتالادى. مۇندا ايىپتى ادام جانىنا بەدەلدى ادامداردى ەرتىپ، كىنالى ادامىنان جۇرت الدىندا كەشىرىم سۇرايدى، كۇناس...
