ءوز اتىڭدى قالاي تابۋعا بولادى
— اپەندى، ساپارعا شىعىپ، باسقا ەلدەردى كورگىڭ كەلسە، بىزبەن بىرگە ءجۇر، — دەيدى بىردە ساۋداگەرلەر. قوجا قۋانىپ، كورشىسىنەن ات سۇراپ ءمىنىپ، جولعا شىعادى.
كەشكە قاراي تۇنەۋگە ايالداپ، اتتاردى جايىلۋعا بوس جىبەرەدى. تاڭەرتەڭ اپەندىنىڭ مازاسى قاشادى. جىلقىلاردىڭ ىشىنەن ءوزى ءمىنىپ كەلگەن اتتى ايىرا المايدى. بىلمەستىگىنە ۇيالىپ، قۋلىققا كەشىپتى. مىلتىقتى وقتاپ:
— اتتاردىڭ ىشىنە بوتەن ات كىرىپ كەتىپتى عوي. بارىپ اتىپ تاستايىن، — دەيدى جىلقىعا قاراي بەت الىپ.
مۇنى ەستىگەن ساۋداگەرلەر ءارقايسىسى ءوز اتىن اۋلاق اكەتپەك بولىپ، تۇرا جۇگىرەدى. ەڭ سوڭىندا ءبىر ات قالادى. اپەندى سوندا عانا وسى اتپەن كەلگەنىن ەسىنە تۇسىرگەن ەكەن.
You Might Also Like
-
ءبىر كۇنى قوجاناسىر ءۇيىن ساتپاق بولادى، ءبىراق يەلىك قاعازدا ءبىر شارت جازىلۋى قاجەت ەكەن. بۇل شارت بويىنشا، ۇلكەن بولمەدەگى شەگە قوجانىڭ يەلىگىندە قالادى. بۇل شەگەنى قوجا ءوز قالاۋىنشا پايدالانا الادى.
